Vera - 01.09.1989, Blaðsíða 2

TÍIX/IARIT UIVI KONUR OO KVENFRELSI
4/1989 - 8. árg.
VERA
Laugavegi 17
101 Reykjavík
Úgefendur:
Samtök um Kvennalista og
Kvennaframboö í Reykjavík.
Sími: 22188
JL*M úháttabreytingar undanfarinna ára hafa haft veruleg áhrif á stöðu kvenna til sveita. Mörg bú hafa
fullviröisrétt sem ekki gefur af sér J)ær tekjur sem þarf til að framfleyta fjölskyldu. Iiina leiðin er því
að leita vinnu og tekna utan búsins eða í aukabúgreinum. Hvort tveggja er af skornum skammti og af-
leiðingin hefur verið mikið en dulið atvinnuleysi í sveitum landsins — sérstaklega meðal kvenna. At-
vinnu- og tekjuleysi sveitakvenna er ekkert séríslenskt fyrirbæri — það er vel Jiekkt bæði í Svíþjóð og
Noregi — en hins vegar hefur það fengið litla umfjöllun hér á landi og enn sem komið er hafa stjórnvöld
fátt gert til að sporna gegn því.
Konur hafa ótal hugmyndir um nýjar aukabúgreinar og atvinnu til sveita og þær skortir ekki viljann
til að takast á við þær, en þær skortir fræðslu, ráðgjöf og fjármagn. Hugmyndir þeirra þykja oft á tíðum
of smáar til að það taki því að gefa þeim gaum enda virðist falla betur að geðslagi þeirra karla, sem mikið
hafa umleikis, að ausa fjármunum í stórar og botnlausar hítir. Sveitakonur eiga sér heldur engin heildar-
samtök sem gæta þess að þær verði ekki settar hjá í þeim þjóðfélagsbreytingum sem nú eiga sér stað
í sveitunum. Búnaðarfélögin og Stéttarsamband bænda ættu auðvitað að gera það en konur eru alltof
fámennar í þessum félögum til að raddir þeirra heyrist. Segja má að þessi félög hafi verið lokuð konum
allt til ársins 1975 og konur hrista ekki af sér hálfrar annarrar aldar útilokun á hálfum öðrum áratug.
Búnaðarfélögin eru því í raun karlafélög og þótt kvenfélögin hafi oft sinnt kvennabaráttu til sveita með
miklum ágætum, þá hafa þau ekki reynst það mótvægi sem þeim í upphafi var ætlað.
En sveitakonur hafa heilan heim að vinna og ef þær fá stuðning til að virkja hugmyndir sínar og orku
þá vinna þær hann.
-isg.
NAWAL
EL SAADAWI
Nawal El Saadawi er egypskur feministi fædd árið 1930. Hún er fædd í Kaíró
og las læknisfræði við háskólann þar og síðar við Columbia Háskólann í New
Yorlc. Aö námi loknu vann hún á vegum Háskólasjúkrahússins í Kaíró sem
læknir úti á landsbyggöinni og síðar sem geölæknir. Félagssálfræðileg rann-
sókn hennar „Konur og kynlíf" (1972) olli miklum deilum þegar hún kom út,
en þar fjallar hún opinskátt um skírlífi og þá bannhelgi sem umlykur stöðu
kvenna í arabísku samfélagi. í rannsókninni leggur hún áherslu á mikilvægi
þess að róttækar breytingar verði á stööu kvenna jafnt innan fjölskyldunnar
sem á vinnumarkaði.
Þegar bókin kom út var Nawal el Saadawi mjög hátt sett í egypska heilbrigðisráðuneytinu og ritstjóri tíma-
rits um heilbrigðismál sem gefið er út af ríkisstjórninni. Báðar þessar stöður missti hún vegna skoðana
sinna.
Um tíma starfaði hún hjá Alþjóða heilbrigðismálastofnuninni en sagði upp starfi sínu þar og á alþjóöa
kvennaráðstefnunni í Kaupmannahöfn áriö 1980 (Forum ’80) sagði hún m.a.: „Hjarta Sameinuðu þjóðanna
slær ekki fyrir konur. Þar ríkir sama karlræðiö og annars staðar." Bætti hún því við að hvítir karlar væru efstir
í valdapýramída SÞ en litaðar konur neðstar.
Þrátt fyrir þetta lét hún ekki deigan síga og fann kvennapólitískum skoðunum sínum farveg sem rithöf-
undur. Hún hefur gefið út sjö skáldsögur, fjögur smásagnasöfn og fimm bækur sem innihalda pólitísk skrif
hennar. Öll hennar verk eiga það sammerkt að þau fjalla á einn eða annan hátt um baráttu arabískra kvenna
fyrir jafnrétti. Árið 1981 var hún handtekin ásamt fleiri konum að fyrirskipan Sadats Egyptalandsforseta
og sök þeirra var sú að hafa gefið út kvennatímaritið „Augliti til auglitis". Ein þekktasta bók hennar „Huliö
andlit Evu: Konur í Arabaheiminum" kom út í enskri þýðingu árið 1979 og nokkru síöar á nokkrum Norður-
landamálum. Nawal el Saadawi var ein af stofnendum sérstaks kvennaflokks í Egyptalandi en síðast þegar
sú sem þetta skrifar vissi var hann bannaöur.
-isg.
Mynd á forsiðu:
Rut Hallgrímsdóttir
Ritnefnd:
Ingibjörg Sólrún Gísladóttir
Guðrún Ögmundsdóttir
Elísabet Þorgeirsdóttir
Brynhildur Flóvenz
Anna Ólafsdóttir Bjömsson
Sigrún Hjartardóttir
Sigríður Lillý Baidursdóttir
Útllt:
Kicki Borhammar
Laura Valentino
Starfskonur Veru:
Brynhildur Flóvenz
Ingibjörg Sólrún Gr'sladóttir
Kicki Borhammar
Ábyrgð:
Brynhildur Flóvenz
Auglýsingar:
Björk Gísladóttir
Sefning og filmuvinna:
Prentþjónustan hf.
Prentun:
Prentberg.
Plastpökkun:
Vinnuheimilið Bjarkarás.
Ath. Greinar í Veru eru birtar á ábyrgð
höfunda sinna og eru ekki endilega
stefna útgefenda.
2