Tímarit Þjóðræknisfélags Íslendinga - 01.01.1966, Qupperneq 36

18
TÍMARIT ÞJÓÐRÆKNISFÉLAGS ÍSLENDINGA
Þegar hér var komið sögu, má
greina, að heldur hefir andað köldu
frá sumum í garð menningarfélags-
ins. Eftirfarandi kafli úr síðast
greindum fundargerningi sýnir þetta
nokkuð, en þar segir:
„Björn Halldórsson gat þess, að
framvegis mundi félaginu verða fyr-
irboðið skólahúsið á Mountain, sem
það þangað til hafði oftast haldið
fundi sína í, af skólaráðinu þar. Áð-
ur hafði félagið borgað 26 cents fyrir
hvern fund, sem það hélt í skóla-
húsinu, 5 centum meira en önnur
félög, sem fengu húsið. Þessu réði
meiri hluti skólaráðsins.“
Á fundi, sem haldinn var að Lundi,
heimili Björns Halldórssonar, þann
22. júlí 1888, var mjög rætt um það,
hvort ekki myndi gerlegt fyrir
menningarfélagið að hefja útgáfu
mánaðarrits. Næsti fundargerningur
frá 18. ágúst sama ár sýnir, að út-
gáfumálið var þá enn á döfinni.
Lagði Björn Halldórsson til, að at-
hugaðir yrðu möguleikar á því að
fá ritstjóra frá íslandi til að annast
útgáfu væntanlegs rits. Nefndi hann
þrjá menn í því sambandi, þá séra
Matthías Jochumsson, Jón Ólafsson
og Valdimar Ásmundsson. í ljós kom,
að hófanna hafði þegar verið leitað
við Valdimar Ásmundsson, en svar
hafði ekki borizt frá honum.
Næsti fundur menningarfélagsins
var haldinn 12. jan. 1889, og segir
þar orðrétt:
„Björn Pétursson hélt fyrirlestur
um kraftaverk. Arngrímur Jónsson
lagði til að bjóða kirkjufélaginu upp
á fund m. fl., en ef kirkjufélagsmenn
gætu ekki komið, þá yrði þeim gef-
inn kostur á að tiltaka tíma. Sami
stakk upp á, að nefnd væri kosin.
Forseti útnefndi þessa: M. Brynjólfs-
son, Stephan G. Stephanson, Arn-
grím Jónsson, Björn Halldórsson,
Björn Pétursson."
Hin nýskipaða nefnd lagði til, að
menningarfélagið legði aðaláherzlu
á mánaðarlegar samkomur, þar sem
fyrirlestur yrði haldinn um eitthvert
það efni, sem gagnlegt mætti teljast
fyrir félagsmenn. Ekki hefir verið
mikið um viðræður milli menningar-
félagsins og lútherska kirkjufélags-
ins. Er vikið að þessu í fyrr greind-
um fundargerningi:
„í tilefni af áskorun menningar-
félagsins til prestanna á kirkjuþing-
inu næstl. sumar skilst nefndinni
svo, að sú áskorun standi enn, . . .
því ræður nefndin til að endurtaka
hana og á þessum fundi kjósa nefnd
manna, sem hafi það mál til með-
ferðar og hafi þeim starfa lokið fyr-
ir næsta félagsfund. í nefnd þessa
voru kosnir: Stephan G. Stephan-
son, J. Hall, Ásgeir Líndal.“
Á fundi 19. maí 1889 var mjög
rætt um bókakaup fyrir félagið.
Meðal þeirra bóka, sem afla skyldi,
eru nefndar „Kingdoms of Nature“,
„Childhood of Man“ og „Childhood
of Religion“. Bókarheiti eru tekin
stafrétt úr fundargerningi, þó að
nokkur vafi leiki á, að þar sé full-
komlega rétt með farið.
Ársfundur menningarfélagsins vor-
ið 1889 var haldinn 14. júní í húsi S.
B. Brynjólfssonar. Engar nýjungar
mun hafa borið þar á góma né held-
ur á næsta fundi, sem haldinn var
24. nóv., einnig í húsi B. Brynjólfs-
sonar. Fundargerð þess fundar varð
sú hin síðasta, sem færð var inn í
gjörðarbók menningarfélagsins. Á
lausum blöðum hafa þó varðveitzt