Freyr - 01.01.1999, Qupperneq 46

íslandi hafa verið flutt til Dan-
merkur um langan aldur, aðallega
sem brúkunarhross, en brúðargjöfm
1967 vakti áhuga margra Dana á
íslenskum hestum. Hestamót og
kynbótadómar eru að íslenskri
fyrirmynd og oft eru fengnir
dómarar fá íslandi. Áhersla er lögð
á öryggi útflutningsvottorða og
mættu kynbótadómar líka fylgja
nteð. Uppruna-vottorð fylgja ekki
alltaf með útflutningshrossum og er
það óþolandi og verður að lagfæra.
Ef öruggar upplýsingar um ættemi
liggja ekki fyrir skal aðeins votta að
um hreinræktað íslenskt hross sé að
ræða.
Á síðari ámm hefur ræktunin í
Danmörku aukist mikið og eru
Danir að verða sjálfum sér nógir á
þvi sviði. Innflutningur hefur verið
nokkuð stöðugur síðastliðin 10 ár,
um 200 hross á ári. Aukinn ferða-
mannastraumur til Islands virðist
auka eftirspumina. Ótti við sumar-
exem er mikill og spatt er nokkurt
vandamál. Eigendur íslenskra
hrossa í Danmörku eru ólíkir inn-
byrðis og aldursdreifíng mikil. Frí-
stundir fólks yfir miðjum aldri
verða stöðugt fleiri og íslenski
hesturinn hefur verið aðlaðandi
kostur þessa hóps. Þörfín fyrir
þæga, geðgóða, hæfilega viljuga og
þýða reiðhesta verður því alltaf
fyrir hendi. Almennt verð á
tömdum íslenskum hesti í Dan-
mörku er í kringum kr. 275 þúsund
og erfitt að fá hærra verð en kr. 400
þúsund.
Þýskaland
Fulltrúi Þýskalands var Bmno
Podlech, sem er einn umsvifamesti
hrossaræktandi í Þýskalandi og
hefur verið leiðandi í markaðs-
setningu íslenska hestsins víðs-
vegar um heim. Fjöldi íslenskra
hrossa í Þýskalandi er um 50
þúsund. í íslandshestamannafélög-
unum em um 16 þúsund félags-
menn og hefur árlega fjölgað um
7% á undanfömum ámm. Með
stöðugt auknu framboði þýsk-
fæddra hrossa af íslenskum upp-
mna taldi framsögumaður að inn-
flutningur til landsins myndi
dragast saman í framtíðinni en þó
ekki að marki fyrr en framboð ykist
í Þýskalandi á tömdum fullorðnum
hrossum. Ávallt mun verða
markaður fyrir kynbótahross, góð
keppnishross og vel tamda 8-10
vetra töltara. Mjög mikilvægt er að
ræktendur heima á íslandi geri sér
glögga grein fyrir því hvers konar
hross þýski markaðurinn sækist
eftir og hagi tamningu og þjálfun í
samræmi við þær óskir.
Fyrir 30 ámm vom mun fleiri
sem vildu ríða hratt og skemmta
sér. Vegna geðslags og þægilegra
gangtegunda á íslenski hesturinn
góðan hug hjá fólki sem er hrætt,
fer mjög varlega og er stíft og af
þessu fólki eru mun fleiri ein-
staklingar til heldur en af lipru og
lagtæku fólki. Sífelldur skortur er á
velmenntuðum, áhugasömum
kennumm og þjálfumm sem eiga
létt með að kenna byrjendum en
huga ekki eingöngu að keppnis-
þjálfun. Þama gætu hagsmuna-
samtök hrossaræktenda á Islandi
unnið stórvirki. Einnig að þjálfa
sem fjölbreyttastar gerðir hrossa til
þess að uppfylla sem flestar óskir
kaupenda. í ræktuninni er mikil-
vægt að varðveita gamla hesta-
stofna. Sumarexem er vandamál og
seljendur sitja oft uppi með exem-
hross. Spatt er stöðugt vandamál
en ekki afgerandi. Verð hrossa er
sem hér segir, hestar fyrir byrj-
endur, ca. 10 %, kr. 150-280 þús.,
útreiðarhestar, 50 %, kr. 280-480
þús., eðlisgóðir töltarar, 25 %, kr.
400-600 þús., kynbótahross og góð
keppnishross, 15 %, kr. 600 þús.
og þar yfír.
Fyrir hönd útflytjenda flutti
Axel Ómarsson fróðlegt erindi um
útflutning hrossa á undanfömum
árum og lýsti markaðsátaki og
sölu á hrossum til Norður-
Ameríku sem hann stendur að
ásamt fleirum.
Að lokum fræddi Sigríður
Björnsdóttir, dýralæknir hrossa-
sjúkdóma, um rannsóknir á spatt og
sumarexemi sem hún er i forsvari
fyrir. Lagði hún áherslu á að
samræmt átak yrði gert um að auka
sumarexemsrannsóknimar því að
þar væri um stórt vandamál að ræða
sem ráða þyrfti bug á.
Samandregið yfirlit
Með þær upplýsingar í huga sem
komu fram á ráðstefnunni skal hér
bent á eftirtalda þætti til um-
hugsunar.
I Þýskalandi, Danmörku og
Svíþjóð er mikil eigin ræktun en
útflutningur til þessara landa mun
þó haldast en i minna mæli en áður.
Möguleikar á auknum mörkuðum
í Bretlandi og sérstaklega i
Bandaríkjunum em í uppsiglingu ef
rétt er á haldið.
Nauðsyn er á aðstoð héðan að
heiman sérstaklega varðandi reið-
kennslu og umgengni við hrossin.
Auka þarf kynningar, auglýs-
ingar og sýningar í samvinnu við
heimamenn sem em áhuga-samir
og staðkunnugir.
Nýta þarf intemetið í markaðs-
starfinu og til að efla samskipti
milli hestamanna um allan heim.
Leggja verði meiri áherslu á
ljölskyldu- og frístundahross og
stefna að því að þau séu gangföst,
gæf, hæfilega viljug og síðast en
ekki síst ömgg.
Leggja aukna áherslu á menntun
reiðkennara.
Fylgja sölu eftir með áfram-
haldandi tengslum við kaupendur.
Auka rannsóknir á sumarexemi.
42- FREYR 1/99