Freyr - 01.01.2002, Blaðsíða 59

Hestamenn árslns 2001
Fólk sem tilnefnt var til ræktunarverðlauna 2001, (Ræktunarmaður ársins).
(Ljósm. Hulda Geirsdóttir).
Uppskeruhátíð hestamanna
var haldin með pompi og
prakt á Hótel Islandi í nóvem-
ber sl. Þar voru útnefndir rækt-
unarmenn ársins, sem er heið-
ursviðurkenning Bændasam-
taka Islands, og einnig knapar
ársins sem hestafréttamenn
velja. Að þessu sinni var út-
nefning ræktunarmannsins
nokkru glæsilegri en áður en á
ráðstefnunni „Hrossarækt
2001“, sem haldin var fyrr sama
dag og uppskeruhátíðin, var
tilkynnt hverjir væru tilnefndir
og þeim veittar viðurkenningar.
Valið fer þannig fram að á
grunni kynbótadóma og sýninga
ársins tilnefnir fagráð í
hrossarækt þá hrossaræktendur
sem þótt hafa skara fram úr á
árinu. Að þessu sinni voru eftir-
taldir ræktunarmenn tilnefndir
(búin eru í stafrófsröð):
Guðlaugur Arason og Snjólaug
Baldvinsdóttir, Efri-Rauðalæk,
Glæsibæjarhreppi.
Brynjar Vilmundarson, Feti,
Holta- og Landsveit.
Páll Bjarki og Eyrún Anna,
Flugumýri II, Akrahreppi.
Skapti og Hildur, Hafsteins-
stöðum, Staðarhreppi.
Einar Öder og Svanhvít Hala-
koti, Hraungerðishreppi.
Jónas Jónsson og fjölskylda,
Kálfholti, Ásahreppi.
Indriði Ólafsson og fjölskylda,
Þúfu, V-Landeyjum.
Það voru síðan þau Páll Bjarki
og Eyrún Anna, hrossræktendur á
Flugumýri II í Akrahreppi Skaga-
firði, sem hlutu viðurkenninguna
fyrir glæsilegan hóp kynbóta-
hrossa sem fram kom á árinu.
Nýjung var að þessu sinni að
knapar ársins voru alls fimm
talsins þ.e.a.s. á hinum ýmsu
sviðum reiðmennskunnar.
Sigurður Sigurðarson var valinn
gæðingaknapi ársins, Þórður
Þorgeirsson kynbótaknapi ársins,
Logi Laxdal knapi kapp-
reiða,Vignir Jónasson var valinn
íþróttaknapi ársins og bjartasta
vonin í röðum knapa var kjörin
Berglind Rósa Guðmundsdóttir.
Loks var síðan Vignir Jónasson
kjörinn knapi ársins en þar bar
áreiðanlega hæst gríðarlega
góður árangur hans á Heimsleik-
um í Austurríki. A.S.
Freyr 1/2002-55 I