Freyr - 01.04.1970, Blaðsíða 11

SVEINN EINARSSON:
Lög og reglugerðir um
Loðdýrarækt
Banni við minkaeldi hér á landi, sem staðið
hafði í nær tuttugu ár, var aflétt með lög-
um um loðdýrarækt frá Alþingi, sem tóku
gildi hinn 28. maí s. 1.
Samþykkt þessara laga átti sér langan
aðdraganda, því skoðanir manna um gagn-
semi minkaeldis eru mjög svo skiptar.
I þessum fáu línum, sem hér fara á eftir,
verður hvorki rætt um möguleika okkar í
minkarækt né rakin hin gamla raunasaga
um eldi þessara dýra á íslandi, heldur verð-
ur drepið á nokkur helztu atriðin um fram-
kvæmd nefndra laga.
Samkvæmt hinum nýju lögum um loð-
dýrarækt skipaði landbúnaðarráðherra,
Ingólfur Jónsson, eftirtalda menn í nefnd til
að gera drög að reglugerð og öðrum fram-
kvæmdaatriðum um þessi mál:
Arna Jónasson, erindreka,
Eyjólf Konráð Jónsson, ritstjóra,
Pál A. Pálsson, yfirdýralækni,
Svein Einarsson, veiðistjóra,
Gunnar Bjarnason, kennara, Hvanneyri og
Ásberg Sigurðsson, borgarfógeta, sem jafn-
framt var skipaður formaður nefndarinnar.
Nefndin lauk störfum í haust og 16. nóv-
ember s. 1. var reglugerð um loðdýrarækt
staðfest af landbúnaðarráðuneytinu.
í reglugerðinni eru ströng fyrirmæli um
innflutning lífdýra og meðferð þeirra, fyrir-
komulag og byggingar á búunum. Nokkrar
greinar úr nefndri reglugerð, sem hér fara
á eítir, skýra þetta nánar.
1. gr. Landbúnaðarráðuneytið hefur
yfirumsjón með allri loðdýrarækt í
landinu. Veiðistjóri, sbr. 1. gr. laga nr.
52/1957, og trúnaðarmenn hans annast
eftirlit með því, að ákvæðum laga og
reglugerða um loðdýrarækt sé fram-
fylgt. Eftirlit, samkvæmt fyrirsögn
hans, skal fara fram eigi sjaldnar en
tvisvar á ári.
4. gr. Óheimilt er að flytja til landsins
hvers konar loðdýr, nema að fengnu
leyfi landbúnaðarráðuneytisins og
meðmælum yfirdýralæknis. Þeir, sem
óska eftir að flytja til landsins loðdýr,
skulu senda um það skriflega umsókn
til ladbúnaðarráðuneytisins, ásamt
upplýsingum um hvaðan dýrin verði
keypt, tegund, fjölda þeirra, kyn, ald-
ur og auðkenni, sbr. 4. gr. laga nr. 68/
1969.
5. gr. Ekki er heimilt að veita innflutn-
ingsleyfi fyrir loðdýrum til íslands,
nema fyrir liggi skriflegar upplýsing-
ar heilbrigðisyfirvalda í viðkomandi
landi um, að eigi hafi orðið vart smit-
sjúkdóma undanfarin þrjú ár í því
búi, þar sem dýrin eru keypt, og að
slíka sjúkdóma hafi heldur ekki orðið
vart í héraðinu næstliðin þrjú ár.
Áður en loðdýr eru flutt til landsins,
setur yfirdýralæknir reglur um þær
rannsóknir, ónæmisaðgerðir o. fl., sem
nauðsynlegt er talið af öryggisástæð-
um að gera í hvert sinn.
7. gr. Ef loðdýr, sem inn eru flutt,
reynast heilbrigð og fullnægja að öðru
leyti settum skilyrðum, skulu þau sett
í sóttkví á kostnað og ábyrgð eiganda,
meðan ríkið byggir ekki einangrunar-
stöð. Dýrunum skal haldið í sóttkví
eins lengi og yfirdýralæknir telur
nauðsynlegt, þó eigi skemur en 16
mánuði að því er varðar minka. Um
útbúnað og tilhögun sóttkvíar skal
fara eftir fyrirsögn yfirdýralæknis og
er óheimilt að flytja þangað dýr, fyrr
en gengið hefur verið úr skugga um,
FHEYÍ
147