Ljósmæðrablaðið - 01.09.1997, Page 17
C Fæáing í vatni
Fæðingastofum og aðstöðu fyrir
sængurkonur var breytt fyrir 2-3
árum á Sjúkrahúsi Suðurlands Sel-
fossi. Þá sýndu ljósmæður þar mikla
framsýni og lögðu áherslu á að fá
stórt baðkar á fæðingastofuna. Síðan
fóru sunnlenskar konur smátt og
smátt að notfæra sér heita vatnið, til
slökunar og verkjastillandi, á meðan
þær voru á fyrsta stigi fæðingar.
Vinsældir baðsins urðu alltaf meiri og
meiri og þótti ljósmæðrum á Selfossi
nú s.l. haust réttur tími til að bjóða
konum upp á vatnsfæðingar. Þetta
hefur verið í undirbúningi í allan
vetur og töldum við okkur faglega
tilbúnar um miðjan febrúar. Fyrsta
konan fæddi í vatni 16. febrúar 1997
og síðan hafa tvær konur bæst við.
Allar hafa þær verið mjög ánægðar
með þessa tilhögun og fæðingarnar
gengið vel.
Við erum nú að upplýsa og fræða
konur um þennan valkost og eru þær
margar mjög áhugasamar um þetta.
Við höfum sett okkur strangar reglur
og ýmsar leiðbeiningar sem við
höfum okkur til stuðnings.
Áslaug Hauksdóttir Ijósmóðir
Sjúkrahúsi Suðurlands Selfossi.
Skilyrði sem uppfylla þarf til að fá
að fæða í vatni.
1) Engir áhættuþættir.
2) Meðganga a.m.k. 38 vikur.
3) Höfuðstaða fósturs.
4) Ef legvatn er farið-tært legvatn.
5) Eðlileg stærð á barni.
Aðal kostir þess að fæða í vatni:
1) Heitt vatn er verkjastillandi og
leiðir til betri slökunar.
2) Minni verkjalyfjanotkun.
3) Styttir fyrsta stig fæðingar.
4) Fækkar klippingum-minni rifur.
5) Fækkar keisaraskurðum.
6) Lækkar blóðþrýsting.
Ókostir:
Engir við eðlilegar fæðingar.
Frábendingar:
1) Grænt legvatn.
2) Blæðing á 1. stigi fæðingar.
3) Fyrirburafæðing.
4) Grunur um mjög stórt barn.
5) Sitjandistaða fósturs.
6) Tvíburar.
7) Einnig ef gefin hafa verið sterk lyf
þá að bíða í a.m.k. 2-3 tíma með
vatnsfæðingu.
NB!
Lesefni og myndband á
Héraðsbókasafni Arnessýslu, Selfossi.
LJÓSMÆÐRABLAÐIÐ
17