Freyr - 01.07.1949, Page 29

FRE YR
235
að farsælli og myndarlegri lausn þessa
máls, í orði og verki, nærstöddum og fjar-
verandi.
Við þökkum ríkisstjórnum þessara ára
fyrir skilning, aðstoð og margvíslega fyrir-
greiðslu og háttv. Alþingi fyrir styrk og vel-
vilja til þessa máls.
Við þökkum stjórn bæjarins fyrir lóð og
annan stuðning, sem hún hefir veitt i
þessu efni.
Við þökkum sendiráðum okkar erlendis
fyrir margvislegar fyrirgreiðslur, er til
þeirra hefir verið leitað, og við þökkum
öllum verktökum og starfsmönnum fyrir
vel unnin störf, fyrir áhuga og vandvirkni
við, að allt mætti sem bezt úr hendi fara.
Og nú er það einlæg ósk okkar allra, að
landbúnaði vorum megi verða bæði sómi
og styrkur um ókomna tíð, að þessari stór-
felldu framkvæmd, sem sennilega er ein sú
mesta er framkvæmd hefir verið á vegum
hans, — og jafnframt vonumst vér til, að
þeim tilgangi þessarar framkvæmdar verði
náð, að bæjarbúar megi betur una hag
sínum í þessum efnum, að hún verði þeim
bæði til hagræðis og tryggingar um góðar
og hollar neyzluvörur.
Ef báðir þessir aðilar una betur hag sin-
um og telja hann betur tryggðan, þá er
tilganginum náð, í bráð að minnsta kosti.
Stefán Björnsson:
Vélar og starfshættir
Mjólkurstöðvarinnar
Hér verður lýst, i stuttu máli, starfshátt-
um i nýju mjólkurstöðinni í Reykjavík.
Mjólk, sem flutt er til stöðvarinnar í brús-
um, er vigtuð í innvigtunarherberginu, sem
er sunnarlega í vesturhliðinni á neðri hæð
hússins. Þegar mjólkinni hefir verið hellt
í vogina eru tekin af henni sýnishorn, ýmist
til að mæla feitiinnihald hennar eða afla
upplýsínga um gerlainnihaldið. Þessi sýnis-
horn eru rannsökuð í rannsóknarstofu, sem
er við hliðina á innvigtunarherberginu.
Þegar brúsarnir hafa verið tæmdir eru
þeir þvegnir í brúsaþvottavél, áður en þeim
er skilað út á bílinn. Vél þessi getur þvegið
360 brúsa á klukkustund.
Mjólkin er tæmd úr voginni í safnker —
innvigtunarkerið, — en þaðan er henni
strax dælt með dælu, sem afkastar tíu þús-
und lítrum á klukkustund, inn í þrjá ein-
angraða mjólkurgeyma, sem hver rúmar
fimm þúsund litra. Mjólkurgeymarnir
standa á gólfi í kjallaranum, en stinga
toppunum lágt upp í gegnum loftið fyrir
ofan — upp yfir gólfið á neðri hæöinni.
Ef ekki hentar að gerilsneyða mjólkina
strax, svo að segja um leið' og hún er vigtuð,
og ef hún er ekki nógu köld til að geymast
um stund, er hún lcæld í mjólkurkælivél,