Litli Bergþór - 01.11.2002, Blaðsíða 5
Hvað segirðu til?
Að þessu sinni verður greint frá helstu tíðindum
úr sveitinni frá aprfl til október.
Tíðarfar á liðnu sumri verður að teljast gott, einkum
með tilliti til vaxtarskilyrða gróðurs. Alltaf hefur verið
fremur hlýtt, vorið kom snemma, magir verulega hlýir
dagar í sumar og alveg fram í miðjan október. Nætur
frost var vart merkjanlegt fyrr en upp úr miðjum október.
Trjágróður hefur því vaxið mikið, og þykir ýmsum hann
vera farinn að byrgja óþægilega útsýn á nokkrum stöðum.
Öll útiræktun hefur verið auðveld og grasvöxtur bæði á
ræktuðu og óræktuðu landi með mesta móti.
Sumir bændur byrjuðu heyskap upp úr miðjum júní
og var góð tíð til heyöflunar fram í miðjan júlí. Eftir það
var fremur skúrasamt og verulega vætusamt stundum
einkum er leið að hausti en svo hlýtt að aðeins gránaði í
bili af snjó á toppum hæstu fjalla þó úrkoma væri af
ýmsum áttum.
Þar sem sveitarstjórnir í Biskupstungum, Laugardal
og Þingvallasveit ákváðu í vetur að sameina þessa þrjá
hreppa í einn var kosið í eina hreppsnefnd fyrir þá alla
25. maí. Fram komu tveir framboðslistar; T-listi undir
forustu Drífu Kristjánsdóttur á Torfastöðum og Þ-listi
sem Sveinn A. Sæland á Espiflöt leiddi. Fyrir kosningar-
nar kynntu listamir frambjóðendur og stefnumál sín á
fundum og með útgáfu bæklinga. Urslit kosninganna
urðu á þann veg að Þ-listinn fékk 337 atkvæði eða 69,1
% og 5 menn kjörna en T-listinn 151 atkvæði eða 30,9 %
og 2 kjöma. Um leið og kosið var í hreppsnefnd gafst
fólki tækifæri til að láta í Ijós álit sitt á hvert af þremur
tilteknum nöfnum nýja sveitarfélagið skyldi hljóta. í ljós
kom að 247 völdu nafnið Bláskógabyggð, Skálholtsbyggð
105, Gullfossbyggð 49 og Þingvallabyggð 49.
Þjóðhátíð var í stórum dráttum á þann veg að fyrst
var messa í Torfastaðakirkju, síðan hópreið á
mótorhjólum í Reykholt, en þar var samkoma í íþrótta-
miðstöðinni þar sem stúlka í gervi fjallkonu flutti ljóð,
Siv Friðleifsdóttir, umhverfisráðherra, hélt hátíðarræðu og
töframaður lék listir sínar. Veitingar voru í Aratungu.
Grenjaleitarmenn lágu við 5 greni í vor, 3 í byggð,
eitt í Eyðihlíð á Tunguheiði og eitt var svonefnt Hrefnu-
búðargreni syðst í Kjalhrauni. Þeir unnu 7 fullorðin dýr
og 20 yrðlinga. Auk þess náðu þeir 3 yrðlingum í
Uthlíðarhrauni í ágúst.
Margir ferðamenn lögðu leið sína um sveitina í
sumar, flestir stóðu að vanda stutt við en aðrir dvöldu um
tíma á tjaldstæðum og öðrum gististöðum, sem nú eru all-
margir nr. a. hafa tvö ný gistiheimili í norðanverðu
Reykholtshverfi leyst af hólmi það sem áður var í
Reykholtsskóla.
Skálholtshátíð var nreð hefðbundnunr hætti á
Þorláksmessu á sumri með ræðuhöldum, fyrirlestrum og
tónlist. Sumartónleikar voru að vanda í Skálholti um
helgar á miðju sumri. Hafist var handa í sumar við að
grafa upp mannvistarleifar frá fyrri öldum í Skálholti. í
Skálholti er risið sumarhús starfsmanna Kirkjugarða
Þarft þú að fara í apótek?
Útibú okkar í
IAUGARÁSI
er opið alla virka daga kl. 9 -17.
Verið velkomin.
ÁRNES OAFÖIEK
Útibú Laugarási, sími 486 8655
Litli Bergþór 5