Litli Bergþór - 01.12.2005, Blaðsíða 20

Hrepp snefndarfréttir
Úr fundargerðum sveitarstjómar og byggðaráðs Bláskógabyggðar
43. fundur byggðaráðs 3. maí 2005.
(Féll niður í síðasta blaði)
Mætt vom: Margeir Ingólfsson, Sigurlaug
Angantýsdóttir og Drífa Kristjánsdótir auk Ragnars S.
Ragnarssonar sem ritaði fundargerð.
Bréf frá félagsmálaráðuneytinu dags. 22. apríl 2005
varðandi framlög úr Jöfnunarsjóði. Úthlutað er til stofn-
framlaga kr. 38.504.000 sem skiptist þannig, vegna
viðbyggingar við grunnskóla í Reykholti kr. 11.804.000
og vegna leikskóla á Laugarvatni kr. 26.700.000.
Hagavatn. Á fundi byggðaráðs 26. október 2004 var
samþykkt að leita til fjárlaganefndar Alþingis um framlag
til umhverfismats við Hagavatn. Þar sem framlagið
fékkst ekki þá leggur byggðaráð til að oddvita verði falið
að leita til einstaklinga, fyrirtækja og félagasamtaka um
framlög til verkefnisins.
Á fundi byggðaráðs 12. apríl 2005 var umsjónar-
manni fasteigna falið að gera kostnaðaráætlun vegna
gangbrautar á milli Kistuholts og Aratungu. Fyrir liggur
að í framhaldi af framkvæmdum á lóð grunnskólans
verður umhverfi Aratungu endurskipulagt og fellur
göngustígurinn inní þá endurskoðun.
44. fundur byggðaráðs 7. júní 2005.
Mætt vom Margeir Ingólfsson formaður byggðaráðs
sem ritaði fundargerð, Snæbjöm Sigurðsson og Drífa
Kristjánsdóttir.
Vegagerð, safnvegir. Tillaga T-listans sem
sveitarstjórn vísaði til byggðaráðs á fundi sínum 24. maí
2005. Byggðaráð bendir á að í tengslum við byggingu
hótels í Brattholti var heimreiðin að hótelinu byggð upp
og hún klædd bundnu slitlagi. Byggðaráð leggur áherslu
á að það sem eftir er af heimreiðinni verði sett á safn-
vegaáætlun þannig að sem fyrst verði hægt að laga þá
heimreið sem og aðrar sem eru á safnvegaáætlun. Hvað
bílastæðin við Gullfoss varðar þá var lagt fyrir skipu-
lagsnefnd sveitarfélagsins nýtt deiliskipulag af svæðinu
17. mars sl. og er það nú til umsagnar hjá
hagsmunaaðilum. Fyrr en skipulagsmálin eru komin í
höfn er ekki hægt að beita sér fyrir framkvæmdum á
svæðinu.
Bréf frá Gísla Þór Brynjarssyni og Samúel Birki
Egilssyni, dags. 18. maí 2005, þar sem þeir óska eftir
styrk vegna Noregsfarar. Markmið ferðarinnar er að æfa
og sýna glímu við ýmis tækifæri í Noregi. Byggðaráð
leggur til að þeir verði styrktir til fararinnar um kr.
15.000 hvor.
Bréf frá Kára Jónssyni form. UMFL, dags. 17. maí
2005, þar sem óskað er eftir kr. 100.000 í styrk vegna
sumarblaðs Laugdælings. Byggðaráð leggur til að UMFL
verði veittur umbeðin styrkur og sveitarfélagið noti tæki-
færið og kynni sig og sína starfsemi.
Bréf frá Erni Erlendssyni, dags. 19. maí 2005 þar
sem hann óskar eftir því að gefa landspildu sinni, sem er
úr landi Dalsmynnis, nafnið Lindatunga. Byggðaráð
leggur til að ekki verði gerð athugasemd við þessa nafn-
gift og finnst nafnið vel við hæfi.
Bréf frá Umhverfisstofnun, dags. 18. maí 2005, þar
sem fram kemur viðmiðunargjald vegna refa- og
minkaveiða. Samkvæmt þessum viðmiðunum þá greiðast
kr. 7.000 fyrir fullorðinn ref, kr. 1.600 fyrir yrðlinga og
kr 3.000 fyrir mink. Áætlað er að endurgreiðsluhlutfall
ríkisins verði lækkað í a.m.k. 30% úr 50% svo hægt
verði að standa við fjárlög. Byggðaráð bendir ríkisvald-
inu á að sveitarfélög þurfa einnig að standa við sínar
fjárhagsáætlanir þannig að það er lámarks krafa að rík-
isvaldið standi við sín 50%. Byggðaráð harmar afstöðu
ríkisins gagnvart þessum vágestum sem refir og minkar
eru í náttúru íslands og telur að frekar ætti að auka fé til
veiða í stað þess að draga úr því.
Bréf frá Margréti Sigurðardóttur sveitarstjóra
Grímsnes- og Grafningshrepps, dags. 23. maí 2005,
varðandi sameiginlega vatnsveitu Bláskógabyggðar og
Grímsnes- og Grafningshrepps. Byggðaráð styður
hugmyndir um sameiginlega veitu sveitarfélaganna og
bendir á bókun undir 8. lið á fundi sveitarstjómar Blá-
skógabyggðar frá 24. maí 2005 en þar segir m.a.
„Sveitarstjóm tekur undir með veitustjóm og samþykkir
að farið verði í hönnun á kaldavatnsveitu í samstarfi við
Grímsnes- og Grafningshrepp.”
Bréf frá Margréti Sigurðardóttur sveitarstjóra
Grímsnes- og Grafningshrepps, dags. 23. maí 2005, þar
sem fram kemur að Grímsnes- og Grafningshreppur
staðfestir samning um samvinnu í skólamálum. Lagt
fram til kynningar.
Bréf frá Kristrúnu Sigurfinnsdóttur dags. 7. júní
2005 þar sem hún fyrir hönd undirbúningshóps að 17.
júní hátíðarhöldunum óskar eftir styrk að upphæð kr
150.000 til að halda útiball. í ljósi þess m.a. að Gull-
kistan verður sett þennan sama dag þá leggur byggðaráð
til að umbeðin styrkur verði veittur. Styrkurinn færist
sem breyting á fjárhagsáætlun ársins.
44. fundur sveitarstjórnar 14. júní 2005.
Mætt vom: Sveinn A. Sæland, Sigurlaug Angantýs-
dóttir, Margeir Ingólfsson, Margrét Baldursdóttir, Gunnar
Þórisson, Drífa Kristjánsdóttir, Kristján Kristjánsson og
Ragnar Sær Ragnarsson, sveitarstjóri, sem ritaði fundar-
gerð.
Ársreikningur Bláskógabyggðar fyrir árið 2004.
Síðari umræða. Bókun T listans vegna ársreiknings:
„Meirihluti sveitarstjómar leggur nú fram þriðja ársreikn-
ing sinn á kjörtímabilinu. T-listinn hefur sýnt meirihlut-
anum tillitssemi og ekki gert alvarlegar athugasemdir við
fyrri ársreikninga, þrátt fyrir aðjreir séu langt frá endur-
skoðuðum fjárhagsáætlunum. Ársreikningurinn fyrir árið
2004, sem nú liggur fyrir, er engan veginn í samræmi við
endurskoðaða fjárhagsáætlun, sem samþykkt var í des-
ember 2004. Ein af niðurstöðum T-listans eftir yfirferð á
ársreikningi er að fjármálastjóm Bláskógabyggðar er í
molum, enda er útkoma reikningsins fjarri því sem
samþykkt var í endurskoðaðri fjárhagsáætlun.
Fjárhaldsóreiðan er alfarið á ábyrgð meirihluta
sveitarstjómar, enda hafa þau tekið fulla ábyrgð á
ráðningu fjárhaldsmanns sveitarfélagsins. Ljóst er að
stórkostlegur fjárhagsvandi er framundan í Bláskóga-
byggð. Kostnaður við rekstur sveitarfélagsins, allt
kjörtímabilið, hefur verið meiri en tekjur þess. Á árinu
Litli Bergþór 20