Freyr - 01.01.1992, Blaðsíða 41

1.’92
FREYR 33
Frá aðalfundi Samtaka
selabœnda 1991
Aðalfundur Samtaka selabœnda var haldinn 16. nóvember sl. í Reykjavík.
Frá aðalfundi Samtaka selabœnda 16. nóv. 1991. Á myndinni eru talið frá
vinstri: Árni Snæbjörnsson ráðunautur, Eysteinn G. Gíslason Skáleyjum,
Árni G. Pétursson Vatnsenda og Jón Benediktsson Höfnum.
Á fundinum kom m.a. fram, að nú
gætir aukinnar bjartsýni á að
selskinn fari að seljast á ný. Merki
um það eru, að nýlega seldust tæp-
lega 90 skinn til Danmerkur og
meira hefur verið pantað þaðan,
einnig hefur borist pöntun frá
Grænlandi. Verð er að vísu ekki
hátt ennþá en þetta gæti orðið upp-
hafið að frekari sölu. Þá hefur Egg-
ert Jóhannsson feldskeri hafið
framleiðslu á flíkum úr selskinni og
á sýningu sem haldin var nýlega
vöktu þær óskipta athygli við-
staddra. Nokkrar þeirra seldust
strax. Vaxandi áhugi er á því að
nýta selskinn í ýmsa smáa gripi til
að selja ferðamönnum, eins er dá-
lítið um að ferðamenn kaupi eitt og
eitt spýtt selskinn. Þá örlar á því að
hægt sé að selja saltað selspik, súrs-
aða hreifa og jafnvel selkjöt í ein-
staka tilvikum. Greint var frá því
að samkvæmt talningu á selum úr
lofti þá hefur landsel fækkað á
síðustu árum en útsel fjölgað.
Samtök selabænda er félags-
skapur bænda sem búa við sel-
veiðihlunnindi og annarra sem
áhuga hafa á þessari fornu bú-
grein. Markmið félagsins er að
endurvekja nýtingu selveiðihlunn-
inda og vinna að hagsmunamálum
þeirra sem selveiðar stunda ef
markaðir opnast. Stjórn Samtaka
selabænda er þannig skipuð: Jón
Benediktsson, frá Höfnum, for-
maður, Eysteinn G. Gíslason,
Skáleyjum ritari, Pétur Guð-
mundsson, frá Ofeigsfirði, gjald-
keri.
Framleiðsluréttur sem bændur
hafa afsalað sér með þessu móti er
afar breytilegur eftir mjólkursam-
lagssvæðum eða frá því innan við
3% og upp í yfir 15% af fullvirðis-
rétti á svæðinu.
Birgðir búsafurða í lok
október sl.
Sjá meðfylgjandi töflu um fram-
leiðslu og sölu mjólkur, kjöts og
eggja-
Birgðir mjólkurvara í lok októ-
ber sl., umreiknaðar í mjólk, voru
23.303 þús. lítrar sem er um 557
þús. lítrum minna en einum mán-
uði áður en 3.586 þús. lítrum meira
en á sama tíma árið áður.
Birgðir kindakjöts í lok október
sl. voru 8.596 tonn sem er 399
tonnum minna en á sama tíma árið
áður.
Birgðir nautgripakjöts í lok
október sl. voru 194 tonn sem er 47
tonnum minna en á sama tíma árið
áður.
Birgðir svínakjöts í lok október
sl. voru 15,7 tonn sem er 5,3 tonn-
um minna en á sama tíma árið
áður.
Birgðir hrossakjöts í lok október
sl. voru 74 tonn sem er 61 tonni
minna en á sama tíma árið áður.
Birgðir alifuglakjöts í lok októ-
ber sl. voru 297 tonn sem er 65
tonnum meira en á sama tíma árið
áður.
Birgðir eggja f lok október sl.
voru þrjú tonn en voru 99,6 tonn á
sama tíma árið áður.
Leiðrétting
Það gerðist í 22. tbl. Freys, bls.
887, á sl. ári að félagsheimilið
Þingborg var sagt vera í Gnúp-
verjahreppi, en er að sjálfsögðu í
Hraungerðishreppi. Er beðist vel-
virðingar á þessu ranghermi.