Litli Bergþór - 01.12.2005, Blaðsíða 14
Landgræðslufélag Biskupstungna
Starfsskýrsla árið 2005
Ekki var haldinn stjómarfundur eftir síðasta
aðalfund fyrr en með vorinu og urðu þeir ekki fleiri
þetta starfsár. í vetur var sótt um styrki til að fjár-
magna uppgræðslustarfið til Pokasjóðs og Land-
bótasjóðs. Þetta er fyrsta árið sem ekkert fé kemur
beint frá Landgræðslunni nema í gegnum Landbóta-
sjóð. Skemmst er frá því að segja að við fengum
vilyrði fyrir milljón úr hvorum sjóði.
Rúmur helmingur af þessu fé var notaður til kaupa
á áburði sem var dreift á sömu slóðum og undanfarin
ár. Keypt var fræ til að dreifa í þau börð, sem verið er
að græða upp með heyi. Einnig lagði Landgræðslan
til fræ. Aburði var dreift á Framafréttinn 23. júní og
kom að því mannskapur frá 6 bæjum. Alls var dreift
36,5 tonnum af áburði, þar af voru 5 tonn sem Slátur-
félag Suðurlands lét okkur í té. Borið var á innan
girðingar í Rótarmannagili og við Sandvatnshlíð í
leiðinni. Farið var með 3 dreifara innfyrir á 26. júní
og dreift áburði á Tjamheiðarbrún, Svatártorfur og í
Svartárbotnum, alls 16,5 tonnum. Fræ var með í för
og var sáð í rofabörð sem síðar var dreift heyi í. Ekki
var borið á Tunguheiði fyrr en 15. júlí vegna þess að
Landgræðslan átti ekki tiltækan áburð þegar farið var
að bera á Framafréttinn. Þar var dreift 12 tonnum af
áburði, 7,2 utan girðingar og 4,8 fyrir innan.
Illa horfði í fyrstu með rúllur til uppgræðslu vegna
andstöðu héraðsdýralæknis við að farið væri með hey
nema af bæjum þar sem sauðfé hefur ekki verið í ára-
tug. Þar rættist úr þar sem Haraldur í Einholti bauð
fram tún til að heyja í þessum tilgangi. Var það gert
seinnipartinn í ágúst og er búið að dreifa rúmum 300
rúllum í rofabörð í haust. Mest fór heyið syðst í
Svartártorfur. Bilanir töfðu verkið verulega í haust,
fyrst bilaði dráttarvél og síðan rúllutætarinn, en þetta
hafðist á endanum.
I ágúst þáðu nokkrir úr félaginu boð Landgræðslu-
félgs Öræfinga á Landgræðsludag hjá þeim. Þetta var
víst mög góð ferð, og segir Guðmundur á Iðu frá
þeirri ferð á öðrum stað í blaðinu. Landgræðslu-
félagið tók að sér að sjá um Landgræðsludag hér um
slóðir næsta sumar.
Aðalfundur félagsins var haldinn 31. október síð-
astliðinn. Auk aðalfundarstarfa var Magnús Jóhanns-
son, starfsmaður Landgræðslunnar, með smá kynn-
ingu á svokölluðum „Hekluskógum“. Á fundinum
urðu breytingar á stjóm félagsins, og eru Þorfinnur á
Spóastöðum, Margeir á Brú og Guðmundur á Iðu nú í
stjóm.
Arnheiður Þórðardóttir
486 8782
893 5391
486 8745
T&kum að okkur «11« bygglngaatarlkeml
Sumarhúsasmíði
og -þjónusta
minigröfu með brotfleyg
og skotbómulyftara með körfu
Þorsteinn Þórarinsson húsasmíðameistari
Litli Bergþór 14