Almanak Hins íslenska þjóðvinafélags - 01.01.1968, Síða 83

smiðjunnar á Siglufirði. Unnið var að flugvallargerð við
Sigluíjörð. — í Grímsey var unnið að byggingu húss fyrir
barnaskóla og félagsheimili. Þar var og unnið að beinamjöls-
verksmiðju.
Skagafjarðarsýsla. A Hofsósi var unnið að byggingu félags-
heimilis. Unnið var að stækkun skólahússins á Hólum. Mörg
ibúðarhús voru byggð á Sauðárkróki. Þar var unnið að bygg-
ingu bókasafnshúss, gagnfræðaskólahúss og húsi Búnaðar-
bankans. í Varmahlíð var unnið að félagsheimili og verzlunar-
húsi.
Húnavatnssýslur. 1 Höfðakaupstað var unnið að byggingu
félagsheimilis og læknisbústaðar. Umbætur voru gerðar á
síldarverksmiðjunni þar. Unnið var að byggingu við kvenna-
skólann á Blönduósi. Hafin var bygging heimavistarskóla á
Reykjum á Reykjabraut. Minnisvarði um Guðmund Hannes-
son lækni og prófessor var reistur á Guðlaugsstöðum í
Blöndudal. A Hvammstanga var unnið að byggingu félags-
heimilis. Nýtt félagsheimili á Laugarbakka í Miðfirði var
vígt 29. júní og nefnt Ásbyrgi. Ýmsar byggingaframkvæmdir
voru við Reykjaskóla í Hrútafirði.
Strandasýsla. Á Hólmavík var unnið að kirkju, félags-
heimili og póst- og símahúsi.
ísafjarðarsýslur. Ýmsar framkvæmdir voru í Reykjanes-
skóla við Djúp. Unnið var að byggingu barnaskólahúss á
ísafirði. Unnið var að byggingu flugstöðvar á ísafjarðar-
flugvelli. Unnið var að félagsheimili í Hnífsdal. Nýtt barna-
og unglingaskólahús var tekið til afnota í Bolungavík. All-
mörg íbúðarhús og iðnaðarhús voru byggð í Bolungavík.
Nýr íþróttavöllur var tekinn í notkun þar. Á Suðureyri var
unnið að byggingu póst- og símahúss, sláturhúss og fisk-
vinnsluhúss. Á Flateyri var unnið að íþróttahúsi og póst- og
símahúsi. Byggingaframkvæmdir voru við Núpsskóla. Á
Þingeyri var unnið að bókasafnshúsi.
(81)
6