Dagblaðið Vísir - DV - 01.09.2006, Side 26

26 FÖSTUDAGUR 1. SEPTEMBER 2006
Helgin DV
Auglysmg fra kristnum trufelög-
um um aö hægt sé að lækna sam-
kynhneigö vakti hörð viöbrögð.
Ungur maður skrifaði í kjölfarið
grein i Morgunblaðið, þar sem
hann greindi frá sjálfsvígi frænda
síns, eftir að trúsystkini hans
höfðu snúið við honum baki.

i@SíS®%
Jósef S. Gunnarsson |
Finnst trúfélögin föstl
fjötrum bókstafstrúar.
Auglýsing frá „Samvinnuhópi kristinna trúfélaga", sem birtist
í Morgunblaðinu á Gay Pride-daginn, vaktí hörð viðbrögð.
Þar var samkynhneigðum boðin lækning og dagana á eftír
var mikið rætt um hverjir stæðu að baki auglýsingunni og í
hvaða tilgangi. Jósef Smári Gunnarsson, formaður „Betra lífs
- hagsmunafélags", ritaði grein í Morgunblaðið undir heitínu
„Allir eru jafnir fyrir guði" þar sem hann sagði frá frænda sín-
um á sextugsaldri, háttsettum í hvítasunnuhreyfingunni,
sem svipt hefði sig lífi eftir að trúbræður hans og -systur
höfðu snúið við honum baki.
„Með þessari grein var ég að
mótmæla því að trúfélögin skuli
láta sér til hugar koma að birta
auglýsingu af þessu tagi," segir Jós-
ef Smári í samtali við DV. „Samkyn-
hneigð er ólæknandi, einfaldlega
vegna þess að hún er meðfædd.
Það er kannski hægt að heilaþvo
fólk með því að segja því að sam-
kynhneigð sé synd, en slíkur heila-
þvottur skaðar; oft til æviloka."
Trúbræður og -systur sneru
baki við samkynhneigðum
Þekkir þú persónulega til slíkra
einstaklinga?
„Já. Ég veit dæmi þess að ein-
staklingar hafi þurft að leita á geð-
deild eftir viðskipti við þessa „háu
herra" í trúfélögunum. Við erum
sköpuð eins og við erum og eng-
inn getur breytt því, hvorki Gunn-
ar í Krossinum né nokkur annar."
Segðu mérsögu frœnda þíns.
„Frændi minn hafði ver-
ið kvæntur í mörg, mörg ár og
þau hjónin áttu uppkomin böm.
Frændi minn hefur væntanlega
sjálfur alltaf gert sér grein fyrir
því að hann væri samkynhneigð-
ur, en opinberaði það ekki fyrr
en árið 2004 og þá frétti ég af því
gegnum ættingja. Hann tilkynnti
föður mínum að hann væri skil-
inn við eiginkonu sína og væri
farinn að vera með manni. Sum-
ir ættingjar sneru baki við honum
- aðrir töldu þetta vera tímabund-
ið skeið. „Tímabundið skeið" er
það sem margir samkynhneigðir
fá að heyra þegar þeir segja ffá því
hverjir þeir raunverulega eru; eitt-
hvað sem á að „líða hjá". Enn ein
firran sem þetta fólk þarf að hlýða
á. Svo voru margir sem tóku þessu
sem sjálfsögðum hlut. Frændi
minn var háttsettur í hvítasunnu-
söfnuði á landsbyggðinni og þar
var algjörlega snúið við honum
baki. Eg veit ekki hvort söfnuður-
inn hafi tekið hann í sátt eftir að
hann lést, en hann svipti sig lífi á
aðventunni í fýrra..."
Hvemig sneri söfnuðurinn baki
við honum?
„Með algjörri afneitun. Mót-
læti í hans garð kom fram þegar
hann opinberaði kynhneigð sína
og ég held að þessir söfnuðir spari
ekki stóru orðin þegar að fordóm-
um kemur. Hann ræddi það við
ættingja og vini sem og við prest
í Reykjavík sem er þekktur fyrir að
vera umburðarlyndur í garð sam-
kynhneigðra. Hann gat hins veg-
ar ekki rætt við trúsystkini sín, því
hann vissi afstöðu þeirra. Þá var
líka einhver heift í gangi milli hluta
fjölskyldu hans og ástmanns hans,
svo hann átti erfitt uppdráttar."
Sjálfsvíg í kjölfar útskúfunar
Bará vanlíðan hjá honum áður
en hann svipti sig lífi?
„Já. Hann hafði verið bindind-
ismaður allt sitt líf, en var farinn
að neyta áfengis síðustu misser-
in sem hann lifði. Hann skildi eft-
ir sig bréf þar sem hann útskýrði
þá ákvörðun sína að taka eigið líf.
Sjálfsvíg eru hræðileg og þeir sem
grípa til slíkra örþrifaráða eru oft
fólk sem hefur upplifað höfhun af
einhverju tagi, sér enga lausn eða,
eins og í tilviki frænda míns, upp-
lifir sig útilokað frá samfélagi sem
það hefur áður búið í."
Þú talar líka um í greininni að
það séu miklirfjötrar að fara gegn-
um lífið, ósáttur við sjálfan sig. Var
frændi þinn ósáttur?
„Frændi minn hafði verið gift-
ur í fjöldamörg ár og börnin hans
voru uppkomin. Hann lifði aldrei í
sátt við sjálfan sig. Þeir sem búa við
fjötra gera það oftast vegna afneit-
unar í garð sjálfs sín og hræðslu
við umhverfið. Orðið „hommi" var
tabú í æsku frænda míns."
Þjóðkirkjan mjakast í rétta
átt
Ertþú sjálfur trúaður?
„Já, ég hef mjög sterka trú.
Um tíma sótti ég samkomur hjá
Hvítasunnusöfnuðinum en hætti
því þegar ég gerði mér grein fýr-
ir stefnu hans í garð samkyn-
hneigðra. Helsti galli trúfélaganna
er að mínu mati öfgarnar sem þau
setja fram. Það er orðið of mikið
um bókstafstrúarstefnu hjá þeim.
Á hitt ber þó að líta að sum trúfé-
laganna hafa gert góða hluti fyr-
ir þá sem hafa verið langt leidd-
ir af áfengis- og vímuefnaneyslu.
Þau mega til með að halda áfram
á þeirri braut, en hætta afskiptum
af einkalífi fólks. Það þarf í raun
að setja lög um hversu langt trúfé-
lögin mega ganga í dómum sínum
um einstaklinga."
Hvemig finnst þér þjóðkirkjan
standa sig í þessum málum?
„Þjóðkirkjan er að mjakast í
rétta átt og prestar innan henn-
ar að verða umburðarlyndari. Það
hefur enda orðið mikil endurnýj-
un í prestastéttinni og yngri prest-
ar eru að koma inn með önnur
viðhorf."
Erþá reiði ígarð kirkju og trúfé-
laga ofmikil að þínu mati?
„Nei, þessi heift og umræða um
hvernig trúað fólk í forsvari hefur
hagað sér og ummæli sem það
hefur látið frá sér fara, á fullan rétt
á sér. Þessir háu herrar hafa geng-
ið alltof langt og sagt of mikið sem
særir."
Sá sem dæmir annan, dæmir
sjálfan sig
Geturðu rökstutt þetta með til-
vísun íBiblíuna?
„Já, það skal ég gjarnan gera.
f Biblíunni stendur á mörgum
stöðum að við séum öll jöfn fyr-
ir guði. í Rómverjabréfinu stend-
ur til dæmis; „Fyrir því hefur þú
maður sem dæmir, hver sem þú
ert, enga afsökun. Um leið og þú
dæmir annan, dæmir þú sjálfan
þig, því að þú sem dæmir fremur
hið sama." í sama kafla, 11. versi,
stendur: „Guð fer ekki í mann-
greinaálit." Ég skil ekki tregðu
stjórnvalda varðandi réttindi
þessa hóps - samkynhneigðra
- að leyfa ekki hjónavígslu í húsi
Guðs. Mér finnst biskupinn ráða
of miklu í þessum efnum. Hann
má jú auðvitað hafa sína per-
sónulegu skoðun, en hann á ekki
að vera dómari. Til þess höfum
við Alþingi."
Þú ert formaður hagsmuna-
félagsins Betra líf. Hvaða samtök
eru þetta?
„Betra líf er félag með sérstaka
stjórn, sem hefur þann tilgang að
berjast fyrir og vinna að bættum
hagsmunum minnihlutahópa á
íslandi. Félagið hefur þó lítið get-
að starfað vegna fjárskorts og okk-
ur hefur gengið illa að fá styrki.
Draumur okkar er sá að hjálpa
þeim sem minna mega sín. Oklmr
langaði að vera með matarúthlut-
un fyrir síðustu jól, en það gekk
ekki vegna fjárskorts. Við erum
ekki með heimasíðu, en ef ein-
hvern langar að styrkja samtökin
til góðra verka þá væri ég þakklátur
fyrir að fá að koma hér á framfæri
reikningsnúmerinu okkar, 0152-
26-004590. Kennitala samtakanna
er 541105-1150 og ef einhvern
langar að vita meira um samtökin
er hægt að senda okkur bréf á net-
fangið: betra-lif@visir.is."
annakristine@dv.is
DV mynd: Magnús Hlynur, Selfossi