Freyr - 01.06.1980, Blaðsíða 17

Fjall á Skeiðum.
flóðin fóru aftur að koma. Svona
hafa menn verið fljótir að gleyma.
Svo er það aftur á tímabilinu frá
1930 og fram yfir 1950, að þessi
flóð eru ákaflega tíð. Nú munu
liðin ein tólf ár, síðan kom verulegt
flóð, síðasta árflóð, sem kom, var
1968.
Svo er það Skeiðaáveitan. Vilt þú
segja mér frá henni?
Það var fyrsta stóra breytingin á
búskaparaðstöðuhéráSkeiðunum,
þegar Skeiðaáveitan kom. Hún var
tekinínotkun 1923. I>á varbúið að
vinna að framkvæmdum í sex ár.
Hún er því eldri en Flóaáveitan.
En þá var búið að vera umtal um
stórar áveitur á Flóann og Skeiðin í
40 ár. Það var byrjað að ræða um
þetta um 1880. En svo er ráðist í
Skeiðaáveituna 1917. Þá voru nú
engin stórvirk tæki komin, en
fyrsta skurðgrafan kom þó 1919.
Það var grafa, sem gekk á spor-
braut á skurðbökkunum og stóð á
brú yfir skurðinn. Hún var aðeins
notuð við aðaláveituskurðinn, en
allt skurðakerfið, um 60 km, var
grafið með handafli. Þegar farið
var að vinna að Flóaáveitunni, var
grafan flutt þangað til þess að grafa
aðalskurðinn þar.
„Ég hef svolítið verið að safna persónulegum fróðleik, en hef þó meiri áhuga á
atvinnusögu".
FREYR — 331