Símablaðið - 01.12.1957, Side 44

82
B IMABLAÐIÐ
Þá er nú loksins hœgt að sjást og hittast
í sama sem eigin húsnæði. Framkvæmda-
stjórn félagsins hefur fengið leyfi póst- og
símamálastjóra til fullra afnota af salnum
á 6. hæð nýja símahússins á kvöldin. Á dag-
inn er rekin þar kaffistofa og vonir standa
til, að þar komist á laggirnar mötuneyti fyrir
starfsfólkið, áður en langt um líður.
Á fyrsta fundi félagsráðs í haust, var, eftir
tillögu framkvæmdastjórnar, kosin skemmti-
nefnd þannig, að i henni eiga sæti tveir full-
trúar frá öllum vaktadeildum og þeim öðr-
um, sem mjög eru dreifðar, en einn frá hin-
um. Vakti það fyrir framkvæmdastjórninni
með þessu fyrirkomulagi, að þessari ný-
kjörnu skemmtinefnd væri falið að sjá urn
það, að deildir félagsins hér i Reykjavik
reyndu að nota sér salinn til skemmtana,
tvær eða fleiri saman, þar sem salurinn mun
of lítill til almennra félagsskemmtana.
Þá hefur framkvæmdastjórnin rætt um að
freysta þess að halda almennan félagsfund,
einhverntima bráðlega, helzt áður en aðal-
fundir hefjast. Einnig hefur hún, að fengnu
leyfi félagsins keypt ágæta slaghörpu (Pi-
ano) og fest kaup á fyrsta flokks segul-
bandstæki, sem væntanlega verður komið
fyrir jólin. Einnig hefur fengizt leyfi stofn-
unarinnar til að láta Radíóverkstæðið búa
og leggja fyrir hátalaralögn í salinn og mun
brátt hafist handa í því máli. Þegar svo
koma ný borð og stólar, sérstaklega teiknað
og smíðað fyrir þennan sal, skemmtileg
hliðarljós, og eitthvað skraut á milligerð-
irnar, veit ég að þar verður mjög vistlegt.
Þegar hafa tvær deildir haldið skemmti-
kvöld í salnum, sem tekizt hafa með prýði,
og mun sagt frá þeim annars staðar í blað-
inu. Þá eru og hafin tafl og spilakvöld og
standa vonir til að þar verði þó nokkur þátt-
taka, og er fram líða stundir, verður reynt
að koma á keppni í þessum skemmtilegu
SIMABLAÐIÐ
er gefið út af Félagi ísl. símamanna.
Ritstjóri: A. G. Þormar.
Meðritstjóri: Ingólfur Einarsson.
Teiknarar: Helgi Hallsson, Rögnvald-
ur Ólafsson, Sigurjón Davíðsson.
Auglýsingastjóri: Júlíus Pálsson
Félagsprentsmiðj an.
íþróttum. Þá hefur stjórnin frétt , að
skemmtinefnd ætli að freista þess að hafa
þarna jólatrésskemmtanir, fyrir börn félags-
manna og vonumst við fastlega til, að það
heppnist vel.
En kæru félagar, við verðum öll að styðja
þessa viðleitni stjórnar og skemmtinefndar,
eins og við getum, annars verður lítill ár-
angur góðs vilja .
Símablaðið þakkar öllum þeim, sem sent
hafa því myndir af börnum sínum. En þvi
miður komu margar þeirra of seint til þess,
að hægt væri að nota þær að þessu sinni —
og margar voru of litlar eða of daufar til
þess, að hægt væri að gera myndamót af
þeim, eða fella þær inn í samsettan hóp.
Iliiii •
1 síðasta blaði hafa slæðzt inn nokkrar
meinlegar villur í síðustu próförk.
Nöfn hafa brenglazt á símstjóramyndinni
á bls. 45 á þeim Haraldi Jónssyni og Valde-
mar Lárussyni, Halldóru Þórðardóttur og
Guðríði Sigurðardóttur.
Á bls. 49 í minningargrein um Olaf For-
berg, í fyrstu línu stendur 8. júli í stað 8.
ágúst, og síðar hefur dánard. misprentazt 15.
júlí í stað 15. ágúst.
SLÉTTUBÖND.
Dagsins Ijómi bvrtist brátt,
bjartir hljómar klingja,
lagsins ómar hefjast hátt,
hjartans rómi syngja. H. J.