blaðið - 03.08.2005, Blaðsíða 10

10 J ERLENDAR FRÉTTIR
MIÐVIKUDAGUR 3. ÁGÚST 2005 blaöiö
Pattstaða vegna
kjarnorkuáætlunar
Norður-kóreskur sendifulltrúi seg-
ir að fjölþjóðaviðræðurnar í Peking
um kjarnorkuáætlun landsins hafi
engum árangri skilað og hafi siglt
í strand. Búist er við að viðræðurn-
ar sem staðið hafa yfir í átta daga
muni halda áfram í dag. „Ástandið
er slæmt“, sagði Kim Kye-gwan, en
bætti við: „Við munum gera okkar
allra besta til að ná samkomulagi."
Norður-Kóreumenn vilja að öryggi
landsins og aðstoð við það verði
tryggð eigi þeir að slaufa kjarnorku-
áætlun sinni. Bandaríkjamenn hafa
hins vegar ekki fallist á þessa skil-
mála.
Sendifulltrúi Bandaríkjanna,
Christopher Hill, tók í sama streng
og Kim. „Það er enn augljóslega mik-
ill ágreiningur á milli Norður-Kór-
eumanna og hinna ríkjanna", sagði
Hill. Ríkin hafa itrekað þrýst á N-
Kóreumenn að láta af áætlun sinni
og segja að það myndi marka tíma-
mót. Sex ríki sitja fundinn; Norður-
og Suður Kórea, Bandaríkin, Kína,
Rússland og Japan..
Auk tryggingar á aðstoð og öryggi
vilja Norður-Kóreumenn ennfrem-
ur að refsiaðgerðir gegn landinu
verði aflagðar og kjarnorkuógn
Bandaríkjamanna gegn landinu
hætti. Norður-Kórea hefur lofað
þvi að landið muni gangast á ný við
NPT-sáttmálanum, sem hefur það
að markmiði að hindra útbreiðslu
kjarnorkuvopna, og senda aftur út
alþjóðlega vopnaleitarmenn náist
lausn á deilunni.
Kjarnorkudeilurnar blossuðu
fyrst upp árið 2002 þegar Banda-
rikjamenn ásökuðu Norður-Kóreu-
Kínverskur herlögregluvörður stendur vörð við hlið norður-kóreska sendiráðsins í Pek-
ing í gær þar sem sendifulltrúar sex ríkja reyndu að ná niðurstöðu i deilum um
kjarnorkuáætlun Norður-Kóreu.
menn um að reyna að þróa kjarn- úr NPT-sáttmálanum og tilkynnti
orkuvopn. Deilurnar hörðnuðu svo snemma á þessu ári að það byggi yf-
verulega þegar landið dró sig út ir kjarnorkuvopnum. ■
V/SA BIKARINN
Undanúrslit karla
Miðvikudaginn 3. ágúst kl. 19:40
Fram - FH
Laugardalsvöllur
Fimmtudaginn 4. ágúst ki. 19:40
Valur - Fylkir
Laugardalsvöllur
Miðaverð:
Aðgangseyrir 1.000 kr. ef greitt er með VISA-kredltkorti.
Fullt verð fyrir 17 ára og eldri 1.200 kr.
Fyrir 11 -16 ára 300 kr.
Frítt fyrir 10 ára og yngri.
ítarleg umfjöllun um bikarlelkl sumarslns á www.visa.ls/bikarlnn
Lögregla hitti
fjölskyldu Menezes
Mun greiða allt að 65 milljónir ísl. króna í bcetur en
fjölskyldan er ósátt sem áður.
Breska lögreglan heimsótti á mánu-
dag fjölskyldu brasilíska rafvirkjans
Jean Charles de Menezes sem myrt-
ur var af lögreglumönnum í Lund-
únaborg þann 22. júlí síðastliðinn.
Báðust fulltrúar lögreglunnar
afsökunar og ræddu fjárhagslegar
bætur fyrir morðið. Er það vilji lög-
reglunnar að styðja fjölskylduna
fjárhagslega á meðan rannsókn á
málinu fer fram. Samkvæmt Peter
Collecott, sendiherra Bretlands í
Brasilíu, mun rannsóknin þó taka
langan tíma en að henni lokinni
verður hægt að ákveða endanlega
fjárupphæð sem lögreglan mun
reiða af hendi. Breskir fjölmiðlar
hafa greint frá því að lögreglan sé lík-
leg til að greiða Menezes-fjölskyld-
unni allt að 65 milljónir íslenskra
króna í bætur. í Gonzaga, heimabæ
fjölskyldunnar, eru meðallaun vinn-
andi fólks rúmar 8.000 íslenskar
krónur á mánuði.
Samkvæmt talsmanni fjölskyldunn-
ar vildu þau hvorki ræða málsatriði
fundarins né hvort einhverjar bætur
hefðu verið boðnar. 1 Gonzaga ríkir
mikil reiði vegna málsins og bæði
Menezes-fjöl-
skyldan og al-
menningur í
Brasilíu hafa
krafist þess
að þeir lög-
reglumenn
sem ábyrgð
bera á dauða
Jean Charles
verði dregnir
til ábyrgðar.
Utan við ráð-
húsið héngu borðar með utanáskrift-
um á borð við: „Hryðjuverk verða
ekki stöðvuð með yfirgangi og
morðum" og „Sársauki fjölskyldu Je-
an Charles er sársauki Gonzaga, við
Jean Charles de Menezes
«
syrgjum.
Menezes-flölskyldan sárreið
Talsmaður breska sendiráðsins í
Brasilíu sagði að megintilgangur-
inn með fundinum hafi verið að
láta í ljós samúð breskra stjórnvalda
og hryggð. Á meðal sendinefndar
bresku lögreglunnar var aðstoðar-
lögreglustjóri Scotland Yard, John
Yates. „Ég held aftur til Lundúna
með mikinn skilning á líðan og til-
finningum fjölskyldunnar og bras-
ilíska fólksins. Ég get vel skilið sorg
þeirra vegna dauða saklaus manns.
Þau eiga mína dýpstu samúð og ég
get fullyrt að okkur þykir þetta afar
leitt“, sagði Yates.
Fjölskyldumeðlimir Menezes-
fjölskyldunnar yfirgáfu ráðhúsið
í Gonzaga, þar sem fundurinn fór
fram, án þess að ræða við fjölmiðla.
Fulltrúar Breta óvelkomn-
ir í jarðarförina
Jean Charles de Menezes var jarðað-
ur í Gonzaga síðastliðinn föstudag
og hátt í 10.000 manns fylgdu hon-
um til grafar. Fulltrúum breskra yf-
irvalda var ráðlagt að halda sig fjarri
útförinni vildu þeir ekki stofna sér í
hættu. Morðið á Brasilíumanninum
vakti gríðarlega athygli um heim
allan en hinn 27 ára gamli Menezes
var skotinn átta skotum með þeim
afleiðingum að hann lést samstund-
is. Töldu lögreglumenn að um sjálfs-
morðsárásarmann væri að ræða og
sáu sig því nauðbeygða til að myrða
hann og hindra þannig að hann
gæti, ef grunurinn væri á rökum
reistur, sprengt upp lest sem hann
stökk inn í. ■
Hrottalegt morð
á táningsstúlku
18 ára gamall piltur frá New Jersey
er í haldi lögreglu fyrir hrottafengið
morð á nágrannastúlku sinni. For-
eldrar hinnar 16 ára gömlu Jennifer
Parks tilkynntu lögreglu um hvarf
dóttur sinnar sem þau sáu síðast
á föstudagskvöld og hófu mikla
leit að henni. Lögreglumaður fann
svo lík hennar á sunnudag í farang-
ursgeymslu jeppa í eigu nágranna
þeirra.
Hinn 18 ára gamli Jonathan Zar-
ate, úr næsta húsi við Parks-fjöl-
skylduna, bauð Jennifer heim til
sín að horfa á sjónvarp skömmu
eftir miðnætti aðfaranótt laugar-
dags. Reiddist hann henni af ein-
hverjum ástæðum og réðst á hana
með hnefahöggum áður en hann
stakk hana til bana í kjallara heim-
ilis síns. Því næst sagaði hann af
henni fæturna og faldi lík hennar í
farangursgeymslu jeppa föður síns.
Zarate fór á jeppanum snemma á
sunnudag, ásamt tveimur félögum
sínum, að á sem hann fyrirhugaði
að henda líkinu í. Lögreglumanni
sem ók hjá þóttu piltarnir helst til
grunsamlegir og fann líkið í farang-
ursgeymslunni þegar hann kannaði
málið nánar.
Yfirvöld rannsaka nú heimili
Zarates og grafa í garðinum í von
um að finna hnífinn sem notaður
var við morðið og önnur sönnunar-
gögn. Zarate er í gæsluvarðhaldi en
hefur neitað sök. Verði hann dæmd-
ur á hann yfir höfði sér allt að lífs-
tíðarfangelsi. Félagar Zarate, annar
þeirra aðeins 14 ára gamall, verða
ákærðir fyrir ólöglega meðferð á
líki og fyrir að reyna að eyðileggja
sönnunargögn. ■
Bannað að skerða
hár á höfði indíána
Dómstóll í Bandaríkjunum komst
um helginna að þeirri niðurstöðu
að óheimilt sé að snyrta hár indíána
sem situr í fangelsi þar í landi. Ind-
íáninn, Billy Soza Warsoldier, hefur
ekki snyrt hár sitt í 25 ár af trúar-
ástæðum, og þurfti á dögunum að
sæta sérstakri refsingu fyrir að neita
að hár hans yrði klippt.
Samkvæmt fangelsisreglum þar
sem hann afplánar nú mega fangar
ekki vera með lengra hár en 8 cm.
og er það að sögn af öryggisástæð-
um. Hár Billy Soza var hinsvegar
mun lengra. Dómarar sem fjölluðu
um málið sögðu hinsvegar að ekkert
gæfi til kynna að sítt hár ógnaði ör-
yggi í fangelsinu og því sé óheimilt
að neyða indíánann til að sæta hár-
snyrtingu. ■