blaðið - 03.08.2005, Blaðsíða 8

8 I ERLENDAR FRÉTTIR
MIÐVIKUDAGUR 3. ÁGÚST 2005 ! blaöiö
Indverskur maður leitar skjóls í steinsteypuröri í Bombay f gær en enn eru mörg svæöi borgarinnar á kafi eftir monsúnregnið sfðustu
daga.
Regninu slotar
á Indlandi
Allt aðþúsund manns látnir eftir mestu úrkomu í sögu Indlands.
Samgöngur í Bombay á Indlandi
voru óðum að komast í samt horf og
áður í gær þegar loksins stytti upp
eftir aftakaregn undanfarna viku.
Flóð og aurskriður hafa orðið hátt
í þúsund manns að bana á Indlandi
síðast liðna viku, þar af er helming-
urinn frá Bombay. Þá er margra enn
saknað og líklegt að tala látinna
fari yfir þúsund áður en yfir lýkur.
Hjálparstarf hefur hingað til gengið
afar erfiðlega vegna vonskuveðurs
og þá eru götur borgarinnar vatns-
ósa og margar hverjar á kafi undir
eins til tveggja metra vatni. Tugþús-
undir hafa þurft að yfirgefa heimili
sín, rafmagnsleysi er víðast hvar og
fjárhagslegt tjón vegna náttúruham-
faranna nemur milljörðum.
Veðurfræðingar spá meira regni
á næstunni en telja ólíklegt að það
verði í sams konar mæli og regnið í
síðustu viku. Úrkoman á þriðjudag í
síðustu viku var sú mesta sem mælst
hefur á Indlandi síðan mælingar
hófust en talið er að það regn sem
væntanlegt er muni aðeins blikna í
samanburði við það.
Sjúkdómahætta mikil
Hundruð tilfella af kóleru, iðrabólgu
og blóðsótt hafa verið tilkynnt í
Bombay en mikil sjúkdómahætta
ríkir vegna hamfaranna. Stafar það
af því að fjölmörg lík og dýrahræ
eru enn á við og dreif um götur borg-
arinnar sem geta borið hættulega
sjúkdóma, einkum ef þau eru ekki
fjarlægð svo dögum skiptir. Þá hafa
vatnsveitur og vatsnból eyðilagst
eða mengast vegna mikils skolps.
Hundruð sjúkraliða vinna nú að
því að hlúa að særðum, dreifa klór-
töflum til fólks og brenna lík sem
finnast.
Fjölmargir hafa gagnrýnt yfirvöld
fyrir úrræðaleysi og krafist rann-
sóknar á flóðinu og aðgerðum stjórn-
valda. „Við höfðum ekkert rafmagn
eða vatn í fjóra daga og við komumst
ekki út úr húsi þar sem vatnsflaum-
urinn náði upp að bringu og bílar
voru á kafi. Símalínur lágu niðri
og ekkert hægt að gera“, sagið einn
ibúanna á svæðinu. Monsúnregn á
Indlandi verða hundruðum að bana
ár hvert í þessu næst fjölmennasta
landi heims. ■
bjornbragi@vbl. is
Sat saklaus
inni í tvo áratugi
DNA-sýni sannaði að tveggja barna faðir var ranglega dcemdur fyrir nauðgun á 48 ára
gamalli konu árið 1986.
Tveggja barna faðir frá Pittsburgh
í Bandaríkjunum, Thomas A. Dos-
well, var á dögunum látinn laus eftir
nærri tveggja áratuga fangelsisvist
fyrir glæp sem hann framdi ekki.
Árið 1986 var
Doswell dæmd-
ur til 13-26 ára
fangelsisvistar
fyrir að nauðga
48 ára gamalli
konu á sjúkra-
húsi í borginni.
Á meðan á
fangelsisvist
hans stóð var
Doswell fjórum
sinnum neitað um reynslulausn þar
sem hann neitaði að gangast við
meintum glæp sínum. DNA-sýni
hefur nú loks sannað það sem hann
hefur haldið fram alla tíð; að hann
sé saklaus.
Fórnarlamb nauðgunarinnar og
annað vitni bentu á Doswell þegar
lögregla sýndi þeim myndir af átta
mönnum sem mögulega áttu að
hafa framið verknaðinn. Á þeim
Thomas A. Doswell
tíma voru myndir af mönnum sem
áður höfðu verið kærðir fyrir nauðg-
un merktar með bókstafnum „R.“
Hefur Doswell alla tíð haldið því
fram að ástæðan fyrir því að bent
var á hann sé sú að mynd hans
var merkt með „R.“ Ástæðan fyrir
merkingunni var sú að fyrrverandi
kærasta hans hafði sakað hann um
að hafa nauðgað sér en Doswell var
sýknaður af þeirri kæru. Var mynd
Doswells sú eina af myndunum átta
sem merkt var með „R.“ Yfirvöld fyr-
irhuga nú að bera DNA-sýnið sem
tekið var úr fórnarlambinu við alrík-
isgagnabanka en hafa engan grunað-
ann enn sem komið er.
Þakkiátur fyrir að réttlæt-
inu sé loksins fullnægt
„Ég er þakklátur fyrir að vera kom-
inn heim“, sagði Doswell við AP-
fréttastofuna sem ræddi við hann
á heimili móður hans á mánudag,
sama dag og hann var látinn laus.
„Ég er þakklátur fyrir að réttlætinu
hefur loksins verið fullnægt. Rétt-
arkerfið er ekki fullkomið, en það
virkar.“
Saksóknarar höfðu mótmælt
þeirri skipun dómara að láta rann-
saka DNA-sýni úr Doswell. Niður-
stöður rannsóknanna sýndu hins
vegar að sæði sem tekið var úr fórn-
arlambinu var ekki Doswells og var
hann því látinn laus úr fangelsi og
dómurinn felldur niður. Fjölskylda
hans fagnaði ákaflega þegar dómari
kvað upp úrskurðinn á mánudag.
Hvorki Doswell né fjölskylda hans
kváðust reið vegna fangelsisvistar
hans. „Ég gæti ekki gengið um og
verið reiður og bitur“, sagði Doswell
í farsíma og var það í fyrsta sinn sem
hann talaði í slíkt tæki. „Það myndi
bara gera þetta ennþá verra.“ Dos-
well notaði fangelsisvist sína til að
ná sér í háskólagráðu og lærði einnig
að tala spænsku. Þá lærði hann á sjö
hljóðfæri, m.a. gítar, saxófón, flautu,
trommur og trompet. Kærasta Dos-
wells kvaðst himinlifandi yfir að sjá
Doswell heima en ekki í fangelsinu.
,Nú getum við haldið áfram að lifa
lífi okkar“, sagði hún. ■
Kyrkislanga undir
uppþvottavélinni
Stefanie Leafty, húsmóðir frá Misso-
uri-fylki, hafði ástæðu til að öskra
upp y fir sig þegar hún teygði sig und-
ir uppþvottavélina á heimili sínu og
ætlaði að ná í það sem hún hélt að
væri leikfang. Leafty greip hins veg-
ar í hvorki meira né minna en eins
og hálfs metra langa kyrkislöngu
sem hafði hreiðrað um sig undir
vélinni. Kyrkislöngur kunna vel við
sig í heitu og röku loftslagi og þótti
slöngunni því uppþvottavélin eðli-
lega kjörinn staður til búsetu.
Leafty-fjölskyldan hafði búið í
húsinu í tvo mánuði en ekki tekið
eftir slöngunni fyrr en atvikið átti
sér stað á sunnudagskvöld. Heimilis-
hundurinn hljóp að vélinni þegar
hann heyrði ópin I húsmóðurinni og
snusaði af slöngunni en Leafty dró
hann hins vegar burt á afturlöppun-
um og flúði með fjölskylduna út úr
húsinu. Eiginmaður Leafty og vinur
hans náðu kyrkislöngunni undan
vélinni og komu henni fyrir í kodda-
veri og hyggst fjölskyldan nú selja
dýrið. Fyrrum leigjandi íbúðarinnar
játaði að slangan hefði verið í sinni
eign. Hún hefði hins vegar sloppið
burt og reyndi eigandinn ekki að
finna hana þar sem hann var að eig-
in sögn kominn með leið á henni. ■
Stunginn til bana
í strætisvagni
28 ára gamall Lundúnabúi, Richard
Whelan, var stunginn til bana í
strætisvagni í norðurhluta borgar-
innar eftir að hafa lent í erjum við
hóp unglinga í vagninum. Maður-
inn var á leið heim ásamt kærustu
sinni síðla kvölds og sátu þau í efri
hluta tveggja hæða vagnsins. Hópur-
inn var með skrílslæti í vagninum
og hóf að kasta frönskum kartöflum
í kærustu mannsins. Þegar Whelan
kvartaði við ungmennin og bað þau
að hætta réðst einn úr hópnum að
honum og stakk hann sex sinnum
með hníf sem hann bar á sér. Aðrir
farþegar vagnsins reyndu að hlúa að
Whelan án árangurs því hann lést
þegar hann kom á sjúkrahús. Árás-
armaðurinn, sem var að sögn vitna
hettuklæddur blökkumaður um tví-
tugt, gekk hins vegar hinn rólegasti
út úr vagninum og hélt út í nóttina.
Athygli vekur að besti vinur Whel-
ans, Ciaran Cassidy, var á meðal
þeirra sem létust I hryðjuverkaárás-
unum I Lundúnum 7. júlí. Hafði
Whelan stýrt leit að Cassidy áður en
tilkynnt var að hann hefði verið á
meðal þeirra látnu í lestinni. Þá hef-
ur móðir Cassidy látið hafa eftir sér
að Whelan hafi sýnt fjölskyldu sinni
ómældan stuðning í að komast yfir
sorginavegnadauðaCiarans. ■
Þriggja vikna gamall Assamese Macaque api sýgur fingur sinn i dýragarði f Shanghai
í gær. Apinn situr f fangi starfsmanns dýragarðsins þar sem móðir hans hefur ekki
getað nært hann sjálf. Assamese Macaque er sjaldgæf apategund sem lifir í fjalllendum
sunnan- og suðaustanverðrar Asíu og Norður-Afríku. Þúsundir þeirra eru þó hýstir á
rannsóknarstofum, f dýra- og skemmtigörðum og haldnir sem gæludýr á heimilum víða
um heim.