Freyr - 01.09.1947, Blaðsíða 6

264
FRÉYR
Opnun sýningarinnar fór fram að við-
stöddu fjölmenni, sem þangað hafði verið
boðið. Landbúnaðarráðherra, sem var for-
seti sýningarráðs, hélt ræðu, Karlakór
Reykjavíkur söng, en forseti íslands ■— Hr.
Sveinn Björnsson, heiðursforseti sýningar-
innar — lýsti hana opna almenningi. —
Þótt veður væri óhagstætt komu þúsundir
manna strax fyrsta daginn og hvern dag
sem sýningin var opin. Kom fólk um lang-
vegu úr öllum landshlutum til þess að
skoða sýninguna og var það strax almanna
rómur, að hún bæri langt af öllum, sem
efnt hefir verið til hér.
Hér á landi hafa ýmsar sýningar verið
haldnar um undanfarin ár, en þær sem
mestri hylli hafa náð munu vera garð-
yrkjusýningar og svo búsáhaldasýningin
1921, er um mörg ár var vitnað til, sem
stórmerks viðburöar í íslenzkri búnaðar-
sögu. Má vonandi gera ráð fyrir að sýn-
ing þessi marki spor sín í hugi manna
og verði að gagni á svo eftirminnilegan
hátt, að hún teljist til þeirra atburða,
sem efla og styðja búnað á íslandi.
Dómur almennings féll á þann veg, aö
ástæða er til þess að ætla, að áhrifa henn-
ar gæti bæði í orði og á borði um kom-
andi ár.
Þótt undirritaður teljist í hópi þeirra
manna, sem nokkru hafa ráðið um frá-
gang og fyrirkomulag sýningar þessarar,
þá getur gagnrýni þó komist að. Um sýn-
inguna má með sanni segja, að þrátt fyrir
óviðráðlegar truflanir og ýmsa annmarka,
þá hafi hún, þegar á allt er litið, tekizt
svo vel, að vér höfum án kinnroða getað
sýnt hana hverjum sem sjá vildi.
Víst hefi ég séð sýningar miklu um-
fangsmeiri og að ýmsu betur úr garði
gerðar, og víst hafa aðrir á að skipa sýn-
ingarefni, sem er í ýmsu fullkomnara en
það, er vér höfum völ á. En þegar miðað
er við fólksfjölda þjóðar vorrar og þeirrar
stéttar, sem stóð á bak við þessa sýningu,
þá verður að telja að hér hafi þrekvirki
HFrá deildinni þar sem
mgömul búsáhöld voru til
H sýnis.