Dagblaðið Vísir - DV - 23.12.2004, Blaðsíða 22

22 FIMMTUDAGUR 23. DESEMBER 2004
Jólablað DV
Yfir hátíðarnar tjalda sjónvarpsstöðvarnar öllu því besta sem þær eiga í fórum sínum. DV hafði
samband við dagskrárstjóra innlendrar dagskrár á tveimur stærstu sjónvarpsstöðvunum, Stöð 2 og RÚV,
og komst að því að ýmissa grasa kennir á skjánum um jólin.
Jólastundin Er sérlega stór í
sniðum aö þessu sinni en Gísli
RúnarJónsson ferþar með
hlutverk Skröggs hins niska.
Snorri Már Skúlason Fer
til Englands og hittirþar
Hermann Hreiðarsson.
„Við erum ákaflega ánægð með dag-
skrána," segir Jóhanna Jónasdóttir, vara-
dagskrárstjóri hjá RÚV. Og engin ástæða til
annars. Þar er fetuð lína miili hefða og ný-
mæla. Jóhanna á reyndar í stökustu vand-
ræðum með að nefna það sem stendur
upp úr. „Heimildarmynd um Gerði Helga-
dóttur listakonu og myndhöggvara verður í
tveimur hlutum sem við sýnum 1. og 2. jún-
úar og heitir Líf fyrir listina eina. Við erum
með Hestasöguna hans Þorfinns Guðna-
sonar. Ogvið erum með NóaAlbínóa á dag-
skrá," segir Jóhanna.
Mikil tónlist
Hún nefnir einnig til sögunnar árlega
jólamessu með biskupnum sem að þessu
sinni er í Víðisstaðakirkju í Hafnarfirði
ásamt kór kirkjunnar og fleira góðu fólki. „Á
aðfangadag verður síðan árlegt prógramm
sem heitir Fyrir þá sem minna mega sín.
Þetta er tónlistardagská frá Fíladelfíusöfn-
uðinum og margir bíða spenntir eftir henni
enda stórkostlegir tónlistarmenn þar á ferð.
Á jóladag verður svo mynd eftir Erlu Skúla-
dóttur, Bjargvættur, og hefur hún unnið til
fleiri verðlauna og viðurkenninga en ég
kann að telja. Svo verða glænýir jólatón-
leikar Karlakórs Reykjavíkur á dagskrá en
þeir fór til London og sungu þar. Já, það er
mikil tónlist."
Stórmyndin Hafið verður á nýársdag og
Jólastundin verður óvenju glæsileg í ár. Þar
er stílfærð útgáfa á Jóladraumi Dickens og
fer Gísli Rúnar Jónsson með hlutverk
Skröggs. Skaupið, annálar frá fréttastofu og
svo Kveðja frá Ríkissjónvarpinu sem Mark-
ús Örn Antonsson útvarpsstjóri annast, en
hann fór á Austurland til að taka kveðjuna
upp.
„Svo frumsýnum við leikna mynd eftir
Egil Eðvaldsson sem heitir Danskeppnin og
er ætluð börnum.“
Aiveg má ljóst vera að heldur þykir Jó-
hönnu sér þröngur stakkur sniöinn því enn
er ýmislegt ónefnt sem markvert má teljast
á dagskrá Sjónvarps yfir hátíðarnar. „Ellen
og KK koma fram á tónleikum Norska
hjálpræðishersins, við erum með Maður
eins og ég með Jóni Gnarr í aðaihlutverki og
einnig má nefna athyglisverðan þátt frá
Unisef þar sem ungt fólk alls staðar að úr
heiminum býr til einnar mínútu vídeóatriði
- þetta er góð dagskrá."
Grín og alvara
„Ég vil sérstaldega nefna þátt Sjálfstæðs
fólks þar sem þeir Jón Ársæll og Steingrím-
ur Jón sækja óperusöngvarann Kristinn Sig-
mundsson heim,“ segir Heimir Jónasson,
dagskrárstjóri innlendrar dagskrár á Stöð 2.
Þessi þáttur verður á dagskrá 26. desember.
„Og svo verð ég að biðja fólk að missa
ekki af íslensku sveitinni. Ég vissi ekki hvort
ég ætti að hlæja eða gráta. Hvort verið er að
hafa mann að fífli eða ekki. Ég bara gapti.
Þetta er heimildarmynd sem þeir Kristinn
Hrafnsson og Friðrik Guðmundsson gerðu
og viðmælendur þeirra tala frjálslega enda
er þetta fyrir skelfilega teppabúðaratvikið."
Idolið, sem hefur verið flaggskipið á dag-
skrá Stöðvar 2 er í jólafríi en Heimir segir að
nú sé verið að smíða stórfenglega sviðs-
mynd fýrir lokaátökin. Þess í stað fái áhorf-
endur sárabót í formi sérstakrar jólaútgáfu
ameríska Idolsins.
„Svo minni ég bara á, þótt það heyri
undir fréttastofuna, Kryddsíldina, annála
Fréttastofunnar þar sem blandast grín og
alvara og Silfur Egils. Svo má einnig nefna
sérstaka sjónvarpsupptöku sem gerð var
með dávaldinum frábæra, Sailish, og einnig
þáttur um amerískan uppistandara, Pabló
Francisco og vini, sem tekin var síðasta
vor.“
Jólajóla á Skjá 1
„A nýarsdag verður á dagskrá þáttur um
fótboltamanninn Hermann Hreiðarsson en
Snorri Már heimsótti kappann á heimili
hans í Bretlandi í haust. Hver er Hermann
Hreiðarsson sem við sjáum reglulega á
skjánum í enska boltanum og hvernig lifir
hann? Snorri Már heimsótti Hermann og
fjölskyldu í haust sem komið hefur sér vel
lýrir í fínu hverfi rétt utan við London,"
kemur fram í upplýsingum frá Helga Her-
mannssyni dagskrárstjóra Skjás eins, en þar
verður lögð áhersla á fótbolta. En það verð-
ur meira á boðstólum Skjásins.
Sirrí verður með jólafólk í sínum þætti á
jóladagskvöld, Vala Matt er í jólaskapi, lítur
inn á tvö bresk heimili og fylgist með jóla-
undirbúningi Bergþórs Pálssonar og Al-
berts Eiríkssonar á heimili þeirra. „Á gaml-
ársdag verður boðið upp á áramótaútgáfu
af Sunnudagsþættinum og verða þau Illugi,
Katrín, Guðmundur og Ólafur Teitur í sínu
fínasta pússi þegar þau líta yfir farinn veg.
Fjöldi skemmtikrafta treður upp og búast
má við fjörugum þætti í beinni útsend-
ingu.“
Og ekki má gleyma undrakokkinum
Völla sem hefur slegið í gegn með einföld-
um en mjög hjálplegum húsráðum. Annan
í jólum Id. 20.30 sýnir hann hvernig skal
undirbúa áramótaveisluna."
jakob@dv.is
Jóhanna Jónasdóttir Fulltrúi
Ríkissjónvarpsins er verulega
ánægð með þaö sem I boði verður
á skjánum.Jóhanna átti fstökustu
vandræðum með að stikla á stóru
fþvfsambandi.
Heimir Jónasson Vekursérstaka
athygli á Islensku sveitinni. Þegar
Heimir sá hana vissi hann ekki
hvort hann ætti heldur að hlæja
eðagráta.
Helgi Hermannsson Dagskrár-
stjóriSkjás eins en þar verður eink
um lögð áhersla á enska boltann
yfir hátfðarnar.