Símablaðið - 01.12.1964, Page 37

En það er steinhljóð. Við höfum orðið
of sein. Og við einblínum á símann, svo
steinþegjandalegan, að það er blátt áfram
ótrúlegt að hann hafi nokkru sinni gefið
hljóð frá sér!
Til eru þeir, sem halda því fram, að
það sé raunar unnt að leika á símann;
ráðið sé að látast vera sofnaður eða farinn
burt og þá vari síminn sig ekki á þessu
og taki til að hringja. En ég verð að segja,
að ég hef ekki trú á þessu og hef ég þó
reynt það. Kannske stafar þetta þó af því
að ég hef tiltakanlega ókurteisan síma,
enda var hann um eitt skeið hjá manni
uppi í bæ, sem seldi áfengi að næturlagi í
blóra við Sókn, og síðan hrekk ég marg-
sinnis upp úr svefni um miðjar nætur og
er spurður hvort ég „eigi nokkuð“. Ég,
sem er búinn að vera mörg ár í reglunni,
og drekk aldrei svo aðrir sjá! Það er víst
vegna þess að ég tók þá ákvörðun að losa
mig við símann. Og einn góðan veðurdag
komu tveir menn og tóku símann niður
eins og til stóð. Ég sat úti í horni og horfði
á. Það síðasta, sem ég heyrði til símans
míns, var það, að hann gaf frá sér hvell-
an og stuttan málmhlátur um leið og hann
fór út úr dyrunum. „Hlæðu bara,“ hugs-
aði ég. „Sá hlær bezt, sem síðast hlær!“
En síminn lætur ekki að sér hæða, jafn-
vel þó hann sé farinn. Núna á dögunum
barst upp í hendurnar á mér fyrsta og síð-
asta tækifærið, sem mér hefur hlotnast í
lífinu, til að græða það, sem mig vanhag-
aði um, á heiðarlegan hátt. En það fór
út um þúfur. Og hvers vegna? Auðvitað
vegna þess að það var ekki hægt að hringja
til mín. Og nú situr versti óvinur minn
uppi með allan gróðann af fyrirtækinu!
Og það er ekki nóg með þetta! Ekkjufrú
Simonsen segist alls ekki geta staðið í sam-
bandi við mann, sem ekki hafi svo mikið
sem síma.------
Því síminn er ergileg uppgötvun og ergi-
legust fyrir þá sök, að það er ómögulegt
að vera án hans.
Borgin.
OBUNDNAR KOSNINGAR
Á síðasta Landsfundi F.Í.S. voru gerð-
ar mikilvægar breytingar á lagaákvæð-
um félagsins um kosningar.
Á síðustu árum hefur félagsmönnum
stórlega fjölgað á hinum minni stöðv-
um viðsvegar um land, og starfsfólk á
ýmsum póstafgreiðslum liefur orðið fé-
lagshundið í F.Í.S. eftir að bókhald og
öll yfirstjórn var, fyrir nokkrum ár-
um, sameinað.
Áður gerðu kosningareglur félagsins
ekki ráð fyrir því, að þessir dreifðu fé-
lagar tæki þátt í kosningum á félags-
stjórn og þær gerðu heldur ekki ráð
fyrir þvi að aðrir en þeir, sem mættu
á aðalfundi félagsins tækju þátt í kosn-
ingu fulltrúa á þing B.S.R.B. En þar
Kjörstjórnarmennirnir Sveinbjörn Kristjánsson,
Bjarni Ölafsson og Björgvin Lúthersson stjórna
kosningunni.
réði magn atkvæða, án tillits til deilda-
skiptingar í félaginu.
Oft hafði því svo farið við þær kosn-
ingar, að sumar starfsdeildir áttu eng-
an fulltrúa á þingi B.S.R.B. En þær,
sem duglegastar voru við smölun á aðal-
SÍMASLAÐIÐ 63