Neytendablaðið - 01.02.1998, Side 12
Markaðskönnun
sem byggja á þyngd þess sem afþítt er.
Notandinn velur matartegundina (t.d.
kjöt eða físk) og stillir inn þyngdina og
ofninn reiknar síðan út hversu langan
tíma það tekur matinn að þiðna. Sumar
gerðir örbylgjuofna nota aðrar og óhent-
ugri aðferðir við afþíðingu. A þeim
ofnum er þrýst á afþíðingarhnappinn og
þannig valið hve langan tíma afþíðing á
að taka. Gallinn er bara sá að þá verður
notandinn að hafa einhverja hugmynd
um hve langan tíma afþíðingin tekur. I
sumum ofnum er hvatt til þess að mat-
num sé snúið.
Afþíðingarkerfi sem byggjast á þyngd
eru betri og fljótari en afþíðing með
handvirkri stillingu.
Sjálfvirk eldun (Auto Cooking) er
kerfi sem byggir á að stillt er inn hvers
konar mat á að elda og þyngdin á honum.
Ofninn reiknar síðan út eldunartíma. Ef
ofninn er samsettur eða með grilli geta
sjálfvirku kerfin unnið saman til að gera
matinn brúnan og stökkan í lokin.
Hámark sjálfvirkninnar er sjálfvirk
matreiðsla/eldun og sem mætti kalla
einshnappskerfi (One-touch program). Ef
ofninn er með forstillta hnappa (pre-pro-
grammed buttons) þarf aðeins eina
snertingu á ofninn til að elda máltíð.
Ráð til kaupenda
• Áður en þú kaupir þér örbylgjuofn þarftu
að gera upp við þig hvernig ætlunin er að
nota hann. Kaupverðið geturfarið talsvert
eftir því.
• Ef þú ert að kaupa ofn með grilli eða sam-
settan ofn vinna kerfin oftast saman, þannig
að þú getur stillt ofninn strax í upphafi til að
hann framkvæmi það sem þú ætlasttil af
honum.
• Lítinn ofn með einföldum stillingum er
auðveldast að nota. Slíkur ofn dugar ef þú
ætlar aðeins að hita eða þíða upp mat.
• Litlir ofnar nota oft minni orku og eru því
seinvirkari.
• Athugaðu hvort auðvelt er að ná taki á
stjórnhnöppum og stilla með þeim, - að tákn
og aðrar upplýsingar séu greinileg og auðvelt
að lesa þau, - einnig að stafrænar upplýsing-
ar séu skýrar.
• Stafrænn aflestur á tíma gefur nákvæmari
tímastillingu. Þetta er einkum mikilvægt þegar
nota á ofninn í stuttan tíma.
• Athugaðu hvort þú sérð vel inn í ofninn.
• Það getur skipt máli, sérstaklega þar sem
yngri börn eru á heimili, hvernig ofninn fer í
gang. Margir ofnar eru með sérstakan start-
hnapp, sumir fara í gang þegar tímarofi er
stilltur og enn aðrir þegar hurðinni er lokað.
• Notkunarleiðbeiningar eiga að vera skýrar
og matreiðslubók góð. Hafðu í huga að ekki
eru alltaf leiðbeiningar á íslensku og
matreiðslubók fylgir ekki alltaf.
• Áferð ofnsins á að vera slétt bæði að utan
og innan til að hreingerning sé auðveld.
Ofninn sér um að allt fari sem best fram
enda forritaður til viðkomandi þarfa.
Einstaka ofnar eru með nema sem
stjórnar framleiðslu á gufunni og
ákveður hvort maturinn sé nægilega
heitur.
Örugg upphitun
Ef matur er hitaður í gegn með a.m.k.
70°C í tvær mínútur eða lengur eiga allar
skaðlegar bakteríur sem valdið geta
matareitrun að drepast. Mikilvægt er að
fylgja leiðbeiningum á matarumbúðun-
um en einnig þarf að athuga hvort
maturinn er vel heitur í gegn. Ef ör-
bylgjuofninn hitar matinn ekki jafnt geta
sumir hlutar hans verið sjóðandi heitir en
aðrir ekki nægilega heitir.
Einnig er hægt að nota hitamæli fyrir
örbylgjuofna til að ganga úr skugga um
að maturinn sé nægilega heitur. Hitamæl-
inn má hafa í matnum á meðan verið er
að elda. Samt þarf að athuga hitastigið í
öllum hlutum matarins en ekki bara á
einum stað.
Afkastageta, orkugeta
Framleiðendur örbylgjuofna setja stöðugt
afkastameiri ofna á markað, en afkasta-
getan er gefin upp í wöttum sem breytast
í örbylgjur. Mikilvægt er að upplýsingar
um afkastagetu séu réttar og kvartar breska
neytendablaðið Which yfir að aðeins einn
ofn af tólf á breskum markaði sé rétt
merktur hvað þetta varðar. Ef farið er
eftir slíkum leiðbeiningum er hætt við að
maturinn verði ofeldaður eða soðinn.
Eldunartíminn er einfaldlega styttri því
meira sem afkastagetan í wöttum eykst.
Eftir að ofninn hefur náð ákveðinni
orku breytir engu þótt hún sé aukin. Þá er
hætta á að ofninn ofeldi matinn út við
kantana til að hann sé nógu heitur í
miðjunni. Skárri kostur er að nota jafnari
upphitun og beita minni afköstum í
lengri tíma.
Hverjir selja hvað?
Aðeins einn innflytjandi, I. Guðmundsson, selur ekki beint til neytenda. Tvö fyrirtæki flytja inn
Samsung, Bónus Radíó og Radíónaust. Bónus Radíó flytur inn tvo Samsung-ofna, M 735 og
M 643. Radíónaust flytur einnig inn þessa ofna, auk fleiri Samsung-ofna.
Vörumerki Innflytjandi Framleiðsluland
AEG Bræðurnir Ormsson Þýskaland
Arthur Martin Húsasmiðjan Bretland
Blomberg Einar Farestveit Frakkland
Candy Pfaff Ítalía
Clatronic Rafvörur Þýskaland
Daewoo Einar Farestveit, Radíónaust1 Frakkland
De Longhi Fönix Ítalía
Electrolux Húsasmiðjan2 Bretland
Goldstar Radíóbúðin 3 Bretland
Gorjene Rönning Kórea
IDÉIine Raftækjaverslun íslands Svíþjóð
Kitchenaid Einar Farestveit Svíþjóð
Kuppersbusch Rafha Svíþjóð
Melissa Fálkinn4 Bretland
Miele Eirvík Þýskaland
Moulinex I. Guðmundsson5 Frakkland
Panasonic Japis Japan
Samsung Bónus Radíó, Radíónaust6 Bretland/Kórea
Sanyo Heimilistæki Bretland
Sharp Bræðurnir Ormsson Bretland
Siemens Smith og Norland Þýskaland
Whirlpool Heimilistæki7 Svíþjóð
1. Þessir ofnar eru einnig seldir hjá Heklu, Heimskringlunni og Pfaff.
2. Þessir ofnar eru einnig seldir hjá Radíónausti.
3. Þessir ofnar eru einnig seldir hjá Bónus Radíó.
4. Þessir ofnar eru einnig seldir hjá Glóey.
5. Innflytjandi selur ekki beint til neytenda. Þessir ofnar eru seldir hjá
Glóey, Heklu, Raftækjaverslun íslands og Rafvörum.
6. Þessir ofnar eru einnig seldir hjá Heimilistækjum, Heimskringlunni,
Pfaff, Radíóbúðinni, Rafha.
7. Rönning.
7. Þessir ofnar eru einnig seldir hjá Byggt og búið og Radíónausti.
12
NEYTENDABLAÐIÐ - febrúar 1998