Freyr - 01.08.1965, Blaðsíða 36

Nýju dráttarvélarnar
frá Massey-Ferguson
Ekki er lengur þörf þungbyggðra dráttarvéla til
að draga þung æki eða vinnutæki.
Um sextán ára bil, eða frá árinu 1949 hafa flutzt
inn Perguson og Massey-Ferguson dráttarvélar, og
er nú svo komið að næstum önnur hver dráttarvél
í landinu er af þessum gerðum, sem segir meira en
mörg orð um notagildi og vinsældir þessara traustu
hjálpartækja bænda um land allt. Á þessu tíma-
bili hafa vélarnar verið að fullkomnast meir og meir,
en í ár tóku þær mestum breytingum, og hafa
Massey-Ferguson verksmiðjurnar nú kynnt bænd-
um um allan heim, árangur af fimm ára undir-
búningsvinnu sérfræðinga verksmiðjanna. Árang-
urinn er gjörbreytt dráttarvél, sem hefur upp á að
bjóða alla kosti eldri gerðanna, og auk þess margs
konar nýjungar, þar sem Multi-Lift þungafærslu-
kerfið er efst á blaði.
Dráttarvélar h.f. hafa, eins og kunnugt er, um-
boð fyrir Massey-Ferguson verksmiðjurnar, stærstu
dráttarvélaverksmiðjur heims, hér á landi, og
kynnti fyrirtækið þessa nýju og gjörbreyttu vélar
nýlega fyrir blaðamönnum. Viðstaddir voru tveir
erlendir gestir frá Massey-Ferguson, J. H. Shiner
einn af forstjórum miðstjórnar verksmiðjanna í
Kanada og H. A. Fruminger, sölustjóri fyrir Evrópu
og búsettur í Englandi. Shiner sagði við það tæki-
færi, að MF legði ekki aðeins áherzlu á að full-
komna dráttarvélarnar fyrir bændur um víða ver-
öld, heldur reyndi líka að stuðla að hinni hröðu
uppbyggingu, sem nú á sér hvarvetna stað, með
því að framleiða hjóladráttarvélar og hjálpartæki
fyrir allskonar iðnað og framkvæmdir. Og íslend-
ingar hafa síður en svo farið varhluta af þessari
grein framleiðslu Massey-Ferguson, því megnið af
hinum sambygðu gulu ámokstursvélum og traktor-