Ljósmæðrablaðið - 01.04.1980, Page 43

LJÓSMÆÐRABLAÐIÐ
43
Félagsfréttir
Bréf er formaður hefur sent varðandi störf
Ijósmœðra á hei/sugœs/ustöðvum.
Ljósmæðrafélag íslands hefur komist í mikla varnar-
stöðu vegna stjórnunar á sviði heilbrigðismála og
ágengni ýmissa hópa inn á starfssvið ljósmæðra. Einn
þáttur í vörn félagsins er meðfylgjandi bréf sem félagið
hefur sent landlækni og heilbrigðisráðuneytinu.
Við leyfum okkur í fyllstu vinsemd að senda afrit af
bréfinu til stjórna allra heilsugæslustöðva á landinu.
Með virðingu,
f.h. Ljósmæðrafélags íslands
Steinunn Finnbogadóttir, formaður.
Til heilbrigðismálaráðuneytisins
Arnarhvoli — Reykjavík.
í ljósi þess sem undanfarið hefur verið að gerast við
stofnun og starfsemi heilsugæslustöðva um landið leit-
aði Ljósmæðrafélag íslands álits Félags íslenskra kven-
sjúkdómalækna. Félagið varð fúslega við þeirri beiðni
og fylgir Ijósrit af svari þess hér með.
í lögum um heilbrigðisþjónustu sem samþykkt voru
á Alþingi 6. maí 1978 17. gr. 1. málsgrein segir svo:
Ráða skal hjúkrunarfræðinga og Ijósmceður til starfa á
heilsugæslustöðvar, þær skulu skipaðar af ráðherra og
taka laun úr ríkissjóði.”
Ljósmæðrafélagi íslands er kunnugt um að þessi
ákvæði hafa verið brotin að því er snertir ljósmæður.
Það sést m.a. í frétt er birtist i Tímanum 4. nóv. 1979
um starfsemi heilsugæslustöðvarinnar í Breiðholti í
Reykjavík, þar sem upplyst er að þar fari fram mæðra-
skoðun. Engin ljósmóðir starfar þó á heilsugæslustöð-
inni og starfið hefur ekki verið auglýst.