Freyr - 01.02.1987, Blaðsíða 15

Mynd 5. Hnífnum rennt niður með hryggnum. Skaftið á undan.
Mynd 6. Fisknum snúið við og flakað hinum megin. Oddurinn á hnífnum á undan.
Aðgerð
Slægja á fiskinn eins fljótt og tök
eru á, því að bæði bragði og
geymsluþoli hrakar verulega þann
tíma sem hann liggur með innyfl-
unum. Þegar búið er að slægja er
blóðröndin hreinsuð burtu og
tálknbogarnir fjarlægðir. Ef flaka
á fiskinn er hann ekki slægður, því
að betra er að flaka heilan fisk.
Flaka má á þann hátt að byrjað
er að flaka hægri hlið fisksins.
Hryggurinn snýr að flökunar-
manni, en kviðurinn frá. Hnífnum
er síðan rennt niður eftir hryggn-
um með skaftið á undan (mynd 5).
Síðan er fisknum snúið við, og
farið eins að, nema hnífnum er
beitt þannig að oddurinn vísi á
undan (sjá mynd 6). Flökin eru
síðan snyrt og öll bein sem hafa
orðið eftir fjarlægð. Mjög auðvelt
er að sjá hvort fiskurinn hefur
verið blóðgaður eða marist eftir
flökun. Allt mar þarf að skera í
burtu. Illa marinn og óblóðgaðan
fisk á að taka frá og selja sem
annars flokks vöru. Hið sama gild-
ir um allan hrygningarfisk og ann-
an lélegan matfisk. Slóg, bein og
ónýtanlegan fisk ætti að setja í
meltu eða salta og nýta sem
skepnufóður.
Pökkun og frágangur
Þegar búið er að slægja eða flaka
fiskinn þarf að kæla hann niður í
um 4°C eða frysta. Hvernig
pökkum og frágangi er háttað fer
eftir óskum kaupenda. Sé fisk-
inum pakkað í öskjur áður en
hann er kældur niður og öskjurnar
settar í kæli eða frysti getur liðið
langur tími áður en innstu stykkin
ná að kólna. Því er betra að kæla
stykkin áður en þeim er pakkað.
Það má gera með því að raða
stykkjunum á plötu og setja þau í
kæli eða frysti þar til þau eru köld
í gegn. Síðan er þeim pakkað í
öskjur og sellophan-pappír hafður
á milli og yfir stykkjunum. Loft-
þéttar umbúðir hafa rutt sér mjög
til rúms og henta mjög vel til að
halda gæðum fisksins. Lofttæm-
ingarvélar eru hins vegar nokkuð
dýrar svo og plastpokarnir sem
pakkað er í. Kaup á slíkum útbún-
aði verður hver og einn að vega og
meta fyrir sig.
Niðurlag
Hafa verður hugfast að silungur er
matvara og meðhöndla skal hann
sem slíkan. Skemmdan og lélegan
fisk á að flokka frá en ekki selja
með fyrsta flokks fiski. Það svarar
engan veginn kostnaði og getur
komið í veg fyrir sölu seinna meir.
Góð og vönduð vinnubrögð við
meðferð og verkun og gagnrýnið
val skilar ávallt þeirri vöru sem
best er að selja.
Tilraun með gotkassa.
Frh. afbls. 117.
hvolpum milli 7 daga og 30.6.
urðu 20 hvolpar og námu að með-
altali 0,4 hvolpum á paraða læðu.
Eins og fyrr var getið gáfu
smákassar góða raun í fyrra, en
einnig þá voru mikil hvolpavan-
höld. Ef til vill má að nokkru
kenna um miklum hita á hluta
gottímans og mjólkurskeiðinu.
í smákössunum verða lítil loft-
skipti og því verður loftið í þeim
heitt og rakt á heitum dögum.
Jafnvel þó smákassinn sé mjög
auðveldur í meðförum virðist
hann vera alltof þröngur til þess
að refalæða með hvolpahóp þrif-
ust vel í honum.
Tilraunin verður endurtekin
a.m.k að hluta, næsta ár.
(Júlíus J. Daníelsson þýddi).
Freyr 103