blaðið - 13.05.2006, Blaðsíða 38

38 I MENNING
LAUGARDAGUR 13. MAÍ 2006 blaöið

Nútímadans með
brasilisku ívafi
BlaöiS/Frikki
Grupo Corpo er langvinsælasti nútímadansf lokkur Suður-Ameríku nú á tímum og hefur
hann sýnt víða um heim og hvarvetna hlotið góðar viðtökur.
Önnur sýning brasilíska dans-
flokksins Grupo Corpo verður á
Stóra sviði Borgarleikhússins í kvöld
kl. 20. Sýningin er liður í Listahátíð
í Reykjavík.
Grupo Corpo er brasilískur nú-
tímadansflokkur sem hefur sýnt um
allan heim og hvarvetna hlotið frá-
bærar viðtökur. Þetta er langvinsæl-
asti dansflokkur Suður-Ameríku nú
á tímum og í sýningarferðum hans
um heiminn er jafnan uppselt á
allar sýningar. Dansararnir eru allir
ungt fólk frá Brasilíu sem þjálfað er
sem sígildir dansarar.
Dansflokkurinn leitar víða hug-
mynda í listrænu starfi sínu en
heldur ávallt mikilli tryggð við
brasilískar rætur sínar, enda gætir
áhrifa þess greinilega í dansverk-
unum. Flokkurinn var stofnaður af
sex bræðrum í norðurhluta Brasilíu,
fyrir rúmlega þrjátíu árum, og er
enn fjölskyldufyrirtæki þótt hann
hafi stækkað mikið frá upphafi.
Byggt á tónlist Ernesto Lecuona
Þessi sýning dansflokksins er alveg
ný og samanstendur af tveimur dans-
verkum. Annars vegar er það verkið
„Lecuona" sem byggt er á angur-
værri tónlist kúbanska tónskáldsins
Ernesto Lecuona. Lecuona sem var
þekktur sem hinn kúbanski Gersh-
win, var fæddur á Kúbu árið 1895.
Á ferli sínum samdi hann yfir 170
píanóverk, 37 hljómsveitarverk og
yfir 400 sönglög sem ekki ófrægari
menn en Bing Crosby, Frank Sinatra
og Elvis Presley hljóðrituðu á sínum
tíma. Auk þess samdi hann mikið
af kvikmyndatónlist og var m.a. til-
nefndur til Óskarsverðlauna fyrir
besta lagið í myndinni „Always in
My Heart“ árið 1942.
Hitt dansverkið er aftur á móti
byggt á nýsömdu tónverki hins
þekkta brasilíska tónlistarmanns Ga-
etano Veloso fyrir flokkinn. Veloso
hefur verið nefndur hinn brasilíski
Bob Dylan og hefur lagt mikið á vog-
arskálarnar til mótunar brasilískrar
tónlistar og ljóðlistar síðustu áratugi.
Þriðja sýning Grupo Corpo verður á
morgun kl. 14.
Blaliö/Steinar Hugi
í gær var opnuð sýning á skálarúst frá 10. öld sem kom í Ijós við framkvæmdir í Aðalstræti í Reykjavík.
Landnámiö í brennidepli
á Listahátíð í Reykjavík
Landnám íslands skipar veglegan
sess á Listahátíð í Reykjavík í
ár. f gær var landnámssýningin
Reykjavík 871 +/-2 opnuð í Aðal-
stræti og í dag verður Landnáms-
setur fslands opnað í Borgarnesi.
Á árunum 2001-2003 fór fram
fornleifauppgröftur á lóðunum
syðst við Áðalstræti og kom þar
meðal annars í ljós skálarúst frá
10. öld og veggjarbrot sem er ennþá
eldra, eða frá því um 871 +/- 2 ár og
af því er nafn sýningarinnar dregið.
Veggjarbrotið er elsta mannvirki
sem fundist hefur í Reykjavík og
talið vera frá þeim tíma er menn
settust hér fyrst að.
Rústin og veggjarbrotið eru varð-
veitt í nýjum sýningarsal á horni
Aðalstrætis og Túngötu. Þar verða
einnig sýndir ýmsir munir sem
fundust við uppgröft á þessu svæði.
Með aðferðum fornleifafræðinnar
má lesa úr minjunum miklar upplýs-
ingar um allar aðstæður í Reykjavík
fyrstu aldirnar.
Sýning helguð Agli
Skalla-Grímssyni
Landnámssetur íslands verður
opnað í Borgarnesi í dag kl. 13. f því
er lýst upphafi byggðar á íslandi og
einni þekktustu söguhetju íslend-
ingasagna, Agli Skalla-Grímssyni.
Þarerutværsýningar.Landnámssýn-
ing og Egilssýning, en aukþess Sögu-
loft, þar sem sögumenn koma fram
og leiksýningar eru settar á svið. Sýn-
ingarnar eru í gömlu pakkhúsi sem
er eitt af elstu húsunum í bænum.
Við opnun sýningarinnar mun
sönghópurinn Voces Thules syngja
fleiri nýjar útsetningar á miðalda-
lögum sem mörg hver eru fengin úr
gömlum íslenskum handritum en
söngtextinn er byggður á textum úr
Sturlungu.
Á Landnámssýningunni er því lýst
hvernig ísland fannst, hvernig nor-
rænir menn fóru að því að rata yfir
opið haf og hvers vegna þeir yfirgáfu
sín fyrri heimkynni, Noreg. Sagt er
frá mönnunum sem fyrstir stigu á
land og hvernig fsland var numið,
fram til stofnunar Alþingis á Þing-
völlum árið 930.
Egilssýningin segir frá einum lit-
ríkasta persónuleika landnámsaldar,
Agli Skalla-Grímssyni. Faðir Egils,
Skalla-Grímur Kveldúlfsson, var
einn af fyrstu landnámsmönnunum.
Hann kom til íslands 10 árum á eftir
Ingólfi Arnarsyni. f sögunni um
Egil er því best og nákvæmast lýst
hvernig ein ætt sest að á íslandi. Eg-
ill var mikið skáld, en líka víkingur
og ribbaldi í útlöndum.
Herra Culbuto er franskur götulistamaður sem býður Reykvíkingum að leika við sig í
miðbænum í dag.
Dagskrá Lista-
hátíðar í dag
Opnun Landnámsseturs fs-
lands í Borgarnesi kl. 11
f Landnámssetri er lýst upphafi
byggðar á fslandi og einni þekkt-
ustu söguhetju íslendingasagna,
Agli Skalla-Grímssyni. Þar eru tvær
sýningar, Landnámssýning og Eg-
ilssýning, en auk þess Söguloft, þar
sem sögumenn koma fram og leik-
sýningar eru settar á svið.
Mr. Skallagrímsson - leiksýning
í Borgarnesi kl. 11 og kl. 20
í tengslum við opnun Landnámsset-
ursins hefur Benedikt Erlingsson
samið einleik sem hann kallar Mr.
Skallagrímsson og verður hann
frumfluttur á opnunardegi Land-
námssetursins. Einleikurinn er
byggður á Egils sögu og innblásinn
af sagnahefð sögualdar á fslandi.
Herra Culbuto - lifandi leik-
fang í miðbænum kl. 14
Herra Culbuto er franskur götulista-
maður sem hefur komið fram yfir
400 sinnum í 16 löndum. Hann er
lifandi leikfang sem bíður þess að
einhver komi og leiki við sig. Það
má draga hann um strætin og skilja
hann eftir þangað til einhver annar
tekur við.
Miðbær í myndum - Reykjavík
í 100 ár í miðbænum kl. 15
í tilefni af 25 ára afmæli Ljósmynda-
safns Reykjavíkur býður safnið
almenningi til sannkallaðrar ljós-
myndaveislu á strætum og torgum
höfuðborgarinnar.Úrvaliljósmynda
sem sýna götumynd og mannlíf í
miðbæ Reykjavíkur á u.þ.b. 100 ára
tímabili verður komið fyrir á Lækj-
artorgi, Austurvelli og í Fógetagarði.
Tvær myndlistarkonur í SAFNI
á Laugavegi 37 kl. 16
í tengslum við Listahátíð mun
SAFN opna sýningu á nýlegum
verkum tveggja þekktra erlendra
listakvenna, Karin Sanders og Ceal
Floyer sem báðar eru búsettar í
Berlín.
Grupo Corpo - brasilískur dans-
hópur í Borgarleikhúsinu kl. 20
Grupo Corpo er brasilískur nútíma-
dansflokkur sem hefur sýnt um
allan heim og hvarvetna híotið frá-
bærar viðtökur. Þetta er langvinsæl-
asti dansflokkur S-Ameríku í dag og
í sýningarferðum hans um heiminn
er jafnan uppselt á allar sýningar.
Motion-tríóið frá Kraká á
NASA við Austurvöll kl. 21
Þetta framsækna og stórskemmti-
lega harmónikkuband var stofnað
árið 1996 og hefur á undanförnum
árum vakið gríðarlega athygli fyrir
leik sinn. Tríóið hefur haldið tón-
leika víða í Evrópu, Bandaríkjunum,
Kanada og Asíu og hefur á tiltölu-
lega skömmum tíma tekist að brey ta
ímynd hljóðfærisins.
Miðnæturmúsík í Iðnó - Dívan
og djassmaðurinn kl. 23:30
Á laugardagskvöldum á Listahátíð í
ár verður fjörinu haldið áfram fram
á nótt á þrennum miðnæturtón-
leikum sem fram fara í Iðnó i hjarta
Reykjavíkur. Sólrún Bragadóttir,
sópransöngkona, og Sigurður Flosa-
son, djass-saxófónleikari, verða
með dagskrá sem samanstendur af
nýjum útsetningum af nokkrum
af þekktustu söng- og þjóðlögum
okkar íslendinga, fyrir sópranrödd
og saxófón.
Divan og djassmaðurinn. Sigurður Flosason og Sólrún Bragadóttir leiða saman hesta
sína í Iðnó í kvöld