Freyr - 01.05.1994, Blaðsíða 16
en verður þá að hafa kunnáttu til
þess og vel skilgreindar þarfir.
Forrit og gögn eru geymd í sér-
stökum geymslum, s.s. hörðum
diski. Hann er hlaði af segulmögn-
uðum diskum. Pví meira sem hann
rúmar því betra. Ný forrit verða
sífellt stærri og ráða við meira af
upplýsingum. Aukið diskrými er til-
tölulega ódýrt svo að sjáðu hvað er í
boði og kauptu heldur meira en
minna. Ekki kaupa minna en 100-
120 Mb. Sum forrit nota harða
diskinn mikið, eru stöðugt að sækja
og skila gögnum. Til að þau starfi
eðlilega er nauðsynlegt að diskurinn
starfi hratt og vel. Kannaðu sóknar-
tíma disksins, allt undir 19 millisek-
úndum er í lagi.
Tölvur eru búnar svokölluðu
RAM-minni eða tímabundnu
minni. Flest forrit nota það og gögn
sem slegin eru inn fara um þetta
minni. Venjulega eru tölvur búnar 4
MB í RAM-minni frá tölvuverslun-
um hér á landi. Þetta er yfirdrifið til
að nota ýmis gömul forrit en ég
ráðlegg meira af tvennum ástæðum.
I fyrsta lagi vinna forrit mun hraðar
ef mikið RAM-minni er fyrirliggj-
andi, þá fækkar ferðunum út á harða
diskinn. í öðru lagi munu ný forrit
gera meiri kröfur til minnis en nú er.
Þegar eru farin að sjást forrit á mark-
aðnum sem kerfst mun meira en 4
MB í minni. Ef fjárfestingin á örugg-
lega að nýtast vel til einhverra ára
kauptu 8 MB og vertu viðbúinn að fá
meira. Hægt er að setja meira minni
í vélina hvenær sem er ef í henni eru
raufar fyrir minnisspjöld. Gakktu úr
skugga um að svo sé þegar þú kaupir
vélina.
Örgjafar.
Hver hefur ekki heyrt um hugtök-
in 386 og 486, líklega allir? En vita
allir hvað átt er við. Þetta er nafn á
örgjörva tölvunnar en hann er aðal-
eining hennar. Sá sem kallast 486 er
yngri og máttugri. Þar með er þó
ekki allt upp talið því að hægt er að
fá reikniörgjörva til viðbótar aðalör-
gjörvanum. Slíkur búnaður gefur
486 tölvunni viðnafnið DX í stað
SX. Reikniörgjörvi hraðar upplýs-
ingastreymi um örgjörvann umtals-
vert, sérstaklega í öllum útreikningi.
Þegar 386 tölvur fá DX viðnafnið er
þó ekki um reikniörgjörva að ræða
Örgjörvi (Processor): Heili tölvunnar. Hraði hans er mældur í
megariðum (MHz). Örgjörva er hægt að stækka síðar, 33
MHz örgjörvinn hefur meiri stækkunarmöguleika en sá 25
MHz.
Reikniörgjörvi (Maths co-processor): Viðbót við örgjörva
tölvunnar sem hraðar vinnu sem byggist á miklum reikningi.
Harður diskur (Hard disc): Hlaði af segulmögnuðum diskum
sem getur geymt mikið magn af upplýsingum í vélinni, mælt
í megabætum (Mb). Hraðinn kallast sóknartími og er allt
undir 19 millisekúndum ágætt. Diskrými er ódýrt og því
ekki rétt að spara það, ca. 100-200 Kr/Mb. Ekki kaupa
minna en 100 Mb.
Disklingar (Floppy disks): Segulmagnaður diskur í plast-
hulstri. Geyma gögn fyrir utan vél, algengstærð 0,360 - 1,44
Mb. Getur borið upplýsingar á milli véla.
Dilsklingadrif: Sérstakur búnaður sem tengir disklinga við
tölvuna. Tvær meginstærðir eru fáanlegar, 514" og 3,5".
Heppilegast er að eiga báðar en það minna er algengara.
3,5" disklingarnir eru rúmminni, geymslumeiri og öruggari.
Stýrikerfi (Operating system): Forrit sem stýrir flæði upplýs-
inga inn í vélinni. Stýrikerfið sér bæði um samskipti ör-
gjörvans við önnur tæki sem tilheyra tölvunni og samskipti
notandans við tövuna. Pekktasta stýrikerfið er DOS.
RAM:Tímabundin gagnageymsla í tölvunni. Það sem er í
RAM-minni þegar slökkt er á tölvu tapast. Allt sem skrifað
er í tölvuna fer fyrst í RAM-minnið og þaðan í aðrar
geymslur. Rýmið er mælt í Mb, algengt núna er 4 Mb en
innan tíðar reynist nauðsynlegt að hafa 8 eða meira. Hægt er
að kaupa RAM minnisspjöld til viðbótar í tölvuna. Hvert
Mb til viðbótar kostar ca. 5000 kr.
Windows:Vinsælt forrit sem auðveldar notkun á stýrikerfinu
DOS.
Skjáspjald: Ræður hraða og skýrleika skjás að miklum hluta.
Gott skjásspjald er með 1 Mb í minni. Hægt er að skipta um
skjáspjald í tölvunni. Öflugt skjáspjald kostar frá 10 þús. kr.
Gagnabraut: Líkja má þeim við akreinar. Breiddin er mæld í
bitum. Bæði 486 og 386 DX örgjörvarnir hafa 32 bita brautir
en 386 SX hefur 16 bita. Flutningsgeta 32 bita brautar er
helmingi meiri en 16 bita.
Local Bus: Gagnabraut sem tengir örgjörvann betur við t.d.
skjákort. Slík braut getur tvöfaldað afköst skjáspjaldsins.
Burðargeta þessara gagnabrauta milli vélarhluta nálgast
afköst brauta innan örgjörvans og hann nýtist þá betur.
CD-ROM: Öflug gagnageymsla. Gögn eru geymd á geisladisk-
um og þarf sérstakan geislaspilara (drif) til að skila gögnum
inní tölvuna. Sérstakt spjald þarf til að tengja spilara við
tölvuna og kostar allt frá ca. 25 þús. Kr.
í rammanum eru nokkur orð skýrð sem algeng eru þegar tölvur ber á góma.
328 FREYR - 9'94