Almanak Hins íslenska þjóðvinafélags - 01.01.1892, Blaðsíða 53

þeim síðan, en liðsmenn hans á þingi hafa fækkað allmikið síðarí
árin, og er því ekki ólíklegt að frjálslyndi flokkurinn muni bráð-
um komast að völdunum aptur.
Prederik Temple Hamilton-Blackwood Dufferin
jarl f. 1826. Hann er einn af merkustu stjórnstarfa-mönnum
Breta. Árið 1841 erfði hann peers-titil föður síns; 1856 kom
hann til íslands á ferð sinni til Spitzbergen; hann fylgdi Kussel
1 lávarði á Vínárfundinn og varð ríkisfulltrúi á Sýrlandi 1860;
1868 varð hann kanslari yfir hertogadæminu Lancaster; árið 1871
var hann gjörður að jarli; á árunum 1872—78 var hann vice-
konungur í Canada; 1879 fór hann sem sendiherra Breta-drottn-
I ingar til St. Pjetursborgar; þaðan 1881 í sömu erindum til Con-
stantinopel; árið 1882 fór hann til Egyptalands í stjórnarerind-
unj, 1884 var hann gjörður að vice-konungi á Indlandi og nú
er hann sendiherra Breta-drottningar í Kómahorg.
Alexander Dumas hinn yngri er frægt sjónleika-skáld
á Frakklandi. Faðir hans var skáldsagna-höfundurinn nafnkenndi
Alexander Dumas hinn eldri, sem margir íslendingar hafa lesið
sögur eptir.
Emil Zola er einna frægastur allra núlifandi skálda á
Frakklandi. Hann fæddist 1840 í Parísarborg, en fluttist þaðan
á barnsaldri og ólst upp i hjeraðinu Provence. pegar hann var
24 ára gamall kom fyrsta bókin hans út. Aðalrit hans er hinn
frægi og mikli skáldsagna-bálkur um ættirnar Rougon ogMacquart.
Windhorst, er einn af merkustu þingmönnum þjóðverja.
Hann hefur í mörg ár verið talsmaður konungsættarinnar frá
Hannover, sem vikið var frá völdum fyrir nokkrum árum, en
merkastur er hann þó fyrir forustu þá, er hann hefur veitt ka-
þólska flokknum á þingi þjóðverja. Hann er lítill vexti, ogmjög
óálitlegur ásýndum, en þrekmaður hinn mesti, ágætlega gáfaður,
y ræðumaður mikill, findinn mjög og hnífilyrtur við mótstöðumenn
sína. Hann hefur ætíð verið mótstöðumaður Bismarks á þingi,
og stýrt flokki miklum.
George Eiffel er hinn frægi stórhýsasmiður á Frakklandi,
er reisti Eiff'el-tnrninn mikia í Parísarborg, er mest var um rætt
(45j