Freyr - 01.07.1949, Page 41

FREYR
247
öld, að því er Veðurstofan hermir, að
minnsta kosti á Norðurlandi. Meðalhiti
maímánaðar var á Akureyri aðeins 0,2
stig. Manni verður á að álykta: Er ísöld
að renna upp? En hafís var ekki landfast-
ur, sást aðeins við og við á reki fyrir
ströndum úti. í Reykjavík var meðal-hiti
maímánaðar 3,6 stig, en meðal-hitastig
þessa mánaðar 6,1 stig á því tímabili, sem
veðurathuganinr hafa farið fram.
Ekkert hefir áhrif á afkomu landbúnað-
arins eins og veðráttan og löngum hafa
vorin verið'viðsjálust í baráttu bóndans og
björgun búpeningsins.
í þetta sinn var almennt talið, að hey-
birgðir væru góðar og mikið til af kraft-
fóðri í landinu. Þess var heldur ekki van-
þörf, því að þegar sauðfé er á húsi um allt
land þangað til 5—6 vikur af sumri — já,
víða þangað til í fardögum og sums staðar
þangað til 7 vikur af sumri, þá er von að
orðið sé snautt um birgðir bænda. Enda
hefir sú raun á orðið í þetta sinn, að hey
hefir um allt land verið flutt milli býla
innan sveita, hver hefir þar hjálpað öðr-
um eftir getu. Þar að auki hefir verið flutt
fóður milli héraða og meira að segja á milli
landshluta. í maímánuði var aðalflutn-
ingur strandferðaskipanna fóður — kraft-
fóður, til þeirra sem þurfandi voru, og að
lokum urðu allir þurfandi þess. Þegar þetta
er ritað er 8. vika sumarins að byrja, en
þar sem bezt er sézt aðeins litur á túnum,
mörg tún eru enn ekki farin að litkast og
í útkjálkasveitum norðanlands og vestan
er allt hulið snjó — vetrargaddurinn er
þar enn í algleymingi.
Það er víst ekki fjarstæða ein er menn
segja: „Annað eins man enginn núlifandi."
Það gildir ef til vill ekki um allt land, en
það mun vera sannmæli sums staðar. Eig-
inlega hefir samefldur vetur ríkt síðan
með septemberkomu í fyrra, en eins og áð-
ur hefir verið um getið, urðu hey úti í
Þingeyj arsýslu, og ef til vill víðar, af þeim
ástæðum.
En svo er fyrir að þakka, að vel tókst til
um útvegun kraftfóðurs, svo að ekki varð
fellir. En harðindi hafa verið — ósýnt er
hvernig farið hefði ef hafísinn hefði lokað
siglingaleiðinni til Norðurlands í maíbyrj-
un. —
Eitthvað hefir týnzt af lömbum, meira
en venja er til, en vonandi er að ekki hafi
fjárskaðar eða missir orðið, sem neinu
nemur, þó þröngt hafi verið í ári. Um það
eru engar fregnir. Reynslan er dýrkeypt,
en reynsla þessa árs segir okkur, að góð-
æri undanfarins tímabils þýði ekki að loku
sé skotið fyrir heimsókn harðinda á ís-
landi.
★
Loksins — loksins — 15.—20. júní, þegar
blaðið var að fara í prentun, hefir veðr-
áttan skipt skapi. í stað norðaustan
strekkings, élja og frosta, koma þýðindi
með sól og regni af suðri.
Ekki mátti síðar vera en vel hefði fyrr
þegin sumarkoma. Hey voru þrotin, en tún
tæpast græn og í útsveitum, á vissum stöð-
um landsins, var jörð að mestu snævi þak-
in um miðjan júní. Kýr voru víðast látnar
út um þetta leyti, en litlu munu þær hafa
safnað þar öðru en sinustráum.
Sunnanlands var víðast búið að setja
kartöflur í jörð um miðjan júní, en óvíða
vestan, norðan lands og austan. Vorstörf
öll voru í þetta sinn 4—6 vikum á eftir á-
ætlun. Þess vegna mun lítt verða unnið að
byggingum í sveitum á þessu sumri, en á
því sviði var mikið fyrirhugað.