Freyr - 01.05.1994, Blaðsíða 28

vegna innflutnings frá Bretlandi og
íhuga að setja bann á nautakjöt.
Hitun eða suða er ekki næg trygging,
ef í hráefninu er smitefnið. Það þolir
8 klst. suðu. Fáir leita að þeim
sjúkdómum sem ekki valda augljósu
tjóni, eru duldir. Enginn leitar að
þeim sjúkdómum sem enn eru
óþekktir, en sífellt eru að koma upp
nýir sjúkdómar í löndum þar sem
margt er af dýrum, stutt á milli búa
og mörgum skepnum kasað saman í
hús, stíur og beitarhólf.
Bóluefni og lyf:
Bóluefni eru til við mörgum
sjúkdómum en útrýma þeim sjaldan
Þau bæla þá niður og fela þá en
fjölga heilbrigðum smitberum. Sum
erlend bóluefni og önnur varnarefni
(sermi) hafa jafnvel sjálf verið
menguð smitefnum og því hættuleg.
Dýr sem fá „lifandi" erlend bóluefni
geta smitað óbólusett dýr. Lyf koma
að gagni en ná aðeins til sumra
sjúkdóma. Þau eru dýr, valda auka-
verkunum, finnast í afurðum og eru
því varasöm fyrir heilsu neytenda, ef
þau eru stöðugt í mat.
Kaup frá ósýktum svœðum:
Sú leið að kaupa einungis frá
ósýktum svæðum er annmörkum
háð. Þá verður að byggja á vottorð-
um embættismanna um heilbrigði
viðkomandi svæðis. Vottorð hvfla á
ótraustum grunni vegna þess að
sjúkdómar koma seint inn á
skýrslur. Þeir eru ekki skráðir nema
þeir valdi augljósu tjóni. Samt gætu
þeir vegna mótstöðuleysis dýra-
stofna okkar orðið skaðleg plága ef
þeir bærust hingað.
Vottorð embættismanna eru oft
ónákvæm eða villandi. Þeir eru sem
slíkir háðir stjórnvöldum lands síns,
sem vilja umfram allt selja hvað sem
er í harðri samkeppni við aðra. Við
urðum illilega fyrir barðinu á gagns-
lausum vottorðum sem komu með
karakúlfénu hingað frá Þýskalandi.
Það reyndist bera: Votamæði,
þurramæði, visnu, garnaveiki og lík-
lega eitthvað af nýjum sníkjudýrum.
Vegna aukinna flutninga eru slík
vottorð nú að verða alvarlegt vanda-
mál í Evrópu. Ný dæmi: Gin- og
klaufaveiki barst til Ítalíu frá Króa-
tíu nýlega, mæðiveiki til Þýskalands
frá Frakklandi og kúaeyðni (BIV) til
Englands frá Þýskalandi og Holl-
andi.
Afkvœmarannsóknir...
Frh. afbls. 343.
og ströngu vali lífdýra geti færustu
og duglegustu svínabændurnir fram-
leitt sláturgrísi með 700-850 g
þyngdaraukningu á dag frá 25 kg
þyngd til slátrunar. Þegar þessu tak-
marki er náð, geta þeir notað
dönsku fóðurtöflurnar hér að fram-
an og orðið samkeppnishæfir við
starfsbræður sína erlendis.
Forsvarsmenn Svínaræktarfélags
Islands hafa margoft lýst stuðningi
sínum við afkvæmarannsóknir og
kjötrannsóknir í svínarækt og hafa
óskað eftir, að þær séu auknar, enda
gera þeir sér grein fyrir, að af-
kvæmarannsóknir og kjötrannsókn-
ir, ásamt fullkomnu skýrsluhaldi,
eru árangursríkasta aðferðin til að
lækka framleiðslukostnað, bæta
kjötgæðin og gera íslenska svína-
bændur samkeppnishæfa við starfs-
bræður þeirra erlendis. Einnig er
rétf að benda á, að sams konar rann-
sóknir hafa verið gerðar á Hesti með
ágætum árangri í marga áratugi á
vegum Rala.
Hólaskóli Hólum í Hjaltadal
---------------------
Á Hólum getur þú stundað
lifandi starfsnám á fögrum og friðsælum stað!
Almenn búfjárrækt - hrossarækt - reiðmennska -
- tamningar - sauðfjárrækt - fiskeldi - fiskrækt
Á Hólum eru nýbyggð kennslufjárhús og merkur fjárstofn!
Á Hólum er miðstöð rannsókna í bleikjueldi!
Á Hólum er Hrossakynbótabú ríkisins!
Á Hólum er gott hesthús og reiðkennsluhús!
Á Hólum hafa nemendur aðgang að vel búnu tölvuveri!
Inntökuskilyrði:
Viðkomandi þarf að haf lokið 65 einingum úr framhaldsskóla, eins árs
starfsreynsla og vera a.m.k. 18 ára. Eða vera a.m.k. 25 ára með mikla
starfsreynslu.
Námstími er 1 ár.
Umsóknarfrestur er til 10. júní.
Möguleiki er á að Ijúka stúdentsprófi við skólann!
Námið er lánshæft samkvæmt reglum LÍN!
Nám á hrossaræktarbraut veitir rétt til inngöngu í
Félag tamningamanna.
Hólaskóli, Hólum í Hjaltadal
551 Sauðárkrókur
Sími: 95-35962 Bréfsími: 95-36672
340 FREYR - 9'94