Freyr - 01.01.1999, Blaðsíða 40

merki um vistvæna íslenska
Iandbúnaðarafurð (einn ár-
gangur í senn).
1.1. Skýrsluhaid.
Gæðaskýrsluhald BÍ, sem kynnt
er á öðrum stað í blaðinu, tekur
við af núverandi kerfi um næstu
áramót. Stærsta breytingin er sú
að ræktendum verður mismunað
eftir nákvæmni og áreiðanleika í
skráningu og merkingu gripanna.
Nafnskírteini (alþjóðleg skírteini
sem fylgja hrossinu alla ævi)
verða gefín út fyrir skýrslufærð
hross og leysa smám saman af
hólmi upprunavottorðin. A-
skírteini eru fyrir gripi þar sem
meiri kröfur eru gerðar um
áreiðanleika skráningar og ein-
staklingsmerkingar en B-skírteini
þar sem ströngustu reglum er ekki
fylgt. Hægt er að vinna B-hross
upp í A-flokk með sönnun á
ætterni skv. DNA blóðgreiningu.
Ræktendur eða hrossaræktarbú
geta ekki óskað eftir opinberri
gæðavottun skv. framangreindri
reglugerð (skýrsluhald-heilbrigðis-
eftirlit-landnýting) nema folöld
búsins fædd næsta ár á undan haft
hlotið A-skírteini.
BÍ hefur umsjón með skýrslu-
haldinu og útgáfu nafnskirteina en
búnaðarsambönd/hrossaræktar-
samtök halda utan um söfnun og
yfirferð skýrslna innan héraðanna.
Eindregið verður unnið að því að
þátttaka i skýrsluhaldinu verði
ræktendum að kostnaðarlausu. Til
að það takist þarf að fá aukið
framlag frá ríkisvaldinu til
skýrsluhaldsins.
1.2. Landnýting.
Til að hljóta vottun skv. framan-
greindri reglugerð þarf að sýna
fram á að búfjárbeit rýri ekki
landgæði né hamli eðlilegri fram-
vindu gróðurs. Við beitarþolsmat
og aðgerðir til úrbóta þar sem
þeirra er þörf skal taka mið af
ástandsflokkun lands skv. núver-
andi flokkunarkerfi Landgræðslu
íslands (Rit frá 1997. Hrossa-
hagar. Aðferð til að meta ástand
lands).
Beitarþolsmatið fer fram að
hausti og er í umsjón viðkomandi
búnaðarsambands en framkvæmt
af sérfræðingi Landgræðslunnar
eða héraðsráðunaut sem Land-
græðslan telur hafa fullnægjandi
þekkingu og reynslu af slíku
beitarþolsmati.
Matið tekur til ræktaðs lands,
úthaga, afréttar og geymsluhólfa
(sveltihólf/gerði).
Vottunarkröfur eru eftirfarandi:
1. Að ræktandinn/búið leggi fram
kort eða önnur fullnægjandi gögn
er sýni stærð beitilands.
2. Að ekkert beitiland sé í
ástandsflokkum 4 og 5. Smærri
geymsluhólf geta þó verið
undanskilin ef þau standast kröfur í
lið 4.
3. Að úthagi sem fer í
ástandsflokk 3 sé ekki nýttur til
beitar þegar matið fer fram.
Óheimilt er að votta landnýtingu ef
úthagi ræktandans/búsins flokkast
tvö ár í röð að einhverju eða öllu
leyti í ástandsflokk 3.
4. Að geymsluhólf (sveltihólf)
skulu staðsett á sléttlendi sem
auðvelt er að bera á og bæta verði á
því skemmdir. Þau skulu ekki
staðsett i halla eða á rofsæknu
landi.
5. Að afréttir sem viðkomandi
ræktandi/bú nýtir til beitar séu
hæfir til hrossabeitar að mati
Landgræðslu ríkisins og Rann-
sóknastofnunar landbúnaðarins.
Ræktandinn greiðir fyrir þennan
þátt við vottunina skv. samræmdri
gjaldskrá.
1.3. Heilbrigðiseftirlit.
Vottun á heilbrigðisþættinum
miðast við að fóðurástand og
almennt heilbrigði hrossanna sé
með ágætum. Eftirlitið byggir á
skoðun hvers grips með tilliti til
holdafars og heilbrigði. A.m.k.
ein fullnægjandi ormahreinsun
fari fram árlega og hófar snyrtir
eftir þörfum. Allir gripir
viðkomandi ræktanda/bús þurfa
að standast skoðunina nema í
algjörum undantekningatilfellum
(lítið brot af hrossum búsins) ef
viðhlýtandi skýringar eru fyrir
hendi, s.s. tilfallandi veikindi eða
meiðsli.
Heilbrigðiseftirlitið fer fram
tvisvar á ári, vor og haust.
Haustkoðun er aðalskoðun en vor-
skoðun en hugsuð sem hjarðskoðun
til staðfestingar á góðu heilbrigðis-
ástandi. Eftirlitið er í umsjón við-
komandi búnaðarsambands en
dýralæknir sér um framkvæmd
eftirlitsins.
Ræktandinn greiðir kostnað við
þennan þátt við vottunina.
LEIÐRÉTTING
Þau mistök urðu í 14.
tölublaði Freys 1998 að rangur
maður var skráður fyrir ljós-
mynd á forsíðu ritsins. í
blaðinu var sagt að Sigurður
Jarlsson hefði tekið myndina af
Fiðlu en hið rétta er að
myndina tók Guðlaugur
Antonsson. Hlutaðeigandi eru
beðnir velvirðingar á þessum
mistökum.
36- FREYR 1/99