Dagblaðið Vísir - DV - 06.08.2005, Blaðsíða 19

DV Helgarblað
LAUGARDAGUR 6. ÁGÚST2005 19
„Mig hefur alltaf langað til að
vera söngkona. Þegar ég var ellefu
ára var Emilíana Torrini oftar en
ekki á fóninum og var ég gjörsam-
lega heilluð. Einhvern daginn ætlaði
ég sko að verða svona; hugsaði ég
með mér. Það var því ekki fyrir til-
viljun að ég fór út í tónlistarbrans-
ann,‘‘ segir Ragnheiður Gröndal
söngkona.
Nóg að gera í
tónlistarbransanum
„Það er búið að vera frekar mikið
að gera hjá mér undanfarið. Ég var
til dæmis að spila með bróður
mínum í nokkrum smábæjum í
Norður-Noregi í vikunni. Þar var ég
að kynna íslensk þjóðlög og hafði
mjög gaman af. Fyrir stuttu var ég
einnig á djasshátíð í Kaupmanna-
höfn að syngja með djass-oktett sem
ég og bróðir minn stóðum fyrir. En
sveitina skipar rjóminn af íslenskum
djasstónlistarmönnum á landinu að
mínu mati. Þessa dagana er ég líka
mikið að flytja tónlist úti á landi og í
brúðkaupum. Næst á dagskrá er
hins vegar að vinna í nýju plötunni
minni. Sem sagt nóg um að vera,“
útskýrir Ragnheiður.
Ragnheiður fékk platínu-plötu fyrir
Vetrarljóð Árangurinn kow henni á óvart.
Tilraunaflutningur í
útlöndum
„Það er frábært að fá tækifæri til
þess að flytja sfna eigin tónlist er-
lendis. Sérstaklega því þar þekkir
fólk mann ekki og veit ekkert um
mann. Það hefur því engar vænt-
ingar gagnvart mér. íslendingar eru
auðvitað frábærir og er alltaf jafn
gaman að spila fyrir fullum sai af of-
urhressum löndum sínum. En það
er oft auðveldara að prófa nýja hluti
erlendis til að athuga hvort fólki lík-
ar það sem það heyrir. Meiri til-
raunaflutningur í gangi ef svo má
kalla," segir Ragnheiður.
Ný plata markar tímamót
„Eins og ég sagði þá er ný plata á
leiðinni og verður hún með öðruvísi
sniði en Vetrarljóð sem kom út fyrir
nokkru. Mun nýja platan líklega
koma út í október og mun hún að-
eins innihalda frumsamið efni eftir
mig. Það má því segja að platan
marki ákveðin tímamót á mínum
ferli því yfirleitt hef ég verið að flytja
efni eftir aðra. Efnið fyrir nýju plöt-
una hefur verið lengi í smíðum og er
elsta lagið frá því að ég var ijórtán
ára. Þetta er því eitthvað sem ég hef
verið að gera smám saman. Ég hef
bara ekki verið tilbúin til að flytja
það fyrr en núna.
Ég er ekkert alltaf að semja lög en
geri það þegar mér dettur eitthvað
sniðugt í hug eða þegar ég er í stuði.
Ég á samt alltaf í mestu basli með
textana. Það kemur aldrei neitt
nema ég hafi verið að upplifa eitt-
hvað. Ég þarf að hafa eitthvað að
segja. Ég hlakka rosalega mikið til að
vinna í nýju plötunni og get varla
beðið eftir að fylgja henni eftir þegar
hún kemur út," segir Ragnheiður.
Að vera samkvæmur sjálfum
sér skiptir öllu máli
Vetrarljóð, síðasta plata Ragn-
heiðar seldist með eindæmum vel
og hlaut hún platínuplötu fyrir
árangurinn. „Ég var hjá útgefanda
sem var mjög duglegur við að aug-
lýsa og markaðssetja plötuna. Eg
held að ef maður er með gott efni og
góða markaðssetningu þá eru helm-
ings líkur á að platan seljist vel. Ég
veit samt ekki við hverju ég á að bú-
ast með næstu plötu enda gæti hún
orðið dálítið ólík þeirri fyrri því ég er
að fara nýjar leiðir. Ég kýs samt að
líta ekki á sölu sem mælikvarða á
hversu gott efnið er enda snýst þetta
mikið um auglýsingu. Maður má
ekki velta þessum hlutum of mikið
fyrir sér. Svo lengi sem maður gerir
plötu sem maður er ánægður með
og getur verið stoltur af eftir fjörutíu
ár þá er ég sátt,“ tekur Ragnheiður
fram.
Opin fyrir ólíkum tónlistar-
stefnum
Djassinn hefur alltaf heillað
Ragnheiði en hún segist samt reyna
að vera opnari fýrir ólíkum tónlistar-
stefnum. „Ég mátti til dæmis ekki
heyra neina rokktónlist hér áður.
Fékk alltaf fyrir hjartað því mér
fannst þetta svo mikill hávaði. Ég hef
verið að reyna að endurskoða það
og vera opin fyrir hverju sem er.
Þjóðlagatónlist hefur líka verið vin-
sæl hjá mér undanfarið enda er
áhugavert að kanna nýjar slóðir. Það
er ágætt að reyna að bijótast út úr
því að hlusta alltaf á það sama.
Það má því segja að tónlistin hafi
þróast noldcuð síðan ég byrjaði í
bransanum. Hver veit, kannski enda
ég sem poppari eða rokkari. Málið er
bara að gera það sem manni finnst
skemmtilegt. Ég veit samt ekki hvort
ég væri til í að vera poppstjarna því
sú ímynd er ekki eitthvað sem heill-
ar mig. En hvað svo sem ég geri þá
finnst mér mikilvægt að gera það á
mínum eigin forsendum. Það er
mikilvægt að vera ekki að semja tón-
list sem maður heldur að aðra langi
til að heyra því þá tapar maður sín-
um eigin st£I,“ segir Ragnheiður.
Tók tíma að koma sér
á kortið
„Það hefur mikið gerst varðandi
feril minn á síðustu tveimur árum
sem hefur gert það að verkum að ég
get einbeitt mér algjörlega að tón-
listinni. Músíkin á því hug minn og
hjarta í dag. Ég var búin að syngja í
dágóðan tíma án þess að nokkur
vissi hver ég var. Ég söng meðal ann-
ars með Kidda í Hjálmum á tímabili
og ætíuðum við að gefa út plötu
saman. Hann var að vinna hjá Ríkis-
útvarpinu og gat því komið okkur í
fjölmarga útvarps- og sjónvarps-
þætti á vegum fýrirtækisins. En það
vissi samt enginn hver ég var,“ segir
Ragnheiður og hiær. „Nokkru
seinna söng ég lag í forkeppni fyrir
Eurovision og það má segja að það
hafi komið mér á framfæri. Því næst
kom lagið „Ást“ sem varð mjög vin-
sælt. Það var valið lag ársins af dóm-
nefnd íslensku tónlistarverðlaun-
anna. Það má því segja að þetta
tvennt hafi komið mér á kortíð," út-
skýrir Ragnheiður.
Þoldi illa álagið sem fylgdi
árangrinum
„Sem tónlistarmaður er ég að fást
við svo marga mismunandi hluti að
það þarf lítið að gerast til að lífið verði
ein stór ringulreið. Það er auðvitað
skemmtilegt þegar vinnan er svona
fjölbreytt en þetta krefst þess að
maður sé mjög skipulagður. Ég hef
verið að taka mig í gegn varðandi
það. Fyrst þegar það byrjaði að vera
mikið að gera fór ég næstum yfir um.
Ég var nærri því að brotna saman
vegna álags. En það var bara vegna
þess að ég þurftí að læra að skipu-
leggja mig betur. Ég á líka rosalega
góða fjölskyldu sem studdi við bakið
á mér. Margir eru með umboðsmann
sem fæst við þessa hlutí og er það að
vissu leyti mjög sniðugt. En ég ákvað
að gera þetta sjálf því ég vildi stjóma
mínu lífi. Það má þó vel vera að ég
næli mér í einn „umba" seinna meir
ef ég verð þreytt á að standa í þessu
sjálf," segir Ragnheiður.
Mikilvægt að hafa trú að því
sem maður gerir
„Að stíga á svið til að flytja tónlist
gefur mér óneitanlega skemmtilega
spennu. Ég get samt ekki sagt að ég
fái sviðsskrekk en ég fæ samt alltaf
smá sting í magann. En það er góð
tilfinning. Það er líka aldrei gott að
vera of afslappaður því þá hættir
manni til að vera kærulaus. Mér
líður samt alltaf mjög vel þegar ég er
byrjuð að spila. Fyrstu tónarnir em
oftast erfiðastir en þegar þeim er
lokið er ekkert nema eintóm gleði.
Svo er auðvitað alltaf gott ef maður
finnur að það em góðir straumar í
salnum frá áheyrendapöllunum. Ég
hugsa stundum um hvort áheyr-
endum þyki leiðinlegt að sitja undir
hljómflutningnum. En það er bara
eðlilegt að hugsa svona. Maður efast
alltaf einhvem tímann. Það er samt
óþarfi að spá of mikið í þetta. Maður
verður bara að passa sig á því að
missa ekki móðinn enda er þetta
spursmál um sjálfstraust. Að hafa
trú á því sem maður er að gera,“ út-
skýrir Ragnheiður.
Stefnir á frekara nám
„Ég lauk námi i söng við FÍH síð-
asta vor. En ég stefni á meira tónlist-
arnám og langar mig mikið til að
fara til New York. Mig hefur líka
alltaf langað til að búa í stórborg og
er því um að gera að drífa sig í skóla
þar úti. Slá tvær flugur í einu höggi.
Það er samt alveg óvíst hvort ég
stefni á erlenda tónlistarmarkaði
seinna meir enda er þetta ofboðs-
lega stór heimur og erfiður bransi.
En ef maður fengi tækifæri til að
koma fram og spila þá væri það auð-
vitað frábært. Margir íslenskir tón-
listarmenn hafa líka fengið dreifingu
á erlendum markaði og lyftir það
upp laununum því íslenski markað-
urinn er í minna lagi. En íslenski
tónlistarmarkaðurinn er líka mjög
spennandi og það er yfirdrifið nóg
að gerast hér. Það er ótrúlega mikið
af spennandi hlutum í gangi."
Á fuilt í fangi með að læra
á gítar
„Það er svo margt sem mig langar
að læra til viðbótar við söngnámið.
Ég er til dæmis að feta ókunnar slóð-
ir þessa dagana því ég er að reyna að
læra á gítar. Ég endurtek að reyna.
Ég hef ekki mikla tilfinningu fýrir
gítarnum og á fullt í fangi við að ná
réttum gripum. Ég veit um fitílt af
fólki sem getur glamrað en ég get
ekki einu sinni skipt um grip. Ekki
nema það líði svona mínúta á milli,"
segir Ragnheiður og hlær. „Það er
samt sagt að æfingin skapi meistar-
ann og gefst ég því ekki upp. Mér
hefur líka alltaf fundist gítarinn vera
mjög flott hljóðfæri svo áhugann
vantar ekki.“
Ekkert stórmál að vera þekkt
Það er gjarnan fýlgifiskur þess að
gera góða hluti f tónlistargeiranum
að verða þekkt andlit. „Ég held að
fólk muni oft nafnið mitt en ég er
ekki svo viss um að það þekki mig í
sjón. Ég verð alla vegá ekki mikið vör
við það og er það mjög jákvætt í
mínum huga. Það er líka svo auðvelt
að verða þekktur á íslandi að það er
ekki eins og það sé eitthvað stórmál.
Mér finnst til dæmis ótrúlega hall-
ærislegt þegar fólk fær einhverja sér-
þjónustu fyrir að vera „frægur" enda
er þetta svo lítið land," segir Ragn-
heiður.
Ragnheiði hefur alltaf langað til að
verða söngkona Það varþví ekki fyrirtil-
viljun að hún fór í tóniistargeirann.
Of mikið stress getur bitnað
á tónlistinni
„fslenskir tónlistarmenn eru
sjaldnast múraðir af peningum eins
og í Ameríkunni en ég hef það samt
ágætt. Enda hef ég verið mjög
heppin að fá mörg góð tækifæri eins
og að spila í brúðkaupum reglulega.
Hins vegar bý ég ennþá hjá foreldr-
um mínum og er ég því kannski ekki
marktækt dæmi um hvort hægt sé
að lifa á þessu. Ég veit til dæmis ekki
hvemig hlutímir væm ef ég væri að
að reka heimili með tvö böm. Þá
væri þetta eflaust barátta. Ég væri
með allar klær úti í verkefnaleit. í
dag reyni ég hins vegar að hafa
gaman að þessu því þegar þetta er
orðin kvöð og leiðinlegt þá meika ég
það ekki. Þá er maður heldur ekki að
gefa allt af sér og bitnar það á tón-
listinni,“ útskýrir Ragnheiður.
„Það má því segja að
tónlistin hafi þróast
nokkuð síðan ég byrj-
aðí í bransanum. Hver
veit, kannski enda ég
sem poppari eða
rokkari. Málið er bara
að gera það sem
manni finnst
skemmtHegt, “ segir
Ragnheiður.
Elskar að lifa og hrærast í
músíkinni
„Ég veit ekki hvað ég væri að fást
við ef ég væri ekki tónlistarmaður,"
segir Ragnheiður. „Þetta hefur alltaf
verið mín braut og ég hef eiginlega
ekki áhuga á neinu öðm eins og
stendur. Þetta er mitt líf og yndi og
finnst mér fátt skemmtilegra en að
lifa og hrærast í tónlistinni og vinna
með skapandi fólki. Ég gæti því vel
hugsað mér að vera enn starfandi í
þessum geira eftir tíu eða tuttugu ár
og verð þá vonandi búin að fara í
frekara nám, gefa út fleiri plötur eða
eitthvað slíkt. En þetta er eitthvað
sem ég get ekki verið að velta of
mikið fýrir mér. Enda verður bara að
koma í ljós hvað framtíðin hefur að
geyma."
iris@dv.is
•..Éiilfil.......:
Ragnheiður er mjög spennt
fyrir útgáfu nýju plötunnar.
Segir efni plötunnar hafa verið í
B undirbúningiímörgár.