Freyr - 01.11.1983, Blaðsíða 31

Útflutningsbætur.
Útbýtt var skýrslu um stöðu út-
flutningsbótareiknings. Mótteknir
reikningar á sl. verðlagsári voru
að upphæð kr. 152,5 milljónir
króna og hefur ríkissjóður greitt af
þeim kr. 144,8 milljónir.
Útflutningsbótaréttur fyrir síð-
asta verðlagsár var að mati Fram-
leiðsluráðs kr. 334 milljónir,
þannig að ekki hefur verið notað-
ur helmingur þess réttar enn.
Eitthvað af reikningum er þó
ókomið og einnig liggur fyrir sam-
þykki landbúnaðarráðuneytisins
um að útflutningsuppbætur á 600
tonn af dilkakjöti sem selja á til
Noregs í desember nk. verði tekn-
ar af útflutningsbótarétti síðasta
verðlagsárs.
Útflutningur mjólkurvara.
Lögð var fram skýrsla um útflutn-
ing mjólkurvara á sl. verðlagsári.
Útflutningur var rúm 938 tonn og
hafði dregist saman um rúmlega
300 tonn. Útflutningur á Gouda-
osti F-45 hafði dregist saman um
713 tonn en útflutningur á Gouda-
osti H-30, bræddum osti og kas-
eini hafði aukist.
Móttekin ull.
Lögð var fram skýrsla um mót-
tekna ulli á tímabilinu janúar-ág-
úst 1983. Nemur hún 1035,8 tonn-
um og hafði aukist um 56,7 tonn
miðað við sama tíma árið áður.
Aukningin hafði einkum orðið hjá
Álafossi hf.
Breyting á verðjöfnunargjaldi
mjólkur og kostnaður við rekstur
Framleiðsluráðs.
Verðjöfnunargjald á mjólk sem
reiknað er með í verðlagsgrund-
velli hækkaði úr 28 í 30 aura á lítra
hinn 1. október sl. Innheimtir eru
hins vegar 33 aurar á lítra og fer
mismunurinn í kostnað við rekstur
Framleiðsluráðs. Nemur sú upp-
hæð sem tekin er af mjólkurfram-
leiðslunni rúmlega þremur milljón
krónum á ári, en það er um helm-
ingur af kostnaði við rekstur
Framleiðsluráðs. Hinn helmingur-
inn er tekinn af kindakjötsfram-
leiðslunni, en aðrar búgreinar
bera ekki kostnað af rekstri Fram-
leiðsluráðs.
Afreikningur sauðfjárafurða haustið
1983.
Eftirfarandi reglur voru settar um
afreikning sauðfjárafurða á þessu
hausti:
A. Sláturleyfishafar afreikni að
lágmarki til framleiðenda
sauðfjárafurða í haust 75%
grundvallarverðs allra afurð-
anna. Undantekning frá þessu
er þó ef innleggjandi hefur
ekkert búmark. Þá skal
greiðslan vera 50% grundvall-
arverðs af kjöti. Ógreiddar
eftirstöðvar haustgrundvallar-
verðsins skulu vaxtareiknaðar
til framleiðenda frá 15. októ-
ber til greiðsludags og miðast
vextirnir við almenna inn-
lánsvexti eins og þeir eru á
hverjum tíma til greiðsludags.
Verðhækkanir, sem kunna
að verða á grundvallarverði 1.
febrúar og 1. júní á næsta ári
bætast við ógreiddar eftirstöð-
var haustgrundvallarverðsins
og greiðast við lokauppgjör
við framleiðendur.
B. Sláturleyfishafar afreikni stór-
gripaafurðir 20. næsta mánað-
ar eftir innleggsmánuð. Sé
ekki um staðgreiðslu á öllu
grundvallarverðinu að ræða
skal reikna innlánsvexti á
eftirstöðvarnar frá afreikn-
ingsdegi til greiðsludags eftir-
stöðvanna.
Endurgreiósla kjarnfóðurgjalds.
Umsókn lá fyrir frá fuglabúinu á
Ásmundarstöðum um endur-
greiðslu á kjarnfóðurgjaldi á hýði
sem notað er í undirburð undir
hænsni. Samþykkt var að endur-
greiða umbeðið gjald.
Verðtilfærslusjóður mjólkur.
Ákveðnar reglur gilda um verð-
hlutföll einstakra mjólkurvara og
mjólkur. Til að flytja greiðslur þar
á milli er notaður Verðtilfærslu-
sjóður mjólkur. Þessi sjóður er
kominn í 4,7 milljón króna skuld.
Ákveðið var að auka tekjur hans
með því að auka gjald af undan-
rennu frá 1. september sl. í kr. 4 á
seldan lítra og greiða til sjóðsins
kr. 2 milljónir úr léttmjólkursjóði.
Jafnframt var ákveðið að lækka
greiðslur á framleitt kasein og
undanrennumjöl og kálfafóður
um 10% frá 1. september.
í framhaldi af þessu var ákveðið
að skipa 5 manna nefnd til að
endurskoða verðlagningarhlutfall
mjólkur og mjólkurvara. Nefndin
skili áliti fyrir miðjan janúar nk.
Flutningsjöfnunarsjóður á
kartöflum.
Á verðlagsárinu 1978—’79 var
stofnaður Flutningsjöfnunarsjóð-
ur á kartöflum til að jafna flutning
á kartöflum til neytenda. Fram-
leiðsluráð annaðist þá jöfnun en
nú hefur Grænmetisverslun land-
búnaðarins tekið við því hlutverki.
Tekjur sjóðsins eru 27 aurar á kg
seldra kartaflna.
Halli hefur myndast á þessum
reikningi. Rætt var um hvort auka
eigi það gjald sem tekið er af
kartöflum til þessara þarfa eða
leggja flutningsjöfnunina niður frá
nk. áramótum. Ákvörðun var
frestað.
Leiðrétting
í myndatexta á bls. 839 í 20. tbl. er
rangt farið með nafn manns.
Hann heitir Bjarkar Snorrason.
FREYR — 879