Freyr - 01.08.1965, Blaðsíða 31
FRE YR
267
ættarinnar frá því einhverntíma fyrir
móðuharðindin.
Hvað er langt síðan að garðrœkt hófst hér?
— Afi minn, Jónatan Davíðsson byrjaði
hér með garðrækt, en það var eingöngu
kartöflur, skömmu fyrir aldamótin. Hann
hafði lært eitthvað í garðrækt úti í
Danmörku. Við höfum ræktað kartöflur í
sama garðinum og afi setti fyrst niður í, en
þar er töluverður jarðhiti.
Hvencer voru gróðurhúsin hyggð?
— Árið 1944. Hafði bróðir minn veg og
vanda af þeirri ræktun og hafði hann bæði
agúrkur og tómata í húsunum. Eftir að
hann fór, höfum við eingöngu ræktað gul-
rætur í húsunum. Auk þess ræktum við
gulrætur í reitum og svo á bersvæði á um
2 þús. m-.
Er mikill jarðhiti hjá ykkur?
— Við höfum 5 sek./l. af 90° C heitu
vatni.
Voru ekki fleiri byggðar jarðir hér fram-
ar í dalnum?
— Jú 3 iarðir, sem voru hér framar, hafa
farið í eyði á seinni árum.
Hvernig er með samgöngur hingað?
— Nú er kominn ágætis vegur. Hér verð-
ur oft mikill sniór og vegurinn teppist, en
við höfum samt reynt að halda uppi reglu-
legri mjólkursölu héðan.
Er féð gott hjá þér?
— Ég held að það verði að teljast sæmi-
legt. Meðalvigtin er að vísu ekki mikil, en
við höfum nokkuð margt tvílembt. Lömbin
hafa lagt sig á um 14 kg. Hér var talið gott
beitiland, kvistur og birkiskógur, en sam-
kvæmt nýrri kenningum er þetta land talið
gagnslítið til sumarbeitar.
Hafið þið ekki tekjur af ánni?
— Nei, það er ekkert, nokkur bleikjuveiði
hefur verið hér, en nú er áin leigð, og það
sem kemur inn fyrir leiguna er notað til að
rækta upp ána. Sett eru laxaseiði í hana
árlega.
Finnst ykkur ekki þið húa nokkuð af-
skekkt?
— Nei, ekki finnum við svo fyrir því. Hér
höfum við öll þægindi. Vatnsaflsstöð var
byggð hér 1959. Heitt vatn frá hvernum og
svo höfum við bíl. Og hvað er að tala um
Hjónin Guðmundur Gunnarsson og Pálína
Magnúsdóttir búa á Reykjum, fremstá byggSu
býli í Fnjóskadal.
þótt við þurfum að skreppa nokkra km á
næsta bæ. Það tók okkur um eina klst. hér
áður fyrr, en nú tekur það álíka langan
tíma fyrir okkur að skreppa til Akureyrar.
Enda er það óskiljanlegt með öllu, þegar
fólkið hér í sveitunum er að þrasa um
staðsetningu heimavistarskóla. Aðalatriðið
varðandi staðsetningu er, að staðurinn sé
ákjósanlegur frá náttúrunnar hendi, en
ekki hvort hann er miðsvæðis. Það hefur
valdið nokkrum deilum, að ákveðið var að
reisa skóla á Stóru-Tjörnum, þeir í úthluta
Ljósavatnshrepps vilja ekki vera með og
bera það fyrir sig, að það sé svo langt í skól-
ann. En í skólamálum eigum við fólkið í
sveitunum að standa saman, en ekki láta
stjórnast af heimóttarlegri hreppapólitík.
A. G.