Litli Bergþór - 01.12.1998, Side 26

Húsráðendur í Eðalbúrinu.
settum niður 400 aspir í sumar, og höldum áfram næsta
sumar. Fólki líkar vel við þessi skjólgóðu tjaldstæði hér í
Laugarási og finnst þetta því ansi bert hjá okkur ennþá.
En það horfir til bóta. Núna, síðast liðið sumar, var fólk
sem kom aftur og aftur og tjaldaði hjá okkur, þó það væri
hundfúlt þegar það kom í fyrsta sinn, að fá ekki pláss á
gömlu tjaldstæðunum. I framtíðinni ætlum við líka að
hafa mikið af leiktækjum og gera svæðið aðlaðandi fyrir
fjölskyldufólk.
L-B: Liturinn á húsinu?
Snæbjörn: Já, blái liturinn. Hann var búinn að
þróast í marga mánuði. Við höfðum reynt marga liti og
allir voru þeir eins og skrattinn úr sauðaleggnum. En
sjáðu, - segir Snæbjörn og sýnir blaðamanni mynd af
húsinu og yfir því hvolfist heiðblár himinn. - Þess vegna
völdum við bláa litinn. Húsið þarf að falla að
umhverfinu, bláum himni, bláum fjöllum og blárri á. Og
blár litur var það eina, sem kom til greina. Við völdum
síðan fallega bláa liti hvort í sínu lagi, og þegar við
bárum saman bækur okkar reyndist það vera sami
liturinn!
Þetta var óhemju magn af málningu, svo ég bað vin
minn, sem líka var að kaupa málningu fyrir sig, að flytja
hana. Þegar hann kom með farminn reyndust vera of
margar dollur af okkar lit. Og þegar betur var að gáð
kom í ljós, að hann hafði verið að kaupa bláa málningu
fyrir sig og hafði þá keypt nákvæmlega sama bláa litinn
og við!
L-B: Þetta hlýturþá að vera rétti liturinn!
Snæbjörn: Annars eru ekki allir jafn hrifnir af bláa
litnum. Kunningi minn einn var einhvern tíman að setja
út á litinn og sagði hann vera íhaldsbláan. Eg þóttist þá
vita að hann væri ekki sjálfstæðismaður og gat ekki setið
á mér að stríða honum svolítið. Sagði honum að þeir
Þorsteinn og Ami hefðu gefið mér litinn og svo ætli ég
að leigja gaflinn á húsinu undir auglýsingar. Til dæmis
núna fyrir kosningarnar myndi X-D taka sig vel út á
bláum fletinum!
En svona gamanlaust, þá á að koma listaverk á
gaflinn. Katrín Jónsdóttir frá Svínavatni er að undirbúa
að mála mynd á hann.
Þetta listaverk hér, (segir Snæbjörn og bendir á stórt
hringlaga listaverk úr málmi, sem hangir á veggnum bak
við skenkinn í matsalnum,) á hinsvegar að koma á
framhliðina á húsinu að vestanverðu.
L-B: Hvað með nafnið á húsinu?
Hlíf: Við gáfum staðnum nafnið Iðufell, og gerðum
það strax, til að loka fyrir sláturhúsnafnið. Það kostaði
reyndar nokkur heilabrot líka, en okkur fannst nafnið
passa vel við staðinn, hér við Iðubrúna og Vörðufellið.
Snæbjörn: Fyrirtækið heitir hins vegar 1997 og það
rekur fiskvinnsluna Eðalbúrið og ferðaþjónustuna Iðufell.
Allt á sömu kennitölu. 1997/Iðufell/Eðalbúrið stendur
semsagt á bréfsefninu!
L-B: Tekst ykkur að nýta allt þetta húsnæði.
Snæbjörn: Já, já, það verður ekki vandamálið. En
það er auðvitað mikil vinna eftir við endurbætur á
Litli - Bergþór 26 ---------------------------
húsinu. Við erum enn að bera drasl út úr því. Ég er ekki
fyrr búinn að hreinsa til í kringum húsið en það eru
komnir nýjir ruslahaugar. I vetur nýtum við t. d. réttina
og kjallarann undir um 35 húsbfla og tjaldvagna, sem
fólk fær að geyma hjá okkur gegn vægu gjaldi. Þetta eru
samtals um 1000 m2 og verður væntanlega áfram notað
sem geymsla á veturna. Mikið af þessum vögnum
tengjast reyndar fjölskyldum okkar.
Ég flutti fiskvinnsluna hingað austur strax eftir að við
keyptum og var að taka hana í notkun núna í haust, í
október.
L-B: Segðu mér nánarfrá fiskvinnslunni.
Snæbjörn: Ég rak fiskverkunina Eðalbúrið í
Reykjavík, en seldi húsnæðið þegar við keyptum þetta
hér. Ég fékk hinsvegar ekki nógu gott verð fyrir
vélamar, svo ég flutti þær hingað austur. Hér var ágætis
húsnæði fyrir fiskverkun og gott að hafa
atvinnumöguleika hér heima á vetuma, meðan
ferðaþjónustan er að vinna sig upp. Markaðssvið okkar
eru mötuneyti, t.d. skólamötuneyti hér í uppsveitum og
víðar. Við vinnum fiskinn eftir pöntun kokksins á
hverjum stað, flökum, roðrífum, beinhreinsum, skeram í
bita og jafnvel röspum. Einnig útbúum við fiskibollur.
Aðallega er þetta ýsa og annar matfiskur.
Þegar ferðaþjónustan er komin í gang og orðið meira
að gera við hana, - vonandi strax eftir 2 ár, - reiknum við
síðan með að hætta fiskverkuninni.
L-B: Hvernig er svo farið að því að fjármagna svona
dæmi?
Snæbjörn: Nú, við seldum auðvitað allar eignir sem
við áttum, fiskverkun og íbúð og svo voru tekin lán. Ætli
það séu ekki komnar um 30 miljónir í þetta.
Hlíf: Já, við lögðum allt okkar í þetta. Ogsvoer
þetta auðvitað óhemju mikil vinna. Aðallega vinna.
Svona fyrirtæki er ekki nema fyrir fólk, sem er tilbúið til
að vinna, hefur mikla þolinmæði og hæfilegan skammt af
brjálsemi. Það þarf að vera góð blanda af þessu þrennu!
En við erum bjartsýn og höfum engar áhyggjur af því
að þetta gangi ekki.
Snæbjörn: Já, við erum alveg sannfærð um að við
erum rétta fólkið á réttum stað á réttum tíma.
Með þessum orðum kveðjum við þetta bjartsýna
athafnafólk og óskum þeim velfamaðar íþessu mikla
uppbyggingarstaifi þeirra hér í Laugarási
G.S.