Ljósmæðrablaðið - 15.07.1999, Blaðsíða 7

Tílk'ýnning frá KOennadeilcl Landspílalans
Kvennadeildin, sem er stærsta fæðingadeild landsins, ætlar að styðja betur við ljósmæður og lækna sem
vinna við mæðravernd og fæðingahjálp, með kennslu og þjálfun á Kvennadeildinni. Einnig höfum við
hug á að auka stuðning með ákveðnum tengiliðum og sérfræðiáliti, ef ljósmæður óska þess. Með því er
mögulega hægt að bæta þjónustu í heimahéraði og jafnframt auka gæði þjónustunnar á landsvísu.
Vinsamlegast sendið undirrituðum hugmyndir og óskir ykkar um í hvaða formi þessi fræðsla og þjón-
usta hentar best og hvort og hvenær þið mynduð vilja notfæra ykkur hana.
Ragnheiður Sigurðardóttir Guðrún Björg Sigurbjörnsdóttir
Hjúkrunarframkv.stj./yfirljósmóðir Sviðsstjóri
Kvennadeild Landspítalans Kvennadeild Landspítalans
❖ ❖ ❖ ❖
❖ ❖ ❖ *
❖ ❖ ❖ ❖
Ljósmaeður kýnna sig
Dagana 17. og 18. apríl sl. bauðst ljósmæðrum tækifæri til að kynna störf sín þegar útvarpsstöðin Matt-
hildur FM. 88,5 bauð Ljósmæðrafélaginu afnot af bás á sýningunni Barnið ’99. Sýning þessi var hin
veglegasta í alla staði og var þar til sýningar ýmislegt sem tengist börnum og barneignum. Sótti hana
fjöldi manns, mest fólk á barneignaraldri, og var góður rómur gerður að sýningunni. Bás ljósmæðra var
á góðum stað og margir stoppuðu og fengu bæklinga og blöð eða spjölluðu um reynslu sína og leituðu
ráða. Ljósmæður skiptu með sér verkum og stóðu sig með stakri prýði, eins og þeirra vandi er. Er það
mál manna að þessi kynning hafi verið ljósmæðrum til góðs og gert þær sýnilegri í þjóðfélaginu. Út-
varpsstöðinni Matthildi er hér með þakkað þetta frábæra framtak.
❖ ❖ * ❖
❖ ❖ ❖ #
❖ ❖ ❖ ❖
AKinnutaekifaen
Nú er skortur á ljósmæðrum í London. Queen Charlotte’s & Chelsea Hospital í London hafa áhuga á að
fá íslenskar ljósmæður til starfa. Þar væri hægt að bjóða upp á aðlögun sem fæli í sér: Kynningu á heil-
brigðiskerfinu, kynningu á mæðraþjónustu, mat á framamöguleikum og þörf fyrir þjálfun ljósmæðranna,
áætlun til eins árs sem leiddi til inntöku í UKCC, enskunám. Þessi sjúkrahús hafa góð sambönd við
Thames Valley University, The Post Graduate Medical School og sína eigin miðstöð fyrir „evidence ba-
sed midwifery practice“. Þær sem hafa áhuga geta haft samband við Hilary Ruhl, Matemity Service
Manager, Queen Charlotte’s & Chelsea Hospital, Goldhawk Road, London W6 OXG, England. Sími:
0044 0181 383 8559 eða 0044 0181 748 4666, eða fax: 0044 0181 383 3517.
UÓSMÆÐRABLAÐIÐ
7