Símablaðið - 01.12.1953, Blaðsíða 40

46
BÍMABLAÐIÐ
varð fimmtugur 3. okt. s.I. Hann kom
í þjónustu Bæjarsímans í Reykjavík
árið 1922, og byrjaði þá sem nemi á
verkstæði Bæjarsímans.
Til Ameríku fór liann í febrúar 1926
og dvaldi þar um 10 ára skeið. Vann
hann þá ýms störf fyrst, en komst svo
í þjónustu Western Electric, og vann
á vegum þess félags víðsvegar um mið-
ríkin við uppsetningu sjálfvirkra
stöðva.
Einnig vann hann um tíma í verk-
smiðjum Hjartar Thordarson.
Árið 1935 hvarf hann heim aftur, og
gekk á ný í þjónusttu símans, fyrst við
talsímasambandið við útlönd, en síðar
við sjálfvirku stöðina, þar sem hann
vinnur nú.
Júlíus hefur jafnan verið einn allra
áhugasamasti félagsmaður F.Í.S. og
lengst af driffjöðrin í skenuntanalífi
félagsins og unnið á því sviði ómetan-
legt starf og oft tímafrekt, til eflingar
samheldni innan stéttarinnar. í öðr-
um félagsmálum hefur hann einnig
látið mikið til sín taka, átt sæti í stjórn
fél. og verið ritari þess, og hann á von-
andi eftir að koma lengi og mikið við
sögu félagsins.
yfirvarðstjóri á ritsímanum í Rvík
varð fimmtugur 24. júni s.l. Hann er
fæddur í Sdr. Höjrup á Fjóni i Dan-
mörku.
Hann gekk í símritaraskóla i Kaup-
mannahöfn árið 1919, og gerðist siðan
símritari hjá Mikla Norræna ritsíma-
félaginu 1920, í Gautaborg og síðan í
London, og loks á Sevðisfirði (1922—
•25).
Hætti þá símritarastörfum um sinn.
Arið 1929 réðist hann í þjónustu
Landssíma íslands, sem símritari i
Reykjavík, og var skipaður varðstjóri
á ritsimanum þar 1. október 1930, og
er þar nú yfirvarðstjóri á annari vakt-
inni.
„Mikla Norræna“ hefur jafnan verið
góður skóli fyrir þá, sem í þjónustu
þess hafa gengið. Enda eru gerðar til
þeirra miklar kröfur. Þessa hefur
mjög gætt í starfi Hansens. Hann hef-
ur verið með afhrigðum reglusamur
og stjórnsamur yfirmaður, og þolir illa
ódugnað og skort á árvekni i starfi.
()g þó að hann sé útlendingur hefur
málið eða staðhættir ekki háð honum.