Freyr - 01.03.2002, Side 36

Framan af árum beindust jarðræktartilraunir mjög að því að finna heppileg-
ustu grastegundir og stofna til túnræktar. Hér hafa verið valdar til að kynna
á mynd þrjár tegundir; háliðagras, snarrótarpuntur og axhnoðapuntur.
heimsótt eins mikið og vænta
mátti, en það er nú að aukast.
Sveitafólkið ætti að gefa sér tíma
til að skreppa þangað þegar það
kemur til Reykjavíkur um sumar-
tímann, einkum þegar alt er í
blóma; ómakið er ekki svo mikið,
10-15 mínútna gangur úr miðjum
bænum. Undanfarandi skýrslur
bera það með sér hvað þar er
helzt að sjá. Mestmegnis eru það
nytjaplöntur sem þar eru ræktað-
ar, ýmiskonar matjurtir og fóður-
jurtir. Lítið er þar um skrautjurtir,
þó hefir ekki þótt hlýða að sneiða
algjörlega hjá þeim, bæði vegna
garðyrkjunemenda, sem þar eru á
vorin, og eins vegna þeirra sem
koma að sjá. Ofurlítið er þar af
ýmsum trjátegundum og blóm-
jurtum og þó það sé lítið, þá er
það samt segin saga að þangað
fara gestirnir fyrst, gefa síður
gaum að fóðurjurtunum eða mat-
jurtunum“.
Gróðrarstöð á Eiðum
Verður nú vikið að öðrum
„gróðrarstöðvum” sem komið var
á fót á þessum sörnu árum. Bún-
aðarsamband Austurlands, sem
stofnað var árið 1903, lagði
grunn að stofnun Gróðrarstöðvar-
innar á Eiðum árið 1905 og naut
hún styrks bæði úr Landssjóði og
frá Búnaðarfélagi Islands. Um þá
stöð sá fyrst Benedikt Kristjáns-
son, þá ráðunautur og skólastjóri
á Eiðum, og síðan Metúsalem
Stefánsson, einnig skólastjóri og
ráðunautur og síðar ráðunautur
Búnaðarfélags Islands og um-
sjónarmaður jarðræktartilrauna í
Gróðrarstöðinni Reykjavík. Til-
raunir á Eiðum voru á sömu svið-
um og á hinum stöðvunum, sem
þá voru starfræktar hér í Reykja-
vík og á Akureyri. Tilraunir voru
gerðar á Eiðum til ársins 1917jæn
lágu þá niðri til 1921 og að
mestu til 1927 að þær voru aftur
efldar og stóðu til 1942 að stöðin
var alveg lögð niður.
Ræktunarfélag Norðurlands
Félagið var stofnað á Hólum í
Hjaltadal síðvetrar (26. mars)
1903 á bændanámskeiði sem þar
var haldið. Framhaldsstofnfundur
var svo haldinn á Akureyri 11.
júní sama ár. Stofnendur félags-
ins á Hólum voru 46, en mjög ört
fjölgaði í félaginu og félagar
voru orðnir 659 áður en árinu
lauk. Námskeiðið á Hólum,
14.-30. mars með 32 bændum,
var fyrsta bændanámskeiðið
haldið á Islandi og á fyrsta ári
Sigurðar Sigurðssonar sem skóla-
stjóra. Sigurður fékk hugmyndina
að stofnun félagsins meðan á
námskeiðinu stóð og hrinti henni
þegar í framkvæmd.
A Akureyri átt Sigurður hauk í
homi þar sem var Páll Briem
amtmaður og var hann kjörinn
fyrsti formaður Ræktunarfélags-
ins. Sigurður var hins vegar
framkvæmdastjóri þess fyrstu
árin.

Ein af fyrstu sláttuvélunum, sem kom til landsins, var reynd á Gróðrarstöð-
inni á Akureyri um 1905.
| 36 - Freyr 2/2002