Freyr - 01.09.1947, Qupperneq 37

FREYR
295
um, þegar verið var að heyvinnu í 10 vikur,
og var helmingur heyfengs þá úthey. Véla-
vinna á sléttum túnum léttir störfin og
aðstoð véla gerir það mögulegt að ljúka
heyskap á langtum skemmri tíma en gerð-
izt, þegar hjakkað var með orfi og ljá úti
um kargþýfða móa.
Vélarnar, hinn ágæti grasvöxtur, og svo
hin hagstæða veðrátta norðan lands og
austan, allar þessar aðstæður hafa lagst
á eitt til þess að skapa bændum á þessum
slóðum góða eftirtekju á þessu sumri.
Öðru máli gegnir með feng fiskimanna
úti fyrir Norðurlandi. Þar hefir stærri floti
verið að veiðum en nokkru sinni fyrr, en
síldin hefir verið treg og aflabrögð fremur
rýr svo að sýnt þýkir, að gjaldeyrisskortur
muni framundan, því að síldarafurðir eru
mjög eftirsóttar á heimsmarkaði og höfðu
menn gert sér vonir um, að þær mundu
skapa þjóðinni góðan gjaldeyrisforða; en
þetta fer nokkuð á annan veg. Þótt afli
sé minni en reiknað hafði verið með, mun
þó verða svo fyrir séð, að síldarmjöl til
fóðurs innanlands verður tryggt hjá verk-
smiðjunum, og með lögum um verzlun með
fóðurvörur, sem samþykkt voru á síðasta
Alþingi, á að vera svo um búið, að aðeins
verði fyrsta flokks síldarmjöl á markaði
innanlands. Framvegis ætlast löggjöfin til
þess að svo verði, og bændur verða sjálfir
einnig að halda vörð um þetta atriði.
★
Úr Eyjafirði
er skrifað, að þar séu byggingafram-
kvæmdir allmiklar vítt um sveitir. Eink-
um eru það peningshús, sem reist eru,
enda er þess ekki vanþörf, því að á stríðs-
árunum hafa ekki verið tök á því að
byggja svo neinu nemi.
Er af framkvæmdum þessum ljóst hvert
stefnir í búskaparháttum, því að þau hús,
sem reist eru, eru fyrst og fremst fjós.
Eru athafnir þessar allmiklum erfiðleikum
bundnar, því að trésmiðir eða aðrir lærðir
byggingarnenn fást ekki hvað sem í boði
er. í öðru lagi vantar með öllu efni í hús-
þök, og veit enginn hvort úr þeim skorti
verður bætt með haustinu. Efni í þök var
pantað á miðjum síðastliðnum vetri, en
kaupfélögin fá enga vitneskju um hvenær
pantanir þeirra verða afgreiddar. Mælt
hefir verið, að um hálfs árs afgreiðslufrest
sé að ræða. Þakjárn er sagt að hvergi muni
fáanlegt, en báruasbest mun fáanlegt á
heimsmarkaði og bárualmuminium mun
einnig vera orðin markaðsvara sem efni
í þök.
★
Af Vestfjörðum
eru þær fréttir sagðar, að þar hafi gras-
vöxtur verið ágætur og heyskapur yfirleitt
gengið vel, þótt úrkomur hafi verið nokkr-
ar og stundum all-miklar. Þykir auðsætt
að á þessu svæði muni í lengstu lög verða
haldið í sauðfjárstofninn, bæði af því að
sauðfé gefur yfirleitt góðar nytjar um
Vestfjörðu og svo virðist það vera þjóðar-
nauðsyn, að sauðfjárræktinni sé haldið
í góðu horfi um þessar slóðir, því að sauð-
fjárpestirnar hafa sneitt hjá þessu svæði,
og fjárstofn, sem hvorki er smitaður né
grunaður, þykir gott og nauðsynlegt að fá
hér og flytja þangað, sem fjárskipti fara
fram.
Fyrrum var kveðið um frálag sauða á
Hornströndum, að þar væru síður þver-
handar þykkar og „tíðum mörinn tveir
fjórðungar". Landgæði á Hornströndum
eru eigi lakari en áður var, en iandgæðin
hindra ekki að fólk flýr nú þaðan í marg-
mennið. Eru Hornstrandir að fara í eyði.
Þar hefir löngum verið gott til bjargar,
og svo er ennþá, en það eitt nægir ekki
nútímanum.