Freyr - 01.11.1983, Blaðsíða 9

Við treystum á góða samvinnu við bændur um
skynsamlega nýtingu á gróðri landsins
Viðtal við Svein Runólfsson, landgræðslustjóra.
A síðastliðnu sumri var fréttamaður Freys á ferð um Suðurland og lagði þá leið sína í
Gunnarsholt og hitti þar að máli þá Svein Runólfsson landgræðslustjóra og Stefán H.
Sigfússon fulltrúa landgrœðslustjóra og átti við þá viðtöl sem birtast hér á eftir. Fyrsta
spurning sem við lögðum fyrir landgrœðslustjóra var:
Hver er tilgangur og verkefni
Landgræðslu ríkisins?
Það er í fyrsta lagi að stöðva
hraðfara jarðvegs- og gróður-
eyðingu. I öðru lagi er það upp-
græðsla örfoka lands og í þriðja
lagi er það gróðureftirlit sem
stuðlar að betri og skynsamari
nýtingu gróðurs á íslandi.
Hvernig er ástatt um stöðvun á
eyðingu jarðvegs og gróðurs?
Þar eru mér tvö atriði efst í huga.
Annað er það að árið 1974 tók
gildi landgræðsluáætlun I eða
þjóðargjöfin svokallaða fyrir árin
1974-’79. Fjárveitingar sem
veittar voru samkvæmt þeirri áætl-
un ollu tímamótun í starfsemi
Landgræðslunnar. Þá jókst land-
græðslustarfið en höfuðáhersla
var eftir sem áður lögð á að stöðva
hraðfara gróður- og jarðvegs-
eyðingu með friðun og upp-
græðslu. Áburðarflugvélin Páll
Sveinsson var tekin í notkun um
þetta leyti. Þá var virkilega snúið
vörn í sókn í gróðurreikningi þjóð-
arinnar.
Nú horfir málið að vísu svolítið
verr við. Landgræðsluáætlun II
tók gildi 1982 en framkvæmdagildi
hennar er aðeins um fjórðungur
fyrri áætlunar og hinn eiginlegi
fjárlagaliður Landgræðslunnar
hefur farið mjög illa í verðbólgu-
bálinu. Það hefur verið afar kalt
og erfitt tíðarfar síðan árið 1979,
þannig að hvert grasleysisárið hef-
ur komið á eftir öðru og þá eink-
um á hálendinu. Þó hefur það
verið bót í máli að jafnframt hefur
verið vætusamt og það hefur
hjálpað til við landgræðslustarfið.
Gróðri á afréttum hefur samt sem
áður hnignað verulega á þessum
tíma. Á láglendi hefur ástandið
hins vegar verið skárra en þar fer
mest af landgræðslustarfinu fram.
Sáningar hafa komið vel til og náð
að festa varanlegar rætur.
Hefur eldvirknin á þessu tímabili
ekki líka sett strik í reikningin?
Jú, hún hefur haft mikið að segja.
Á gróðurlendum í nágrenni
Heklu, þ. e. á Landmannaafrétti
og að nokkru leyti Holtamannaaf-
rétti og á Gnúpverjaafrétti urðu
mikil gróðurspjöll af gjóskufalli
árið 1980. Þá fór stórt svæði af
landgræðslugirðingu á framan-
verðum Landmannaafrétti undir
ösku og vikur. Það má segja að á
því svæði, sem er um 36 þúsund
Starfsmarmahús Landgrcedslunnar í Gunnarsholti, tekið í notkun árið 1980. (Ljósm.
M. E.).
FfíEYR — 857