Vera - 01.12.1986, Síða 28

NIÐURSKURÐUR A
FRAMLÖGUM TIL
DAGVISTARMÁLA
Greinilegt er að dagvistarheimili, fóstrur og
málefni fjölskyldunnar eiga ekki upp á pall-
borðið hjá stjórninni. Það er mikill skortur á
dagheimilum og skóladagheimilum hér á landi
og hægt að rekja háa slysatíðni á börnum til
þess að stór hluti þeirra hefur engan til þess að
líta eftir sér meðan foreldrarnir vinna sinn
langa vinnudag. Þrátt fyrir þetta hefur framlag
ríkisins til byggingar dagvistarheimila verið
skorið niður svo um munar og var þó ekki
myndarlegt fyrir.
í fjárlögum 1986 var það 39,2 millj. kr. en í ár er það
20 milljónir. í umræðu sem fór fram þann 30. október
um fjárlagafrumvarpið benti Kristín Halldórsdóttir á að
Bifreiðaeftirlit ríkisins fær skv. fjárlagafrumvarpinu 20
millj. og 280 þús. kr. eða 280 þús. kr. meira en ætlaðar
eru til bygginga dagvistarheimila á öllu landinu. Átján
milljónir af þeirri upphæð eru ætlaðar til innréttinga og
tækjakaupa í húsinu við Bíldshöfða 8. Á þessu má sjá
hver forgangsverkefni stjórnarinnar eru.
Árið 1976 hætti ríkið að taka þátt í rekstri dagvistar-
heimila og var það ýmsum sveitarfélögum töluverður
baggi. Framlag ríkisins til stofnkostnaðar hefur þó gert
mörgum minni sveitarfélögum kleyft að byggja dagvist-
arheimili, sem þau hefðu annars varla haft bolmagn til.
Sverrir Hermannsson menntamálaráðherra sagði í
kvöldfréttum útvarps þann 27. ágúst s.l. að hann legði
til að ríkið hætti öllum fjárframlögum til bygginga dag-
vistarheimila. Þann 16. okt. s.l. var gerð samþykkt í
borgarstjórn þarsem kom fram sú skoðun borgarstjórn-
ar að eðlilegt sé að uppbygging dagvistunarstofnana
sé alfarið verkefni sveitarfélaga og ennfremur að sveit-
arfélögin hafi algert forræði um rekstur og skipan innri
málefna dagvistarstofnana. í Þjóðviljanum þann 11.
nóvembers.l. benti Ingibjörg Sólrún Gísladóttir, borgar-
fulltrúi Kvennalistans á að þarna megi sjá nýja stefnu-
mörkun í dagvistarmálum. Ekki virðist einungis vera
stefnt að því að rekstur og uppbygging dagvistarheimila
verði algerlega í höndum sveitarfélaga heldur á að losa
þau undan lögum og reglugerðum um rekstur þessara *
heimila, sem þýðir að ekki verði tryggðar neinar lág-
markskröfur sem gilda fyrir landið allt, til aðbúnaðar,
starfsfólks eða uppeldisstarfs heimilanna.
Kvennalistinn stefnir að því að endurflytja frumvarp til
laga um átak í dagvistarmálum barna sem flutt var
haustið 1984. Þar er kveðið á um að 0.8% A-hluta fjár-
laga verði varið til byggingar dagvistunarheimila fyrir
börn.
FÓSTURLIÐAR í STAÐ FÓSTRA
Kristín S. Kvaran fyrrverandi þingkona Bandalags
Jafnaðarmanna og núverandi þingkona Sjálfstæðis-
flokksins flytur frumvarp til breytinga á lögum um bygg-
ingu og rekstur dagvistunarheimila fyrir börn. Kristín
bauð Kvennalistakonum að vera meðflutningsmenn á
frv. en eftir nokkra umfjöllun hafnaði Kvennalistinn því.
Ástæðan fyrir því var 3. gr. frumvarpsins þar sem kveð-
ið er á um að heimilt verði að mennta og þjálfa fósturliða
til að aðstoða fóstrur við uppeldisstörf á dagvistar-
heimilum sem væri ágætt ef ekki hefði fylgt með ákvæði
sem segir að ef ekki reynist unnt að fá fólk með fóstru-
menntun til starfa á dagvistarheimilum sé heimilt að
ráða fósturliða í staðin. Með fylgdi tillaga að reglugerð
um skipan fósturliðanáms og löggildingu slíkrar starfs- (
stéttar. Allir vita að fóstrur fást ekki til starfa á leikskól-
um og dagvistarheimilum vegna lágra launa og van-
mats á fóstrustarfinu. Ný löggilt stétt fósturliða með
minni menntun og lægri laun væri hugsanlega lausn á
vandanum en Kvennalistinn vill ekki eiga þátt í lausn af
því tagi. Og ekki styrkir það stöðu fóstra í kjarabaráttu
þeirra ef þær eru gerðar óþarfar, né sýnir það mikla
virðingu fyrir því mikilvæga starfi, sem þær inna af
hendi.