Litli Bergþór - 01.12.2005, Blaðsíða 7
Að tengja saman heimsálfur
Japansferð Kammerkórs Biskupstungna 11.-23. júlí 2005
Aðdragandi
I júlí 2005 hélt 15 manna hópur úr Biskups-
tungum af stað í sannkallaða ævintýraferð til
Japan. Aðdragandi ferðarinnar var þátttaka Bama-
og kammerkórs Biskupstungna í Listahátíð 2005 og
samstarf við Stomu Yamash’ta, heimsfrægan
ásláttarleikara frá Japan. Samstarfið við Stomu
kom til vegna vinskapar hans og Ragnhildar
Gísladóttur, og ekki spillti fyrir að þeir Hilmar Öm,
organisti, og Ragnar Sær, sveitarstjóri, höfðu hitt
Stomu í námsferð sinni til Japan árið áður. Þeir
höfðu líka kynnst Ayumi sem gerðist leiðsögukona
okkar meðan á Japansferðinni stóð.
Tónverkið Bergmál, eftir Ragnhildi Gísladóttur
við texta eftir Sjón, var stærsta verkefni Lista-
hátíðar og var það frumflutt í Skálholti. í verkinu
spilaði Stomu Yamash’ta á hljóðfæri búið til úr
ævafomum japönskum steinum en Bama- og
kammerkór Biskupstungna og Skólakór Kársness
sungu, Sigtryggur Baldursson, slagverksleikari, og
Ragnhildur sjálf tóku einnig þátt í flutningi ásamt
kórstjórunum Hilmari Emi Agnarssyni, sem einnig
spilaði á orgel, og Þórunni Bjömsdóttur.
Verkið er sett upp sem samtal bams og steins,
sem eru miklar andstæður. Annars vegar bömin ung
og lifandi og hins vegar grjótið sem spilað er á
þriggja milljón ára gamalt og kyrrt. Viðfangsefnið
er bamið og eilífðin.
Bergmálið fékk svo góðar viðtökur að listamönn-
unum var boðið að fara með það á heimssýninguna
Expo 2005 í Japan fyrir íslands hönd.
I móttökuforsœtisráðherra. Efri röðfrá vinstri: Ayumi Ikushima,
leiðsögukona, Jóna Sigríður Guðmundsdóttir á Vatnsleysu,
Guðrún Gígja Jónsdóttir á Lambaflöt, Eyrún Sif Kragh í Reyk-
holti, Dýrfinna Guðmundsdóttir á Iðu, Guðrún Linda
Sveinsdóttir á Þöll, Hjörtur Freyr Sœland í Varmagerði, María
Sól Ingólfsdóttir á Engi, Mio Yamash 'ta, eiginkona Stomu. Neðri
röð frá vinstri: Harpa Gunnarsdóttir á Tjörn, Katrín
Ragnarsdóttir í Reykholti, Selma Olafsdóttir í Víðigerði,
Alexandra Guttormsdóttir í Skálholti, Sigrún Kjartansdóttir í
Reykholti. Fremst: Þorgerður Katrín Gunnarsdóttir, mennta-
málaráðherra, og Stomu Yamash 'ta.
Langt ferðalag
Það var eftirvænting í loftinu þegar krakkarnir
kvöddu foreldra sína, hálfsyfjuð, fyrir utan Ara-
tungu um miðja nótt til að leggja upp í sitt lengsta
flugferðalag til þessa. Flogið var frá íslandi til
Kaupmannahafnar og þaðan til Tokyo. Ekki var þá
allt búið því við tók lestarferð til Chiryu. Það var
margt til gamans gert í fluginu til Tokyo, sem tók
um 13 klst., og lítið sofið, en í lestinni duttu allir
útaf. Krakkarnir stóðu sig eins og hetjur á þessu
langa ferðalagi, sem var aðeins byrjunin á löngu og
farsælu ævintýri.
Það er gaman að segja litla sögu af lestarstöðinni
í Tokyo, sem er aðeins sýnishom af þeirri gestrisni
og hjálpsemi sem hópurinn mætti alls staðar í
Japan. Meðan verið var að kaupa miða í lestina
tóku krakkarnir lagið. Þá vatt sér að þeim maður
sem hafði unnið hjá stórfyrirtæki sem hafði við-
skipti við Island. Maðurinn varð svo hugfanginn af
að hitta krakkana og heyra sönginn að hann klökn-
aði. Hann leiddi okkur síðan í gegnum flókna
lestarstöðina og færði krökkunum gjafir að skilnaði.
Þegar hann kvaddi okkur sagði hann að jákvæð
samskipti og vinátta milli manna stuðlaði að friði í
heiminum og væri mun líklegra til árangurs en
nokkur pólitfk.
Chiryu
Afangastaður okkar var Menningarhúsið í
Chiryu borg, þar sem við bjuggum fyrstu 6 dagana.
Við fengum eitt herbergi, eins konar skólastofu fyrir
okkur í menningarhúsinu og sváfum þar öll saman á
gólfinu að japönskum sið. Á gólfinu voru strámott-
ur og ofan á þær voru lagðar japanskar „Futon“
dýnur.
Fyrsti dagurinn okkar í Japan var aðallega
ætlaður til hvíldar eftir stranga ferð og til að átta sig
á tímamuninum sem er 9 klst.
Skólinn
Daginn eftir var búið að skipuleggja fyrir okkur
heimsókn í skóla, það var spennandi. Strax um
morguninn kom ný japönsk vinkona okkar og fylgdi
okkur í morgunmat á kaffihús í grenndinni. Islenski
hópurinn vakti mikla athygli og við vorum kynnt
fyrir öðrum gestum með virktum og krakkarnir tóku
lagið. Okkur fannst morgunverðurinn furðulegur,
en það var aðeins byrjunin, við áttum eftir að
smakka ýmislegt skrítið í Japan.
Það er erfitt að lýsa með orðum stemmningunni
þegar íslenski hópurinn gekk í gegnum
hátíðarsalinn í skólanum fullum af japönskum
nemendum í hvítum skólabúningum sem sátu á
gólfinu í beinum röðum, Lúðrasveit nemenda spil-
aði mars meðan við gengum í gegn og upp á svið.
Þegar laginu lauk mátti heyra saumnál detta í saln-
7 Litli Bergþór