Freyr - 01.06.1980, Blaðsíða 29

Jón Ragnar Björnsson, Framleiðsluráði landbúnaðarins:
Er framtíð í framleiðslu páskalamba?
Ýmsir hafa velt því fyrir sér, hvort það sé ný hagfræði, sem markaðsnefnd landbúnaðarins
boðar með framleiðslu páskalamba. Pessi framleiðsluaðferð hlýtur að vera mun dýrari en
hefðbundin framleiðsla okkar, sem þó aðeins skilar hluta kostnaðarverðs í útflutningi.
Segja má, að tvenns konar verð sé
á lambakjöti á erlendum mörk-
uðum. Annars vegar verð á nýju
kjöti. Hins vegar á frystu kjöti.
Verð á nýju kjöti er yfirleitt tölu-
vert hærra en á frystu og breytilegt
yfir árið. Hæst í ársbyrjun og fram
á vor, þegar ný framleiðsla fer að
koma á markaðinn, lægst á haust-
in, þegar framboðið er mest.
Páskalambaát er sérstakt fyrir-
brigði, tengt páskum eins og
nafnið gefur til kynna. Talið er, að
þessi siður eigi upphaf sitt að rekja
til brottfarar Gyðinga frá Egypta-
landi. Þessi siður þekkist nú meðal
ýmissa þjóða. Vinsælast er að
grilla heila kroppa yfir opnum eldi,
og menn vilja greiða vel fyrir þessa
vöru til að geta boðið til veglegrar
páskaveislu.
Það var ákveðið fyrir rúmu ári
að gera tilraun með framleiðslu
páskalamba í samvinnu við danska
samvinnufyrirtækið DAT Schaub
og Irma. Ýmsir voru vantrúaðir á,
að lömb alin á þessum tíma væru
yfirleitt mannamatur. En eins og
fram kemur í grein Ólafs Dýr-
mundssonar þrifust páskalömbin
ákaflega vel.
Ástæða þótti til að gefa mönn-
um kost á því hér að bragða á þess-
ari afurð. Var haldin kynning á
páskalambi í samvinnu við Hótel
Sögu, og um 70 manns komu til að
bragða á kjötinu.
Til samanburðar var boðið upp
á kjöt af nýslátruðum gemlingi og
fryst kjöt frá sl. hausti, sem var af
um 10 kg skrokk.
Gestirnir voru beðnir að gefa
einkunnir fyrir kjötið. Skalinn,
sem var notaður, var frá 0—5 (5
best).
Menn biðu úrslitanna með eftir-
væntingu, en í ljós kom, að kjötið
af páskalambinu og gemlingnum
hlaut sömu meðaleinkunn (3.84),
en frysta kjötið 2.91.
35 föll voru send flugleiðis til
Kaupmannahafnar mánudaginn
fyrir páska. Búvörudeild Sam-
bandsins hafði samið um verðið,
og var það 525 d. kr. á skrokk, eða
um 52 d. kr. á kíló, komið til
Hafnar. Til samanburðar er sölu-
verð á frystu kjöti til Danmerkur
um 12 danskar kr.
Árangur af þessum útflutningi
kom því miður ekki í ljós, því
verslanir Irma voru lokaðar vegna
verkfalla. Því varð að frysta mest-
allt kjötið.
Ekki liggur enn fyrir, hvert
framhald verður á þessum út-
flutningi, en dönsku fyrirtækin
hafa lýst sig reiðubúin til að kaupa
100—200 stk. fyrir nasstu páska.
Kjötið bragðaðist vel. En það var flutt
beint á „páskamarkað“ í Kaupmanna-
höfn. (Ljósm. Ó. R. D.)
Þrátt fyrir, að salan mistækist í
Danmörku, tel ég þessa tilraun
mjög mikilvæga. Hún sýnir, að
mögulegt er að framleiða fyrsta
flokks dilkakjöt utan hefðbundins
framleiðslutíma. Enda þótt dýrara
sé að framleiða kjötið á þennan
hátt, kemur mun hærra söluverð á
móti.
Útflutningur á frystu dilkakjöti
verður alltaf erfiður, meðan við
þurfum að keppa við þjóðir eins og
Nýsjálendinga. Þess vegna er vert
að gefa gaum þeim möguleikum,
sem kunna að vera fyrir hendi í
framleiðslu og útflutningi á fersku
kjöti að vetrarlagi.
FREYR — 343