Freyr - 01.02.1987, Blaðsíða 23

hita annarra stöðva frá síðari tím-
um, til dæmis 1951—1980, má svo
ætlast á um hitann á miklu fleiri
stöðvum á þessu 140 ára tímabili,
jafnvel hvern dag ársins, og þá
einnig hitasummu hvers dags í
meðalári.
Eftir þessum gögnum um hita-
far, og svo athugunum á gróður-
fari og búnaðarháttum, hef ég
árætt að setja fram 5. töfluna, um
heppilegan tíma til að byrja dreif-
ingu áburðar og slátt á nokkrum
stöðum á Iandinu, í meðalári. Af
þessu ættu menn að geta ráðið,
hverjar þessar dagsetningar ættu
að vera annarstaðar. í einstökum
árum er svo hægt að gefa um það
bendingar, eftir daglegum athug-
unum á hita, hvað vorið eða
sumarið er langt á undan eða eftir
því sem tíðkast í meðalári, á þess-
um veðurstöðvum. Til dæmis um
áraskiptin í þessu efni skal hér
sýnt í 6. töflu, hverjar voru út-
reiknaðar dagsetningar fyrir fyrstu
dreifingu áburðar og sláttubyrjun
á Hvanneyri á árunum 1978—
1985. Mestu munar frá árinu 1979
til 1980. Þess má geta að 5 af
þessum 8 árum munaði ekki nema
0—2 dögum á útreiknuðum og
raunverulegum sláttutíma, en hin
árin var munurinn allt að 9
dögum. Þar getur þó komið fleira
til en hitinn, til dæmis óþurrkar,
þegar grasið er að verða þroskað,
eða mismunandi fyrirætlanir um
háarslátt.
Ef til þess kæmi, að leiðbeining-
ar yrðu gefnar bændum um þessi
efni, þyrftu þær að berast ekki
sjaldnar en einu sinni í viku, og þá
helst í útvarpi eða sjónvarpi. En
jafnframt væri æskilegt, að athug-
anir á gróðurfari og búnaðarhátt-
um yrðu auknar á veðurstöðvum,
ekki síst um byrjun áburðar og
sláttar. Með því gætu leiðbeining-
arnar smám saman orðið betri og
markvissari.
Refahús
á góðu verði
Smídum stálgrindahús fyrir refa, minka og laxaeldi,
tilbúin til uppsetningar á sökkul.
Boltuö saman 1 mœni.
Stœröir eftir pöntun.
Eigum á lager 10,8 — 13 og 14 m breiö hús.
Tökum einnig aö okkur alla almenna járnsmiöi.
Leitiö tilboöa.
Smiðjuvegi 28 — sími 78590
Póshólf 504, 202 Kópavogur
Freyr 111