Árbók VFÍ/TFÍ - 01.06.1998, Side 7

Formálar
Ávarp formanns VFÍ
Á undanfömum árum hefur heimurinn upplifað tækniframfarir
sem margir vilja jafna við iðnbyltinguna á sínum tíma. Upplýs-
ingabyltingin hefur gjörbreytt starfsumhverfi fjölmargra stétta,
áhrif fjölmiðla hafa stórlega aukist og upplýsingastreymið marg-
faldast. Þetta umhverfi skapar vissulega stórkostleg tækifæri, en
það skapar líka hættur ef menn halda ekki vöku sinni. Verkfræð-
ingar vítt um heim hafa af því nokkrar áhyggjur að rödd þeirra
heyrist ekki sem skyldi í þessu nýja umhverfi, störf þeirra hverfi í
skuggann og áhrif þeirra í þjóðfélaginu fari dvínandi. Sú skoðun
heyrist jafnvel að breyta þurfi verkfræðináminu til að undirbúa
nemendur undir þau margvíslegu tjáskipti sem bíða þeirra í þjóð-
félagi framtíðarinnar.
Stjórn Verkfræðingafélags Islands er sér mjög meðvituð um þessa þróun. Félagið hefur
a síðustu árum endurskipulagt útgáfustarfsemi sína í samvinnu við Tæknifræðingafélag
Islands í þeim tilgangi að tryggja ferskt upplýsingastreymi til félagsmanna og skapa vett-
vang fyrir skoðanaskipti þeirra innbyrðis. Þannig kemur Verktækni, fréttabréf félaganna, nú
ut hálfsmánaðarlega utan sumarleyfistímans og árbók félaganna, sú er hér birtist, kemur nú
ut á sama ári og starfsárinu lýkur. Ritstjórinn Ragnar Ragnarsson á sérstakar þakkir skildar
fyrir það átak sem hann hefur gert í að hraða útgáfu árbókarinnar. Af öllum viðtökum er ljóst
að árbókin nýtur vaxandi viðurkenningar jafnt sem faglegur vettvangur og heimildarit. Von-
andi á árbókin eftir að reynast verðugur arftaki Tímarits Verkfræðingafélags Islands sem
kom út samfellt í meira en 70 ár og geymir bróðurpartinn af framkvæmdasögu heillar aldar.
Hinn 18. aprfl 1997 hélt Verkfræðingafélag íslands upp á 85. afmælisdag sinn með því að
eína til sérstaks tæknidags í samvinnu við Tæknifræðingafélag íslands. Fjölmargar tækni-
stofnanir og fyrirtæki buðu til sín gestum og kynntu starfsemi sína og kynning á félögunum
var haldin í Verkfræðingahúsi. Tilgangur félaganna með tæknidegi er að sjálfsögðu að kynna
stórf tæknimanna og halda mikilvægi þeirra á lofti. Það er jafnframt hugmynd félaganna að
tæknidagur verði árlegur viðburður framvegis sem liður í þessari viðleitni. Það er hins vegar
mikilvægt að félagsmenn geri sér grein fyrir því að möguleikar félaganna til að tryggja nauð-
synleg almannatengsl eru afar takmarkaðir. Þar verða því allir að leggjast á eitt, fyrirtæki,
stofnanir og einstaklingar, ef við viljum halda okkar hlut í síbylju upplýsingaþjóðfélagsins.
Pétur Stefánsson for-
maður VFÍ 1997/98.