Vera - 01.04.1997, Blaðsíða 26

viðhalda
U
þ jó ðfélagi
Helga Jónsdóttir
borgarritari
hefur gegnt
mörgum
ábyrgðar- og
áhrifastöðum,
bæði hér heima
og erlendis, og
átt sæti í fjölda
nefnda og ráða.
Súsanna
Svavarsdóttir
skyggndist inn
í starfssvið
Helgu, feril
hennar og
daglegt líf.
S
Olíkt konum sem taka þátt í stjómmálum,
standa konur í embættiskerfinu til hlés
hvað varðar áreiti fjölmiðla - sem á líka
við um karlmenn - og við vitum því
minna hverjar þær eru og hvað þær gera.
Nafn Helgu Jónsdóttur, sem var ráðin í stöðu borg-
arritara 1. ágúst 1995, hafði þó oft birst í fjölmiðlum.
Hún kom hvorki ómenntuð, né óreynd, til starfa í
Ráðhúsinu - heldur hafði hún ágæta menntun og fjöl-
þætta reynslu. Reynslu sem hefur nýst henni í þeim
fjölda af ólíkum málum sem inn á borð hennar berast.
Árið sem Helga var ráðin í stöðu borgarritara, var
hún einnig skipuð í stjórn Landsvirkjunar, í sæti for-
manns. Hún kom þetta ár frá Bandaríkjunum, þar
sem hún hafði verið varafulltrúi Norðurlandanna og
Eystrasaltsríkjanna í framkvæmdastjórn Alþjóða-
bankastofnananna í Washingtonborg. Áður hafði hún
verið skrifstofustjóri forsætisráðuneytisins og ritari
ríkisstjórnarinnar, aðstoðarmaður utanríkisráðherra,
aðstoðarmaður forsætisráðherra, fulltrúi í skiptarétti
Reykjavíkur, fulltrúi í dóms- og kirkjumálaráðuneyti
og allt þetta gerðist á árunum 1979-1995. Á námsár-
unum hafði hún starfað sem forfallakennari í Verslun-
arskóla íslands, þar sem hún kenndi vélritun, dönsku
og þýsku, auk þess að starfa sem blaðamaður við
Tímann.
Árið 1979 var hún skipuð fulltrúi menntamálaráð-
herra í stjórn Félagsstofnunar stúdenta, þar sem hún
sat í fjögur ár, ári síðar settist hún í félagsmálaráð
Kópavogs jafnframt því sem hún var lögfræðingur
barnaverndarnefndar. Árin 1984-1986 sat hún í
stjórnkerfisnefnd, sem undirbjó m.a. frumvörp til
nýrra stjórnarráðslaga, stjórnsýslulaga, laga um um-
boðsmann Alþingis og ríkisendurskoðun. 1985-1987
var hún formaður fíknivarnanefndar ríkisstjórnarinn-
ar og formaður tryggingaráðs 1987-1989.
Helga lauk stúdentsprófi frá Verslunarskóla íslands
1973, lögfræðiprófi frá Háskóla íslands árið 1978 og
nam við International Monetary Fund Institute
(kennslustofnun Alþjóðagjaldeyrissjóðsins) árið
1992.
Hún ólst upp í Kópavoginum - og hún býr í Kópa-
voginum, gift og þriggja barna móðir.
Þegar ég sest inn á skrifstofuna hjá Helgu í Ráðhús-
inu, daginn sem við höfum knappan tíma til að taka
viðtal, er lokað fyrir símann - nema „beinu línuna,“
til að heimilið nái sambandi.
Ég verð alltaf þvinguð í návist embættismanna.
Mér finnst þeir skapa sér fjarlægð við lífið, hreyfa sig
og tala eftir einhverjum sérkennilegum formreglum;
jafnvel tala við fjölskylduna sína í knöppum stíl sem
gefur til kynna að þeir eigi annríkt og séu mikilvægir.
Svo hefur maður heyrt að konur í ábyrgðar- og stjórn-
unarstöðum séu kaldar, ósvífnar, harðar og vægðar-
lausar.
Sest í stól á skrifstofu Helgu, líður mér eins og ég sé
að hitta gamla skólasystur. Hún hefur ljúfa fram-
komu, er glaðleg, afslöppuð og við ræðum leiksýn-
ingu sem við sáum um daginn. Kemur í ljós að hún
hefur ekki tapað hæfileikanum til að hrífast; vera
þátttakandi í því augnabliki sem er að líða - og upp-
eldi barnanna er henni greinilega stór gleðiþáttur sem
hún hugsar mikið um.
Það er ekki langt liðið á viðtalstímann þegar mér er
orðið ljóst hvers vegna Helgu hefur verið treyst fyrir
þeim krefjandi störfum sem hún hefur tekist á við.
Hún er manneskja sem líklega flestir vilja hafa í
kringum sig; í jafnvægi, glaðvær og traust.
Og hún ætlar í hagfræði þegar hún verður stór.
Ætlaði í læknisfræði þegar hún var lítil. Nam lög-
26 v#ra