Freyr - 01.09.1947, Qupperneq 28

286
FREYR
24. grein.
Nú er starfandi viðurkennd samsala eða mjólkurbú, og er þá öðrum óheimilt
að selja mjólk eða rjóma í þeim kaupstöðum og kauptúnum, sem eru innan sama
mjólkursölusvæðis, sbr. þó 22. gr.
Enn fremur er stjórn mjólkurmálanna á hverju mjólkursölusvæði heimilt
að veita leyfi til að afhenda mjólk að gjöf og lieimila framleiðanda að taka mjólk
til eigin neyzlu utan heimilis síns, ef henni þykir sérstök ástæða til. Heimilt er sam-
sölustjórnum að taka í sínar hendur sölu og dreifingu annarra mjólkurafurða,
sem mjólkurbúin framleiða.
25. grein.
Skylt er mjólkurbúum, sem fengið hafa einkaleyfi til að starfrækja mjólkur-
búðir, að sjá um, að ætíð sé nóg neyzlumjólk til sölu á þeim stöðum, svo sem fram-
ast er unnt. Öll mjólk og rjómi, sem selt er frá sölumiðstöð mjólkurbúa samkvæmt
lögum þessum, skal vera gerilsneydd.
Um framleiðslu og meðferð á injólk handa ungbörnum og sjúklingum skulu
sett ákvæði í reglugerð, í samráði við yfirstjórn heilbrigðismálanna. Saia á þeirri
mjólk skal fara fram á sama hátt og sala á annarri neyzlumjólk.
Nafnið barnamjólk má elcki viðhafa um aðra mjólk en þá, sem framleidd er
samkvæmt þeim reglum og undir því eftirliti, sem ákveðið verður af framleiðslu-
ráði, í samráði við stjórn heilbrigðismálanna, um framleiðslu barnamjólkur.
Nú telur héraðslæknir eða mjólkureftirlitsmaður, að sölumjólk sé óhæf til
neyzlu, og getur hann þá með rökstuddum úrskurði, er lagður sé fyrir framkvæinda-
stjóra hlutaðeigandi mjólkurbús eða mjólkursamsölu, stöðvað sölu á þeirri mjólk.
Sama gildir og um sölumjólk einstakra framleiðenda.
26. grein.
Framleiðsluráð hefur á hendi yfirstjórn mjólkursölumála landsins. Skal það
stuðla að því, að ávallt sé næg neyzlumjólk og mjólkurvörur til sölu í kaupstöð-
um, kauptúnum og þorpum, þar sem stöðugur markaður fyrir þessar vörur er
fyrir hendi og likur benda til, að markaður vinnist með skipulegri sölu.
Framleiðsluráð skal fylgjast með sölu mjólkur og mjólkurvara um land allt,
ásamt þörfum neytenda fyrir þessar vörur. Það aflar sér nauðsynlegra skýrslna
og upplýsinga, er að þessu lúta, og er mjólkurbúum og öðrum félögum eða fyrir-
tækjum, er að þessum málum starfa, skylt að láta framleiðsluráði í té allar upplýs-
ingar um þessi efni, er þau geta.
27. grein.
Nú kemur í ljós, að vöntun er á mjólk og mjólkurvörum. Skal þá framleiðsluráð
hlutast til um i samráði við Búnaðarfélag íslands, mjólkurframleiðendur á hlut-
aðeigandi mjólkursölusvæðum og forráðamenn viðkomandi kaupstaða og kauptúna,
að bót fáist á mjólkurskortinum, t. d. með bættum samgöngum, félagsbundinni
sölu o. s. frv. Enn fremur er framleiðsluráði heimilt, ef mjólk vantar á vissum tíma
árs, að fyrirskipa misjafnt mjólkurverð til frainleiðenda eftir árstíðum og aðrar
þær verðlagsbreytingar á mjólk, er líklegar þykja til að tryggja jafnari mjólkur-
framleiðslu á mjólkursölusvæðinu. Nú kemur í Ijós, að mjólkurþörf kauptúna eða
kaupstaða verður aðeins fullnægt með sérstaklega kostnaðarsömum flutningum,
og er framleiðsluráði þá heimilt, ef bæjarstjórn hlutaðeigandi kaupstaðar eða kaup-
túns óskar þess, að víkja frá gildandi mjólkurverði á staðnum og láta niður falla
verðjöfnunargjald af þeirri mjólk, sem að er flutt. Aldrei skal greiða verðjöfnunar-