Neytendablaðið - 01.04.1989, Qupperneq 25
_____________UTAN AF LANDI______
Fyrirhuguð stofnun
neytendafélags á Suðurnesjum
Aðilar frá Neytendasam-
tökunum og áhugafólk um
stofnun neytendafélags á
Suðurnesjum, komu saman til
fundar í Holtaskóla í Keflavík
þann 18. maí sl. Áhugi reyndist
fyrir stofnun félags á Suðurnesj-
um og var ákveðið að halda
stofnfund í júnímánuði. Kosin
var nefnd heimamanna til að sjá
um undirbúning þess fundar.
Jóhannes Gunnarsson formaður NS
hélt ræðu á fundinum og kynnti samtökin
og starfsemi þeirra fyrir fundarmönnum.
Hann lagði mikla áherslu á mikilvægi þess
að neytendafélög væru starfrækt í sem
flestum byggðarlögum. Það geri neytend-
ur virkari í að sækja rétt sinn og sé mikið
aðhald fyrir seljendur vöru og þjónustu í
byggðarlaginu.
Varðandi stöðuna á Suðurnesjum benti
Jóhannes á að verkalýðsfélagið hafi sinnt
verðkönnunun á svæðinu og minnti á gott
samstarf sem víða hefur tekist milli verka-
lýðsfélaga og neytendafélaga. Hann sagði
æskilegt að starfrækt yrði kvörtunarþjón-
usta á Suðurnesjum því neytendur létu
frekar í sér heyra ef slík þjónusta væri á
svæðinu, í stað þess að hana þurfi að sækja
til Reykjavíkur. Aðspurður kvað hann
fjölda fyrirspurna og kvartana hafa borist
af Suðurnesjum til kvörtunarþjónustu
samtakanna í Reykajvík.
í undirbúningsnefninni eiga sæti: Drífa
Sigfúsdóttir sem kosin var formaður nefnd-
arinnar, Guðmundur Finnsson, Kristján
Gunnarsson, Halldór Björnsson og Auð-
ur Ingvarsdóttir.
Egilsstaðir:
Námskeið um neytendavernd
og verðlagsmál
Á Egilsstöðum var í apríl
haldið námskeið í neytenda-
vernd og verðlagsmálum á veg-
um Menningar- og frœðslu-
sambands alþýðu, Verkalýðs-
félags Fljótsdalshéraðs og Neyt-
endafélags Fljótsdalshéraðs.
Var námskeiðið vel sótt og þótti
takast mjög vel.
Tryggvi Þór Aðalsteinsson forstöðu-
maður MFA sagði í samtali við blaðið að
fræðslusambandið, sem er fræðslustofnun
ASÍ og verkalýðsfélaganna, stæði fyrir
margvíslegum námskeiðum í samvinnu
við verkalýðsfélögin, gjarnan í samræmi
við óskir þeirra. Námskeiðin fjölluðu flest
um hagsmuna- og réttindamál og væru
neytenda- og verðlagsmál gott dæmi um
slíkt efni.
„Verkalýðsfélag Fljótsdalshéraðs lét í
ljós ósk um að fá fræðslu um þessi mál og
fengum við Jóhannes Gunnarsson og
Selmu Jóhannsdóttur frá Neytendasam-
tökunum til að vera leiðbeinendur,“ sagði
Tryggvi Þór. „Námskeið af þessu tagi má
ekki vera of stutt og ekki heldur of langt.
Þótti þátttakendum gefast vel að hafa það
á föstudagskvöldi og frá kl 9.30 til 17.00 á
laugardegi. Á þeim tíma tókst að fjalla um
verðlagseftirlit og verðákvarðanir, kynna
neytendastarf hér og erlendis og vinna
verkefni um auglýsingar sem byggðust á
neytendavernd. Það er mikilvægt að þátt-
takendur taki lifandi þátt í svona nám-
skeiði og er mér sagt að líflegar umræður
hafi myndast um auglýsingamálin," sagði
Tryggvi Þór.
Vildi hann hvetja önnur verkalýðsfélög
til að efna til svipaðs námskeiðs og benti á
að á þeim stöðum þar sem neytendafélag
væri starfandi væri tilvalið að verkalýðs-
félagið og neytendafélagið hæfu sam-
vinnu, t.d. um námskeið af þessu tagi eins
og gerðist á Egilsstöðum.
25