Freyr - 01.04.1970, Blaðsíða 19

læk, sem Kaupfélagið þar rekui. \'inna þar
nú 6 menn. í fyrra leit út fyrir, að um verk-
efnaskort yrði að ræða. Hjá því varð þó
komizt, með því að hefja ýmis konar ný-
smíði. Gaf það mjög góða raun. Þannig er
nokkur visir að byggðarkjarna kominn í
kringum Kaupfélagið á Rauðalæk.
Rétt við brúna á Ytri-Rangá, en í Djúpár-
hreppi, var fyrir nokkrum áru mreist tré-
smíðaverkstæði, sem hlutafélagið Rangá
rekur. Þetta verkstæði hefur haft mikil
verkefni og séð um smíði fjölda íbúðarhúsa
og gripahúsa víðsvegar um héraðið og jafn-
vel víðar.
í Búð í Þykkvabæ er bíla- og viðgerðar-
verkstæði; annast það aðallega viðhald og
viðgerðir véla fyrir Þykkbæinga. Ein verzl-
un er í Þykkvabænum ,verzlun Friðriks
Friðrikssonar, Miðkoti. Þannig eru þrjár
verzlanir í þessum fjórum hreppum, tvö
bíla- og viðgerðarverkstæði og eitt tré-
smíðaverkstæði.
* * *
Mjólkurframleiðsla er uppistaðan í bú-
skapnum á þessu svæði. Þó eru víða stór
fjárbú, sérstaklega í Landmannahreppi.
Samtals voru lagðir inn hjá Mjólkurbúi
Flóamanna árið 1968 rúmlega 4,6 milljónir
lítra úr þessum fjórum hreppum. Mjólkur-
framleiðslan hefur þó farið minnkandi og
var nú tæpum hundraðþúsund lítrum minni
en fyrir átta árum síðan. Margir bændur,
sem hafa þurft að endurbyggja fjós sín, hafa
ekki talið það svara kostnaði að leggja í svo
fjárfrekar framkvæmdir, með tilliti til þess,
hve mjólkurframleiðsla er nú óarðgæf, og
hafa þeir tekið upp aðra búskaparhætti.
Þetta er sérstaklega áberandi í Djúpár-
hreppi, þar hefur kúm verið fækkað á fáum
árum um eitt hundrað. Eru aðaltekjur
bænda þar nú af kartöflurækt. Munu hafa
verið settar þar niður kartöflur í um það
bil tvö hundruð til tvö hundruð og þrjátíu
hektara s.l. vor. Ekki verður þó sagt, að sú
ræktun sé áhættulaus, ekki einu sinni á
þeim slóðum. Eru garðlönd þó eins góð þar
og frekast verður á kosið, — sandborinn
moldarjarðvegur. Næturfrost hafa oft dreg-
ið þar úr uppskeru og valdið nokkru tjóni
á kartöfluökrunum.
Síðastliðið vor voru kartöflur settar þar
niður með seinna móti, vegna þess hve mik-
ill klaki var í jörðu. Var þá fengin mikil-
virk jarðýta með svokölluðum ripper til að
rífa upp klakann, svo hægt væri að fara
yfir garðlöndin og flýta fyrir niðursetningu.
Allir bændur þekkja það erfiði og þá
fyrirhöfn, sem er við flutning og tilfærslu
á sekkjuðum fóðurvörum. Nú hefur K. F.
Rangæinga hafið könnun á því á félags-
svæði sínu. hversu margir bændur vilja
setia upp síló eða fóðurstíur til að geta veitt
móttöku fóðurvörum úr búlkbíl, en Kaup-
félagið hyggst kaupa slíkan bíl.1 Almennur
áhugi mun vera fyrir þessum framkvæmd-
um, enda lækka fóðurvörurnar verulega í
verði með tilkomu þessarar tækni, auk þess
sem miklu erfiði er létt af þeim, er annast
fóðrun gripanna.
Á síðustu tveimur áratugum hefur mikil
unobvgging átt sér stað á milli Þjórsár og
Ytri-Rangár, eins og annars staðar í sveitum
landsins.
Við lauslegt yfirlit virðist, að meira en
helmingur af íbúðarhúsum á þessu svæði
hafi verið endurbættur eða endurbyggður
á þessu tímabili, auk þess sem flest útihús
á jörðunum hafa einnig verið reist á þessum
árum. Þetta hefur verið hraðfara sókn við
að byggja upp og rækta landið. Þeir bænd-
ur, sem þessi verk hafa unnið, hafa ekki
verið í hópi þeirra, sem hafa alheimt dag-
laun sín að kveldi, heldur hafa þessi verk
verið unnin vegna trúar á íslenzka gróður-
mold, trúar á gildi sveitarmenningar fyrir
bióðina og löngunar til að búa í haginn fyrir
þá, sem við vilja taka við og nýta sem mest
af gæðum landsins.
i Síðan þetta var skráð hefur framkvæmdin orðið
að veruleika.
F R E Y R
155