Freyr - 01.07.1949, Blaðsíða 38
244
FREYR
var að vonum mjög þröngur á tímabili,
sérstaklega á kreppuárunum eftir 1930.
Hin síðustu árin, eftir að börn hans, mörg
og gjörvileg, komu til starfa með hon-
um við búreksturinn, rýmkaði mjög um
fjárhag hans allan. Á síðari árum hefir
verið unnið að miklum og myndarlegum
umbótum á Arnarvatni, bæði er snertir
húsabætur og ræktun. Ábýli Sigurðar er
því nú, við fráfall hans, eitt af mest um-
bættu jörðum þar í sveit og þótt víðar sé
skyggnst um.
★
Annar meginþáttur í ævistarfi Sigurðar
eru hin opinberu störf, er hann innti af
höndum í þágu sveitar, sýslu og lands-
ins alls. Hér skal fátt eitt talið af þeim
störfum. Þess hefir áður verið getið, að
Sigurður gerðist forvígismaður ungra
manna í Mývatnssveit um mörg framfara-
mál undir eins að afloknu námi. Brátt
hlóðust margvísleg trúnaðarstörf önnur á
Sigurð. Formaður Búnaðarfélags Mývetn-
inga var hann um hartnær 4 áratugi.
Lengi var hann í hreppsnefnd. Trúnaðar-
maður Búnaðarbankans var hann, um
langt skeið deildarstjóri Gautadeildar,
átti sæti í stjórn Kaupfélags Þingeyinga
um aldarfjórðungs skeið, og var formaður
félagsins um mörg ár. í stjórn Sambands
ísl. samvinnufélaga átti Sigurður sæti um
allmörg ár og var varaformaður Sam-
bandsins þegar hann lézt. Á vegum Sam-
bandsins ferðaðist Sigurður mikið um
landið og flutti fyrirlestra um samvinnu-
mál. Aflaði hann sér mjög yfirgripsmikill-
ar þekkingar í þeim efnum. Samvinnuhug-
sjónin hafði snemma fest djúpar rætur í
skapgerð Sigurðar, enda mótaði sú hug-
sjón störf hans öll og stefnu æ síðan. Sig-
urður á Arnarvatni var kjörinn fulltrúi á
Búnaðarþing árið 1936 og átti þar sæti í
10 ár eða til ársins 1946. Þann tíma var
Sigurður endurskoðandi reikninga Búnað-
arfélagsins.
Hér hafa aðeins lauslega verið talin nokk-
ur hinna opinberu starfa, sem Sigurður
gegndi. Hann var hlédrægur maður að eðl-
isfari, þótti mörgum við fyrstu kynni hann
vera þurr á manninn og ekki líklegur til
félagslgra starfa. Þetta álit breyttist fljótt,
er kynni jukust. Hinir ágætu meðfæddu
hæfileikar Sigurðar, ásamt þeim andlega
þrótti, er hafði eflt og mótað skapgerð
hans, öll hans þroskaár, gerðu, að Sigurð-
ur var alls staðar mjög mikils metinn. Orð-
um hans var ávallt veitt mikil eftirtekt,
enda var Sigurður afar sjálfstæður í skoð-
unum og rökviss og orðfimur í ræðuflutn-
ingi.
★
Þriðji meginþáttur í ævistarfi Sigurðar
á Arnarvatni er bókmenntastarfsemi hans.
Hér verður þess ekki minnst að öðru leyti
en því, sem alkunnugt er, að Sigurður var
skáld gott og hafði gefið út eftir sig tvær
ljóðabækur.
Það, sem hér að framan hefir verið
skýrt, frá öðrum störfum Sigurðar, gefur
nokkuð til kynna hvaða tíma hann hefir
notað til Ijóðagrðar og annarra bók-
menntaiðkana. Hann hefir orðið að fara
leið Klettafjallaskáldsins og margra fleiri
íslenzkra bænda, að vinna að slíku meðan
aðrir sváfu og hvíldust. Þau hafa verið
kjör þeirra bænda, er köllun hafa til bók-
menntaiðju og hafa verið köllun sinni það
trúir, að nota hvíldartíma sinn frekar til
þess að sinna henni, heldur en kæfa hana.
Sigurður á Arnarvatni er virðulegur full-
trúi þess hóps íslenzkra bænda.
Þessi fáu orð gefa litla og ófullkomna
mynd af ævistarfi Sigurðar á Arnarvatni,
en þar við verður að sitja. Ég vil svo að
lokum, frændi minn og vinur, þakka þér
fyrir allt og allt, sem okkur hefir í milli
•farið. Þeir, sem þekktu þig bezt og höfðu
nánust kynni af þér, vissu hvílíkur kjör-
viður þú varst. Góður drengur í þess orðs
beztu og upprunalegustu merkingu.
Stgr. Stcinþórsson.