Freyr - 01.08.1965, Blaðsíða 16

252
FREYR
„Aðalfundur Stéttarsambands bænda felur
stjórn sambandsins að láta prenta fundargerðir
aðalfunda og senda þær til allra bænda."
Breytingartillagan var samþykkt sam-
hljóða og aðaltillagan því ekki borin undir
atkvæði.
XI. „Aðalfundur Stéttarsambands bænda 1965
telur varhugavert að stofna til stóriðju með er-
lendu fjármagni og álítur, að hún geti haft ó-
æskileg áhrif á annað atvinnulíf og byggðaþróun
r landinu og þá sérstaklega á uppbyggingu land-
búnaðarins og samkeppnisaðstöðu hans um hið
takmarkaða vinnuafl þjóðarinnar. Felur fundur-
inn stjórninni að vera vel á verði um hagsmuni
bændastéttarinnar í þessu rnáli."
Til máls tóku um tillöguna: Einar Hall-
dórsson, Hermóður Guðmundsson, Einar
Ólafsson, Helgi Símonarson, Sveinn Jóns-
son og Vilhjálmur Hjálmarsson, sem óskaði
eftir, að umræðum yrði frestað. Varð fund-
arstjóri við þeirri ósk.
13. Siggeir Björnsson hafði orð fyrir
Bjargráðanefnd, kynnti störf hennar og
bar fram eftirfarandi tillögu:
„í tilefni af hinum miklu kalskemmdum um
Múlasýslur á þessu sumri, samþykkir aðalfundur
Stéttarsambands bænda, haldinn á Eiðum dag-
ana 19. og 20. júní 1965 að beina því til stjórna
Stéttarsambands bænda, Búnaðarfélags íslands og
landbúnaðarráðherra, að þessir aðiljar láti nú
þegar fara fram athuganir á kalskemmdum á
nefndu svæði, svo og í Norður-Þingeyjarsýslu og
hvað þeim muni valda.
Þá verði og gerðar athuganir á því, hvað hey-
öflunarmöguleikar á svæðinu muni rýrna af völd-
um kalsins á þessu sumri og að þegar í stað verði
hafizt handa um aðgerðir til að fyrirbyggja svo
sem unnt reynist bústofnsskerðingu á komandi
hausti.
Með tilliti til þessa verði útvegaður vélakostur
til jarðvinnslu og sáðvörur, svo að endurrækta
megi sem mest á þessu sumri.
Á eftirfarandi atriði ber að leggja áherzlu fyrst
og fremst:
1. Vísindalegar rannsóknir á kalskemmdum verði
framkvæmdar og kostaðar af ríkinu. Skulu þær
unnar þainnig, að úr því fáist skorið, hvernig
takmarka megi eða fyrirbyggja kalskemmdir í
framtíðinni.
2. Fjárframlög hins opinbera að meðtöldu jarð-
ræktarframlagi nemi allt að 85% af endur-
ræktunarkostnaði.
3. Framangreindir aðiljar aðstoði um útvegun
fóðurs í sumar.
4. Leitað verði aðstoðar Bjargráðasjóðs um lán-
veitingu vegna fóðurkaupa og ríkisstjórnarinn-
ar um aðstoð við flutninga og annað til lausn-
ar þessu máli, svo sem ástæða þykir til.
Fundurinn felur stjórnum framangreindra fé-
lagssamtaka að finna leiðir til framdráttar máli
þessu í öllum atriðum."
Samþykkt samhljóða.
14. Tillögur lánamálanefndar:
Páll Diðriksson mælti fyrir eftirfarandi
tillögum:
I. „Fundurinn vísar til ályktana þeirra, sem
samþykktar voru á aðalfundi Stéttarsambandsins
1964 um lánamál og felur stjórn sambandsins að
vinna áfram að framgangi þeirra. Fundurinn
leggur ríka áherzlu á hina brýnu nauðsyn, að
Veðdeild Búnaðarbankans verði efld svo, að
henni sé gert mögulegt að veita lán til jarða-
kaupa, sem nemi a. m. k. helmingi af eðlilegu
kaupverði jarða. Lánstíminn verði 40—50 ár með
4% vöxtum.“
Samþykkt samhljóða.
II. „Aðalfundur Stéttarsambands bænda 1965
skorar á stjórn sambandsins að vinna að því við
lánastofnanir, að þeim bændum, sem erfiðast eiga
með að standa í skilum með vexti og afborganir
af áhvílandi lánum, sé veittur frestur með þessar
greiðslur meðan þeir skapa sér betri búskapar-
aðstöðu.
Ennfremur felur fundurinn stjórn sambandsins
að vinna að því við Iánastofnanir landbúnaðarins.
að menn, sem eru að hefja búskap, hafa of lítil
bú eða skortir fé til annarra nauðsynja búsins,
eigi kost á lánum, sem séu afborgunarlaus fyrstu
árin."
Samþykkt samhljóða.
Sigurður Jónsson mælti fyrir eftirfarandi
tillögum lánamálanefndar: